حس المساكين !!

[سعيد الغامدي]

أيها الأحبة قرصة العقرب علمتني

مدى أهمية الطبيب وكيف أنه أقرب الناس للنفع بعد الله سبحاته

وأمكنهم من المضرة كذلك وكل ذلك بيد الله ولكن أمانة الطب عضيمه ..

كذلك راع المال أيا كان يستطيع أن ينشر بماله النفع وقد يجلب المضرة

وقد يفسد بماله ( فساد المترفين ) ....

من هنا وهناك خرجت قصيدتي تحاكي معاناة وتداعيات مؤلمة نعيشها

ولا من مجيب لما يحدث من تجاوزات ومفاسد يندى لها الجبين ...

لا تجحدون جراحنا يا الاطبا=تغتالنا وانتم عليها تسلون
ما همنا جراحنا اللي تخبا=ما دامكم عنها برغبه تساهون
نزف الجراح يزيد الارواح غلبا=لاصبح معالجنا بلا ذمه يخون
يحلف بأن الوضع ما هو بصعبا=وان الدواء موجود وإبليس ملعون
يقصي مشاعرنا ونوليه قربا=ونقول عاهدنا وللعهد بيصون
اثره طلع خداع ويجيد لعبا=على وتر حس المساكين بطعون
حنا رعايا بس بالاصل عشبا=على مفالي عشبنا تشبع بطون
طبيب واحد ممكن يهد شعبا=ويمكن يخلي صاحي القوم مجنون
لو تمدحه يزعل يرى المدح سبا=ويا ويلكم يا اللي حقيقه تسبون
هذا الطبيب اللي فتح كل قلبا=واصبح بتبديل الشرايين مفتون
يبغى يغير وجهة الشرق غربا=ويضحك لو المرضى حواليه يبكون
مرضى يقولون المرض صار جلبا= ناس تجي تشري وناس يبيعون
في سوق سودا تاخذ المال نهبا=وفي سوق بيضا سيرها دوم مدهون
يخون من على الخيانه تربا=حتى لوانه يملك اموال قارون
ويهون من يقتات بفتات حبا=ويكرم حرامي يمتلك زاد وصحون
وتعلن على الجايع اذا صاح حربا=واللي سرق قوته معزز ومصيون
فرق الكرامه بين صلبٍ وصلبا=مثل انبطاح العُربْ قدام صهيون
وفرق السلاح برفع صوت وشجبا = والمعتدي يرد برصاص شارون
مادام راع المال ناره تشبا=ويبهر دلاله على ريح الافيون
ويجيه مشروبه معتق يصبا=في كاس محميه من اللي يصبون
ويمشي بشارع ما صنع به مطبا=وطاقم صيانه حول حيه يحلون
وش له بفقران على ظهر جربا=اقصى طموحه ضم حبات زيتون
دامه يعاني طيلة الوقت كربا = ويحيى يعاني بين ناسٍ يعانون
لا تحملون همومهم يا الاطبا=عظم المريض بدون طحان مطحون
ولا طار سرب هموم يحط سربا = وعلى منابر همهم تبكي عيون
تذرف مدامعهم على الخد غصبا = وأهل الترف على المراقص يغنون
قلوبهم بالفقر تزدان حبا = وقلوبكم فيها لظى الحقد مدفون
هم يكسرون الفعل طرحٍ وضربا = وأنتم لنصب الفعل دايم تفانون
لهم سياحه بين رفحا وحلبا = وأنتم لبرد سويسرا كم تحنون
يا أهل الترف للناس ذوليك ربا = يمهل ولا يهمل كما أنتم تظنون
ترى التصدق منه الأموال تربا = تنازلوا لاخوانكم لا تهونون
وترى زكاة المال بالغصب تجبا = لكنكم ما ظن للحق تقرون
من قبل يوم ٍ فيه الأرواح تسبا =قلنا نصحيكم ولا ظن تصحون

تقبلوا تحياتي

أخوكم

سعيد الغامدي

[الطائر المهاجر]

حجز وانتظـــــار

[علي سعود العازمي]

صح السانك ولاهنت

[عبدالرحمن الصباح]

قصيده معبره وهادفه صح السانك واعتلا شانك

[عبير الورد]

صح لسااااااااااانك
ولاهنت يعطيك الف عافيه

[الطامي]

الغامدي
صح السانك ملايين
ابيات طيبة وهادفه
لاهنت اخي

[منصور العبدالله]

صح لسانك يالغامدى

[حي الضمير]

صح لساااااااااااانك مدد بلا عدد
قصيده رائعه
وسلمت يمناك

[الـزلـزال]

سعيد الغامدي

نص مميز ومتقن وملامس للجراح

من شاعر متميز ورائع في كل مايقدمه

ابدعت وأمتعت وصورت الحال بكل تميز وأتقان

مبدع شاعرنا وممتع رعاك الله

دمت ودام حرفك

صح لسانك ملايين ملايين

ولك فائق تحياتي وتقديري

[منيع]

اكثر من رائعه
كل الشكر والتقدير
تحياتي