سواليف الاطفال

[عبدالعزيز البليهد]

عهدي بها قدام تلبس عبايه
وأنا بعد قبل ألبس شماغ وعقال


طفلين نتهجا حروف الكتابه
الله يامجمل سواليف الأطفال


كانت لنا في كل شارع حكايه
وكنا نقول علوم ماهي بتنقال


وكنت أتقاسم مامعاها معايه
من آيسكريم التوت لعلك أبو ريال


وكانت بعكسي شاطره بالقرايه
تقرأ جزء عمى وطه والانفال


وانا لك الله من مواري غبايه
مدري أبو نقطه هو الذال أو الدال


وكانت لأبويه تشتكي من شقايه
وتعلمه كيف أربط الباب بحبال


ياما على ظهري كسر من عصايه
يقول لي خلك وأنا أبوك رجال


وأمي تقول إدع لولدك الهدايه
خوفي يصيبه كثرة الضرب بهبال


لاشفتها مع أول الدرب جايه
ماأدري أنا اللي ملت وإلا الوطاءمال


أحس قلبي يرتجف في حشايه
ماكنه إلا الضيف لاهز فنجال


ياما عن السعلي تخبت ورايه
لاخوفوها فيه ثم شافت ظلال


تقول ... خلك يا(....)معايه
وأستانس ألعب عندها دور الأبطال


وأغاااااار حتى من عيون أصدقايه
لاطالعوها!!!قلت...تكفووون ياعيال



******

اعجبتني ونقلتها لااعرف قائلها

[بنت العز]

هههههههههههههههههه
هذي ياطويل العمر سمعتها منذو مبطي يغنيها واحدن ماصل ومن يوم شفته وانا ملغيتن القناه ويقولون ان هالمطرب اختفى وهي الاغنيه الوحيده له
عاد يقولونه براي لله

[داعي الشوق]

صح لسانم يالشاعر عبدالعزيز

فكاهية جميلة جدا

أطربتنا

وصح لسانك يا مبدع

********

[بنت العز]

مهيب لعبد العزيز يقولك اعجبته ونقلها

[عبير الورد]

صح لسااان شاعرها وسلمت يمين ناقلها
كلمات رائعه تحمل بين طياتها ذكريات الماضي الرائع سلمت وسلمت ذائقتك الراقيه

[حي الضمير]

صح لسان شاعرها وسلمت يمين ناقلها

[نفحات حساسة]

صح السانك

ولاهنت..فكاهيه رائعه

يعطيك العافيه..وسلمت

تحيتي لك..

[زهرة اللوتس]

نقل جميل
من شاعر رائع
لاهنت
والف شكر
وتحية طيبه

[عبدالعزيز البليهد]

الله يسلمكم شكرا لمروركم الكريم لاهنتو

[حوريه]

فكاهيه جميله جدا
تسلم عبدالعزيز
دمت بخير