12-12-2009, 07:59 PM
|
رقم المشاركة : 1 | |||
|
تمت في عشاء السبت 25/12/1430 الموافق 12/12/2009
فلاح=
اجتمعتو يالهنود اليوم في شات الفطاحل=كل هندي قام يرمي فوق بيت الله حرامه الهنود اهنود واهل الباديه والا السواحل = ناوي الليله بهم والرمي ياصل لليمامه جاكم الرمي الصواب وصاب منكم كل كاحل = كل رماين نكس لي بندقه وارخى العمامه ابو نواف= الهنود ضعوف يابو سيف يقتص الكواحل=خلنا نبتل سوى للشرق والا للثمامه الطائر= رميتك معروف وشهي فلا تكابر وانت كاهل=دور لأصلك وفصلك كان تبغي للسلامه تحسبنك صرت ذيب وانت تدري بالدواخل= ضب ضيع عكرته يوم غازل له حمامه ابو نواف= العسل مصدره يابو زيد من سمر المناحل=مانضرنا للذي يرعى الصخل وايا خزامه فلاح= انت يالطرش الذي من بين صحراء بالرواحل=لاتطى عالجمر وانته ياالتهامي في تهامه والعسل جابوه ياذيب الفلا من كف ناحل = خلها جوف الصدور ولاتجي في عش هامه الطائر= الصخل اخو الصخل والكل يدري لو تجاهل=وسيفكم لامن قطع في قرابه لاملامه ابو نواف= الحبيب اللي نوده يوم جاني بالدوا-خل=مارضي فيني وانا انزف يوم شاف الجرح امامه فلاح= الصخال صخال والسبع الذي لزْم الكواهل=يوم كشر شفتم انيابه وعودتم رخامه القلوب الي لها بالعشق بين الناس عاهل=ماتطيب امن الهوى يالله طلبتك بالسلامه الطائر= حكموا فيكم حطيه كان يفهم بالمناهل=مير ظني كيف يفهم وهو ما يدري افتهامه ماحسبنا للأسود فكيف نحسب للجحاطل= كل علم نعرفه والذيب يرعى في سنامه ابونواف= ماعنينا بالسوالف كل مراد وجاهل=قلتنا وقت المناشب بان له 100علامه فلاح= انت تعرفنا وتعرف كيف نارد للمداهل= مايفيد العلم في رمي القنا يبو دلامه الطائر= رميكم صخل وصخل بينهم حصني وناحل= ناركم يحرق لضاها من وطاها في عتامه فلاح= انت يالضبع الذي ياكل عظام ولا يصاهل= خشمك الملوي وتالي اليل ترقد بالبجامه ابونواف= الاسود تشبعت ماعاد تبغي منك خاطل=تعرف الصيد الثمين وتاصله من غير لامه الطائر= وانت ترقد ما سترت الجسم واضح كنت باخل=انتبه قرص البعوض وطير بعينك منامه ماخبرت الأسد تبحث عن قراقير وتخاتل= كل من يمشي بشمسه مايهاب من الملامه فلاح= يالبغير الي من الطرقه رغى والحمل مايل=لاتشيل الحمل للتجار ياشيخ الفعامه ابونواف= ودنا نسقيك من صافي العسل يمكن تصاهل=انزوى ضهرك ولاينفع معك غير الحجامه الطائر= شايلك من قبل ماودي يقولوا شيل ثاقل=ومثل ما شلتك احطك وسط صحرا للبوامه الحجامه للذي دمه فسد بالجرذ حاثل= يشفي الله كل من عانا ويبحث عن ريامه ابو نواف= انت ياعود الفطاحل يمكن انك عود كاهل= ماسبحت في البحور ولا تعلمت العوامه فلاح= ماتصيد الذيب بالشبكات لو عندك سلاسل=مير كب السرج ياخيال متبين سقامه الطائر= عارفٍ من فين اسبح مير اسبح مثل راجل= واترك الشطآن للي مادرى وينه جهامه ابونواف= ياعشيق الضب مالك في نعيمات النواقل=قبلك الصحرى وفيها 600 ضب حامه الطائر= ما اصيد إلا الحصاني وكل ذيب ما يجادل=عارف حجمه ويدري وقت يسري او هجامه لا انت لا ضبٍ ولا انته طير من ذات المناجل= ميرطاووس نافش ريش لو يشكي جذامه فلاح= انتبه للخزمري لاقابلك واربط فرامل=لاتعدى الحد واحذر كان في راسك فهامه ابونواف= لاتحط الذيب بين الطرش ياهرش مهاقل=لطمته تعمي وصخلاتك شبع منها التهامه الطائر= من تعدى الحد حقه ينخزم مثل الرواحل= ومن مشى درب السلامه مانبي غير السلامه ماخبرت الذيب يفري الذيب في كل المجاهل= مير قل حصني ولا يدري خواله من عمامه فلاح= انت يالهرش الذي بالكيل عبيت المكاتل= خلني اصلي واعود لك وراسك في الغمامه ابونواف= مرحبا بك ياعويد مانعده طفل جاهل=الصلاه الله يرجك فكنا يابو كرامه |
|||
|
|
13-12-2009, 12:10 AM
|
رقم المشاركة : 2 | |||
|
صحة الالسن يا فطاحل |
|||
|
|
|
13-12-2009, 02:30 AM
|
رقم المشاركة : 3 | |||
|
صحت السنتكم |
|||
|
|
|
13-12-2009, 11:08 AM
|
رقم المشاركة : 4 | |||
|
رائعة جدا |
|||
|
|
|
14-12-2009, 09:01 AM
|
رقم المشاركة : 5 | |||
|
صحت السنتكم |
|||
|
|
|
14-12-2009, 12:42 PM
|
رقم المشاركة : 6 | ||||
|
اقتباس:
صحت لسنتكم يارجال المعاهل=الكل منكم لبس التاج من فوق العمامه
الكل دلا ابدلوه وسك ريضان الفطاحل= في معني وفي جزاله وفي كلامه اخواني لاهنتو ولاهان بوحكم تحياتي وتقديري لكم |
||||
|
|
|
14-12-2009, 10:19 PM
|
رقم المشاركة : 7 | ||
|
|
صحت السنتكم |
||
|
|
|
19-12-2009, 11:50 PM
|
رقم المشاركة : 8 | |||
|
الله يبيض وجيهكم
امتعتونا يامميزين وصح السنتكم |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محاورات الفطاحله على الشات رقم ( 4) | العيناء العامريه | ساحة المحاورات | 15 | 16-12-2010 06:50 AM |
| محاوره ساخنه فلاحْْْxالطائرتاريخ5-6-1430 | نفحات حساسة | ساحة المحاورات | 15 | 16-12-2010 06:50 AM |
| محاورة رائعة (الطائر - فلاح) 8/7/1430هـ | جلال ابراهيم الصبيح | ساحة المحاورات | 15 | 16-12-2010 06:50 AM |
| نتائج المنافسات الأسبوعيه | الطائر المهاجر | الصحافة والعلاقات العامه | 27 | 07-08-2009 04:26 AM |
| الطائر المهاجر ضيـــف الإسبـــوع .. | إستبرق | تحت الأضواء | 19 | 09-02-2008 12:39 PM |
فلاح وابونواف× الطائر
