قديمة لم يسبق لها الظهور أبداً

[شجاع عمر الأكلبي]

السلام عليكم ورحمة الله وبركاته

هذه القصيدة من بداياتي ولم يسبق لها النشر أبداً ولم تطرح في أي أمسية ولا مجلس كانت مدفونه ووجدتها ليلة البارحة ونقلتها لكم كما هي بأخطائها وشاعريتها البدائيّة موجهة للخال والشاعر الكبير محمد بن شافي الجيهاني الأكلبي وعمرها تقريبا 20سنة


تقبلوها

يالله يـاخـالـق مـــن الـــلاّش نــــوّهياخالـق إبـن آدم بـنـون ٍ بـعـد كــاف

يامـن جعلـت الضـعـف يقـفـاه قــوّةثــم كـبـر ولا مــوت والـكـل بـتـلاف

أجعـل لنـا فـي مسلـك الخـيـر خــوّةوأجعل لنا فـي جنّـة الخلـد مشـراف

فـقـم يانديـبـي فـــوق حُـــر ٍ فـتــوّةحُـر ٍ علـى الدرهـام عاشـق وميـلاف

وصّـــل تحـيـاتـي لـرجــل الــمــروّةوسلّم عليـه إعـداد ماطايـف ٍ طـاف

ودّه لـبـن شـافـي عـريــب الـجـنـوّةالطيب ساسـه والشهامـة لـه غـلاف

تـلـقـى تـراحـيـب ٍ وتـلـقـى قــــروّةويذبـح لضيفانـه مـن الحيـل وخـراف

حــاش المـراجـل والنوامـيـس تـــوّهمـن بـوه ورث ٍ لاببدعـه ولا أســلاف

لــه مجـلـس ٍ تـرتـاح لاجـيـت جـــوّهيجـمـع مطالـيـق ٍ نزيهـيـن وعـفــاف

مـاقـال هــات الـقـاز بيـشـب ضــوّهكـوّم حطبهـا وأشعـل النـار بالسّـاف

والـلــي يـكـيّـف دلّـــة الـبــن هـــوّهفـي دلال رسـلان ٍ جديـدات ونضـاف

والــبــن خــــولان ٍ يـجـيـبـه نــقــوّةتلقـى مباهيـره علـى الجمـر صفّـاف

ثــم بلـغـه بأسـبـاب هـــذي الـلـفـوّةأبي منه في بعض الأحـوال الإشـراف

أبـيــه يعطـيـنـي الـخـبــر والـفـتــوّةفي بعض ناس ٍ تدعي كُمل الأوصاف

نـاس ٍ علـى الأدنـيـن فيـهـم إقـسـوّةوسيوفـهـا تشـهـر بريـعـات ورهــاف

وأمـا علـى الأقصـيـن فيـهـم إحـنـوّةويلبس كعب من شأن يظهر وينشاف

وأشدوقـهـا بـكـل الـمـواعـظ تـفــوّهوتجحد حقـوق الغيـر وتحـط محـراف

فرسـان فـي وسـط البلـد والحـمـوّةوركابهـم طـوع ٍ سريعـات وعـسـاف

وإن جــا لــزوم بعـيـد فيـهـا عـصـوّةمـــع حرانـتـهـا هـزيــلات وعـجــاف

خيّـالـهـم وقـــت المحـاضـيـر بــــوّةالناس تمشي قـدم وذا يرجـع خـلاف

غـرتـنـي ضـنـونـي بـهــم والـهـقــوّةوأثر الظنون تغر فـي رمـي الأهـداف

فلامـن بغيـت أسلـى فـلا مـن سلـوّةهـمـوم ٍ تـواردنـي ثقـيـلات وخـفـاف

عطـنـي جـوابـك يـاعـريـب الـجـنـوّةحـيـث ٍ مثـلـك للصعيـبـات عـسّــاف

وصلـوا علـى المختـار رجــل النـبـوّةللظـلـم طـمّـاس ولـلـحـق كـشّــاف

[الطائر المهاجر]

بوح رائع من شاعر رائع
صح لسانك مليون
لاهنت ولاهان مغليك
تحياتي العطره

[عبدالله راشد الثويني]

الشاعر والاستاذ المُبدع / شجاع عمر الأكلبي
صح لساااانك مليون ولا يكفون ابدعت يالغالي كعادتك
كل الشكر وتقبل وُدي وإعجابي الشديد
بكل ماتخطه اناملك

[نجم الإبداع]

ارحب ياشجاع

وصح لسانك عبى المصافحه الجزله

لاهنت

تقبل مروري

وتقديري

[صعبة المنال]

اللهم صلى وسلم عليه
المتميز شجاااع
دوم لك جديد

صح لساااااااانك

صعوووب

[عبدالعزيز الدهمشي]

يامن جعلـت الضعـف يقفـاه قـوّة
ثم كبر ولا مـوت والكـل بتـلاف
أجعل لنا في مسلـك الخيـر خـوّة
وأجعل لنا في جنّة الخلـد مشـراف



الله عليك ياشجاع ..


صح لسانك مليار ولاهنت ..



قصيدة وافيه من وافي ..



ماشاء الله تبارك الله ..



تحيتي لك

[الطامي]

بو عمر
صح السانك ملايين
قول وفعل يالغالي
جزلة وطيبة كقائلها
لاهنت

[حوريه]

شجاع الأكـلبي

شامخه رائعه من شاعر رائع

صح لسانك مليووون ولا يكفووون

دمت ودام عزك

.

.

[حي الضمير]

اللهم صلي وسلم عليه

وصح لسانك وعلا شانك شاعرنا الكبير شجاع
قصيده رائعه وابدعت يامميز
أجزل التحايا والاحترام

[نفحات حساسة]

الله عليك..
صح السانك..واعتلى شانك
قصيده بقمه الروعه,
سلمت وسلمت يمينك..
يعطيك العافيه..
تحياتى لك..