أستفسارات وامنيه

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


اخواني المشرفين لدي عدة استفسارات تصب في مصلحة المبتدا الذي انا اولهم

اتمنى وساعت صدوركم علينا حنا المنبتدأين

1ـ هل تلحين ما اكتبه كافي لكي تعطيني نتيجه بان قصيدتي موزونه ؟

مثال
لحن البارحه يوم الخلايق نياما
اخذته ولحنة فيه هذا البيت من تأليفي

(( أنا وجفوني والدموع والتناهيت ,,,,,,,, نحسب ليوماٌ ماحسبنا حسابه ))

إذا فيه تعليق ارجوا التوضيح لاني الان صغته على اللحن وجربوه
ادري انه ممكن فيه خطا بس علموني كيف اكتشف الخطأ




2ـ هل هناك شروط لحروف القافيه ؟

مثال
لو انا بحط قافية قصيدتي الشطر الاول ينتهي بـ(( ــالي )) والشطر الثاني بـ(( ــارح ))

يعني هل المسأله بكيفي ام هناك شروط على هالمسأله




3ـ متى يحق لي اكتب على الهلالي ؟
يعني البيت الاول شطر وقافيه تشابه والشطر الثاني من ثاني بيت إلى الاخير مثل البيت الاول

هل هناك شرط خاص
وإذا كان من ناحية الوزن ارجوا توضيحه بلحن اغنيه من الاغاني المعروفه حتى افهمه
لاني صرت افرق بين الاوزان بالاغاني




ــــــــــــــــــــــــــــــ ــــــــــــــــــــــــــــــ ـــــــــــــــــــــــ
انتهيت من الاسئله

لكن عندي امنيه

انا ياجماعه ودي اكتب قصيده وودي تكون قصيده محبوكه
يعني وانتم اعرف مني يالمستشارين
الانسان وده يقول قصيده ماحد يدخل فيها كلمات عشان يعدلها
ادري انكم تدخلون كلمات عشان نفهم
لكن ماهو هذا قصدي
قصدي
انا ما افهم بالكلمات اللي تدخلونها يعني صارت ابياتي خطأ ولا اعرف سبب الخطأ

ودي احد يتبرع من المستشارين ويفتح لي موضوع خاص لي مثلا عشان نبدأ انا وأياه
بالبدايه يطلب مني و يقولي
يالله جب لي ثلاث ابيات شعر على نفس لحن اغنية (( رسمتك للبدر صوره ,, واخذت النور من نوره ))
وانا اكتب له ثلاث ابيات
اكيد بيطلع عندي اخطأ
يعدلها بسهوله لانها ثلاث ابيات
ويقولي وين الخطأ ويشرحلي كيف وليه صار خطأ ويطالبني على نفس اللحن اكتب مره ثانيه ثلاث ابيات
وبعد ما اتعلمها
يعطيني لحن اغنيه ثانيه ويقول اكتب
إلين الله يفرجها

هذه المسأله ما اتوقع تحتاج جهد
هو يدخل مثل كل ثلاث ايام ويشوف وش سويت
او كل دقيقه او كل ساعه او كل يوم او كل اسبوع
المهم فيه متابعه لنفس الشاعر
يكفي انه يتبنا شاعر من الفعله هذي

ادري ان وراكم اشغال وانا ما اطالبكم فوق مجهودكم
وهو داخل يشقر على تلميذه ويشوف وش سوا تلميذه
لكن في خاطري حاجتين بالدنيا وودي اكتبهم بقصيده افضفض فيها عن اللي في داخلي

اتمنى ان صوتي يصل لأي مستشار ويتبناني
يرسلي على الخاص ويعطيني كيف نبدأ ووين

شاكر لكم اهتمامكم
وبيني وبينكم والله فريت منتديات لكن ولو مافيه مثل هالمنتدى

اشكركم من كل قلبي

[الطائر المهاجر]

(( أنا وجفوني والدموع والتناهيت ,,,,,,,, نحسب ليوماٌ ماحسبنا حسابه ))

إذا فيه تعليق ارجوا التوضيح لاني الان صغته على اللحن وجربوه
ادري انه ممكن فيه خطا بس علموني كيف اكتشف الخطأ

نعم يبدو لي نفس اللحن ، ولكن بدل الدموع ، الدمع
وحقيقة لا استطيع الجزم حتى اقطعه عروضيا ، ولكن بالنظره ومن الشيلة ارى انه نفسه

هل هناك شروط لحروف القافيه ؟

مثال
لو انا بحط قافية قصيدتي الشطر الاول ينتهي بـ(( ــالي )) والشطر الثاني بـ(( ــارح ))

يعني هل المسأله بكيفي ام هناك شروط على هالمسأله

يشترط احتلاف الحركه ، حتى يختلف الإيقاع الموسيقي
فلا يصح ان نقول ال ، و اح ، وكن يمكن القول الي وابح ، او اوح

3ـ متى يحق لي اكتب على الهلالي ؟
يعني البيت الاول شطر وقافيه تشابه والشطر الثاني من ثاني بيت إلى الاخير مثل البيت الاول

هل هناك شرط خاص
وإذا كان من ناحية الوزن ارجوا توضيحه بلحن اغنيه من الاغاني المعروفه حتى افهمه
لاني صرت افرق بين الاوزان بالاغاني

متى ما رغبت ، ولكن يفضل لكل مبتدئ ان يجيد المسحوب أولا ثم الصخري ثم الهجيني القصير ،
وبعد الإجادة التامه يمكن ان ينتقل للهلالي وغيره من ذوات الأشطر الطويله

في الهلالي يكتفي بقافية العجز ، اما الصدر فلا لزوم لها
الهلالي عدة انواع (تام ، ناقص ، مجزوء)وهي مفصلة في الموضوع المثبت "بحور الشعر الشعبي وتفعيلاتها" ومعها امثلة
مما احفظه من الأغاني التي على الهلالي التام
نوى القلب نيه مانواها لاحد غيرك= نوى القلب يمشي لك على السمع والطاعه
ومنه قول عبدالله الفيصل :
تمنيتك البارح على هجعة العربان=أبا اسهر معك في نور اخوك القمر ساعة

وعلى التام مجموعة من قصائدي مثل :
الى من بلاك الله بعيون نجديه= توخ الحذر وابعد ترى سمها ساعه
انا كل ما سلى حرّك الناس لاوجاعي = وتبدا جراح القلب تنزف من اوجاعه
أنا اللي تعلم من حياته يصير انسان = عرف للبـداية والنهـايات يرجيها

ولكن الهلالي التام لم يكن الهلاليون يكتبون عليه بل كتبوا على الناقص ، والناقص توعين ، النوع الأول مثل
فقولوا لطراد الهوى يطرد الهوى= بالإجهاد عنها لا يرده حسودها (ابازيد الهلالي)
والنوع الثاني مثل : ياخالي آبو زيد طوّل بحفرتي = عن الذيب لاتغدي عظامي نهايب


ليس من مهمة المستشارين التعديل ولكن التوجيه فقط ، وإذا تم ذلك بناء على طلب الكاتب ،فيحاولون ان لايخلون بالمعنى الذي اراده

تحياتي

[الطامي]

ياسلام
جابها الطائر
ولابعد اللدكتور علم نوب
اجى وسلمى
شكرا لك

اشكرك اخي الطائر على هالشرح الجميل

وكفيت ووفيت
يالغالي

وشكرا الطامي على مرورك

[اصيل]

بارك الله فيك
جميل ما قرأته
تحياتي

[اصيل]

شكراً لما امتعتنا به
تحياتي

[السريع]

بارك الله فيك
جميل ما قرأته
تحياتي

[البديعي]

لك الشكر
على ما فاض به قلمك
تحياتي

[طويق]

مشكور
على المعلومه الجيده
تحياتي

[الهامس]

الف شكر
على ماجاد به قلمك
تحياتي الطيبه