لاحــاكـــم ولاقــــــاضــــــي !!!!!!

[عيد مشعل]

أهتاض لالاح البرق لي نوضه=يجلي هموماً من الماضي
واحالي إللي من العام مقروضه=في حب منهو لها عاضي
ناعم العود إللي على الموضه=جامعله سواد وبياضي
أخوض حبه خوضه وخوضه=دروبنا طوال وعراضي
أحسب إني ربيع قلبه وروضه= مثل ماهو مرباعي ومقياضي
خان وعود وعهود منقوضه= وراحت عشرتنا على الفاضي
وأحتج ودعاوي مرفوضه=ويا مخاصم القاضي من تقاضي
ونفسي من الحب ممروضه =وعليه أنا أشره ومغتاضي
الله يقطع الحب وغموضه=مدري متى شموعنا تاضي
لوبالحب عقوبات مفروضه=تنقذ بري تحت الأنقاضي
تلقى دعاوي معروضه=فمحكمة حب أطلع وأنا راضي
صحيح أهل الهوا حالهم فوضه=عاشوا لاحاكم ولاقاضي

[نجم الإبداع]

آمل مراجعة القصيده

مودتي

[الطامي]

صبرا حتى حضور المستشارين
الله يعينهم
صح السانك عيد بن مشعل

[عيد مشعل]

أهتاض لالاح البرق لي نوضه=يجلي همومـاً مـن الماضـي
واحالي إللي من العام مقروضه=في حب منهـو لهـا عاضـي
ناعم العود إللي على الموضـه=جامعلـه ســواد وبيـاضـي
أخوض حبه خوضه وخوضـه=دروبنـا طـوال وعـراضـي
أحسب إني ربيع قلبه وروضـه=مثل ماهو مرباعي ومقياضـي
خان وعود وعهـود منقوضـه=وراحت عشرتنا على الفاضـي
وأحتـج ودعـاوي مرفوضـه=ويا مخاصم القاضي من تقاضي
ونفسي من الحـب ممروضـه=وعليه أنـا أشـره ومغتاضـي
الله يقطـع الحـب وغموضـه=مدري متى شموعنـا تاضـي
لوبالحب عقوبـات مفروضـه=تنقذ بـري تحـت الأنقاضـي
تلقـى دعــاوي معـروضـه=فمحكمة حب أطلع وأنا راضـي
صحيح أهل الهوا حالهم فوضه=عاشـوا لاحاكـم ولاقـاضـي

[الطائر المهاجر]

اخوي عيد
اسهل طريقة للوزن انك تعد الحروف المنطوقه في كل شطر فإذا تساوت فالوزن صحيح
يعني لو فرضنا قلنا ان الشطر التالي نموذجي :
نفسي من الحـب ممروضـه
ن ف س ي م ن ل حـ ب ب م م روض ه =16
ن فْ س يْ م ن لْ /حـ بْ ب م مْ /ر وْ ض هْ
مستفعلن / فاعلن / فعْلن

تلاحظ في شيلته انه نوع من الهجيني القصير

طيب خل هالحين نأخذ الشطر الأول من البيت الأول ونعد حروفه المنطوقه ونقارن:
أ ه ت ا ض ل ا ل ا ح ل ب رق ل ي ن و ض ه=20
إذا واضح فيه خلل بين الشطر النموذج اللي ذكرناه سابقا وبين هذا فهذاك عدد حروفه المنطوقه 16 بينما هذا 20 ، ... خل نجرب نعدل هذا حتى يصير مثل النموذج
أهتاض لالاح البرق لي نوضه
اهتاض والبرق في نوضه
ا هْ ت اْ ض و لْ/ ب رْ ق ف يْ /ن وْ ض هْ=16
مستفعلن / فاعلن / فعْلن

ياليت تمشي على نفس الطريقه وتصحح الباقي
لاهنت
تحياتي

[الطائر المهاجر]

هالحين هداك الله قاعد اشتغل لك على القصيدة
وتروح تنزلها على ماهي مرة ثانيه ... اصبر شوي .. لاتستعجل
ونا اخوك ...

[عيد مشعل]

الأستاذ وشاعرنا

الطائر المهاجر

بودي توضح الأبيات المكسوره

للإستفاده من تجربتك الشعريه الفذه

تحياتي وتقديري

[المؤذن]

شكرا لك
على الجهد الطيب
تحياتي

[المورد]

مشكور
على ما افدتنا به
تحياتي

[خميس]

خالص الشكر والتقدير
على كل جهودك الرائعه
تقبل اطيب التحيه