عسى المزن يسقي بالليالي شدايده

[فواز الغسلان]

عسى المـزن يسـقـي بالليالي شدايده=مـزونٍ وراء بـرقـــه تلـجـلـج رعـايده
بها درس للـعـقـل اللبيـب الذي شكى=صـواديــف صـكات الزمان وعـوايـده
ونادى على اللي تجـتـمع ساعة الرخى=تضـحـك وتـاكـل من فـواكـه موايـده
ولا ضـال بالـعـشـريـن يـاكـود واحـد=وغـابـت وجوه اللي خـبـاثٍ عـقـايده
واذا كان يصفي لك من العـشر واحد=فـهـي سـلـعـةٍ بالسوق ضاعت فوايده
وصـارت فـواتـير الـمـراجل على الذي=نـسـاهـا ولا هـو جازمٍ فـي سـدايـده
فـيـاحـيـف يـاطـبـع الاجـاويـد بالـوفى=غدى عند من خـابـت وبارت وعايده
وياحيف كيف الناس تاطى على الردى=وتـخـلـف مواعـيـدٍ سـمـعـــنــا وكايـده
غدت مثل برق الصيف لاناض واختفى=وهو مـشـعلٍ بـالـمـزن جـمـرة وقايده
او انـه حـروفٍ تقـبـل الصدق والخطأ=تـجـي كل يـومٍ فـي مـثـــانـي جــرايـده
سقى الله ليالي قـوس حـاجب وجـيرته=سـرى لو عـظـامـه داخـل القـبر بايـده
ومـرحـوم يـازيـد الـعـجـاجــي ونـخـوته=جـزى راعـي المـعـروف واعطى زوايده
ثـلاثـيـن عــامٍ مـانـســى راعــي الـنــقـى=ولا سـاق مـعـروفه لحـفـرة جـحـايده
فـيـاحـي قــومٍ ذكـرهـا يـطــرب الحـشى=مـضـوا مابـقـى يـاكــود تـالـي شـرايـده
وانا سايرٍ بدروب ربـعـي على الـصـخى=ولو طـحـت بـشـبـاك الرزيل ومصايده
واذا قـيـل لـي دربٍ قـديـمٍ قـد انـتـهـى=فأنا اغلي سـمـول طـبـوعنا عن جدايده
ولا ارجـي شهـادتكم على طيب منهجي=كـفـتـنـي سـلـوم اجـدادنـا مع شـهــايـده
وش الـربـح في جـيلٍ ترك درب لابـتـه=شـبـابـه لـبـس ثـوب الـحـريـم وقـلايـده
او اللي رفـض تـزويـج بـنـــتــه وسـتـرها=يـبـي يـغـتـنــي من فـضل راتب عنايده
او اللي يـغـار ان فـاز بالـطـيب غـيـره=وسلط عـلـى راع الـكــرامـه مـكـايـده
وهـو ما كـفـل خالـه اخو زيـنــة اللـبن=تـراعــد عـظــامـه هـايــبٍ قـسـط تـايـده
واذا كـنـت ماتـقـوى عـلـى حمل غيرك=دع اللي قـوى يـجـنــي ثـنـــاه وحـمـايده
ولا تطـلق لـسـانـك على كاسـب الثناء=واربـض وخـل بـوسـط قـلـبـك حـقايده
وافــطــن لـمــا قــــالــه رشــيـــد الــزلامـي=اللي شـرح وصـفــك بـغــالــي قـصــايــده
باللي عـجــز يـسـري مـســاري ذيــابـتـــه=وامـســى يــوزع بالـمـجــالــس نـقــايـده
واذا طـحـت تـشـكـي جور الايام حوله=مـن الـهــون عـــيـــا لايـفـارق وســــايــده
والامداح ماتـزهـى وتعـطى سـوى الذي=بالـطـيـب يـصـبـر للـقـســى مع نكايـده

[الطائر المهاجر]

حكيم وجزل ومتجدد الإبداع
صح لسانك
ولا هان راسك
ولاتنسى ترى عندك رسالة
ما رديت عليها
تحياتي

[داعي الشوق]

فواز الغسلان

شاعر من العيار الثقيل ،

صاحب إبداع جميل في كل الاتجاهات

و على كل البحور

صح لسآآآنك أيها الرائع

صح لسانك

مدد بلا عدد

تحيتي لك مع التقدير

[ام العمده]

صح لسانك واعتلا شانك لاهنت على هذه الشامخه ابدعت يالشاعر دمت بخير

[الأموره]

صح لسـآنك ملايين

سلمت و سلم فكرك

الف شكر لك

دمت برعاية الخالق

[صعبة المنال]

جزله

سلمت وصح لسانك

صعووب

[سناعيس]

كعادتك جزل ياشاعرنا
صح لسانك ولله درك
لاهنت


تحياتي

[الـزلـزال]

فواز الغسلان



قصيدة رائعه ومتقنه الحروف والمعاني


من شاعر جزل ومتمكن



أسعدني تواجدي بين حروفك الراقيه شاعرنا



صح لسانك ملايين ملايين


ولك فائق تحياتي

[عذب القوافي]

صح لسانك أخي / فواز نص وافي

يعطيك العافية

تقديري ,,,,,,

[همس الورد]

صح لسااااااانك

و اعتلاااااااااااا شااااانك

قصيدة في غاية الروعة

دمت بالف خير