شرار الحرايق

[ناصر عبيد الهواوي]

حي الكتاب اللي بالإبهام مختوم=عدد عباراتٍ حواهن رقايق
حيه عدد مانشأمن القبلة غيوم=وعدد شرارٍ طايرٍ من حرايق
ظنيت به مايشرح الصدر مرسوم=وأثره معيدٍ لي جميع الوثايق
يعني نهاية مرحلة تبدي اليوم=كني موظف بايقٍ له بوايق
ياصاح ماهاذي بعادات واسلوم=ولا قط صارت بين كل الخلايق
ياكبر ما يلحقك مني من اللوم=فعلٍ لمثلي منك ماهوب لايق
وامسيت متكدر وتطرقني اهموم=عن الكرى صارن لعيني عوايق
والليل طال ولابدا فجر هاليوم=واضحى الضحى والبال ماهوب رايق
امسيد قدام العرب كن بي نوم=وافرح لو تغمض اجفوني دقايق
وارتاع لو لجوا مع السوق واقوم=يالله عسى ماجت حلومي حقايق
صار اتهيالي على جمس مصدوم=وانه معي راكب وانا كنت سايق
وكن المكان بكثرة الناس مزحوم=وهاذاك يسترجع وهذا يوايق
سألت من حولي عنه قال مرحوم=ماشفت بدي الجمس غادٍ شلايق
ووقفت ما ابدي تايه الفكر منجوم=واشقق ثيابي بنايق بنايق
وصحيت لو كله خثاريق وحلوم=عجزت تفسرها شيوخ الطرايق
واصفط على راسي مخدات بالكوم=اصدق انه حلم؟!!مانيب طايق

ياصاح ماهاذي بعادات واسلوم
ولا قط صارت بين كل الخلايق
ياكبر ما يلحقك مني من اللوم
فعلٍ لمثلي منك ماهوب لايق

الاخ/ناصر الهواوى

الله الله

شاعر مبدع وقصيده وافيه ونتمنى لك ان تكون احلامك القادمه سعيده بأذن لله

وعسى ان يحميك الله من الاحلام المزعجه.

لاهنت

تقبل أصدق الود

[محمد عبدالله البدراني]

ناصر الهواوي

سلمه الله


سلامتك من الحلوم المزعجه لكن يمكن غفوت عصير


وصحيت لو كله خثاريق وحلوم
عجزت تفسرها شيوخ الطرايق
واصفط على راسي مخدات بالكوم
اصدق انه حلم؟!!مانيب طايق





حلم وعسى خير ان شاءالله



مليون مليون صح السانك يابو عبيد


ولاهنت يالقرم



دائما من متابعي شعرك ولك الحضوه


لاعدمناك


تحيتي وتقديري

[مجدي صالح المبارك]

بسم الله الرحمن الرحيم

الشاعر القدير ( ناصر الهواوي ) صح لسانك وجاد بيانك على هذه القصيدة التي تفيض بالجزالة و تعبق بعبير الروعة والابداع , لك مني فائق التقدير ودمت بكل خير .

[سعد الشقحاء]

صح لسانك
واتعلا شانك

[مبروك بن ماضي]

الفاضل : ناصر الهواوي
صح لسانك وجاد بيانك
وتسلم يمينك على هالشامخه
جزله من شاعر جزل
سجل الاعجاب والتقدير
تحياتي واحترامي ،

[رفيعة الشان]

شاعرنا الأخ الهواوي
الله على ما قراناه هنا
قصيدة وافيه وجميلة
سلمت يمينك
ابدعت

ولااااهنت

[دايود صالح الخلف]

ناصر الهوآوي /

صح لسانك ولاهنت وبيض الله وجهـَك
وعسى حلـومك خيــرر ان شاء الله


تحيتي

[الطامي]

الهواوي
صح السانك ولاهان راسك
مبدع كعادتك لافض فوك اخي
شكرا لك

[محمد بن عمار]

السلام عليكم ...
ناصر بن عبيد هههههه
غيّر اتجاه راسك ههههه

منتاب باللي يتعب القلب ملزوم
............ لو له من النعمان سبع الشقايق
ماكل من هو اشتكى الضيم مظلوم
.............. ياما و ياما مثلك اليوم ، ذايق


سلامة عينك وقلبك يا بعدي
تحيتي ومودتي لشموخك
محمد بن عمار