طريق الغرام

[عايض ابوشيبه]

على طريق الغرام اللي تسمونه=مشيت اراضي غرور القلب واطماعه
واقنعت نفسي برحله غير مضمونه=لأني عرفت اكثر الضحكات خداعه
مشيت والله يجازي نظرت اعيونه=اللي تسبب لهيب القلب واوجاعه
الحب في واقعه لحضات مجنونه=فيها شقى عمر واوقات الفرح ساعه
والعاشق اللي تولع لا تلومونه=لو حاول انه يرد القلب ماطاعه
خلوه يعرف عذاب الحب واطعونه=لاصار طبعه عنيد ويصعب اقناعه
ويعود لا قفلت ابواب الرجى دونه=لا زادت اهموم قلبه من تولاعه
الحب فرحه بحبل الوصل مرهونه=وليا ارتخى حبلها يأسهل تقطاعه
جربت للحب في شكله ومضمونه=عرفت فيه الفرح والحزن بأنواعه
الحب هاجس كثير اللي يعيشونه=والرابح اللي يعيش الحب في طاعه

[حوريه]

الحب فرحه بحبل الوصل مرهونـه
وليا ارتخى حبلها يأسهـل تقطاعـه


شاعرناااا عايض

نص رااائع من روااائعكـ

التي اعتدنااا عليها

صح قلبكـ

لاخلا ولا عدم

.

[عبدالله راشد الثويني]

الله عليك ياعايض

دائماً مانتشوق لنصوصك الجزلــــه

صح لسانك مليون ولا يكفوون

وعساك ع القوه

بإنتظار المزيد من روائعك

تقبل وُدي

[الطامي]

عايض
صح السانك
هههههههههههههههههههههههه
اتق الله ياشيخ
وانت واحد وكثير مثلك الله يعينك
جزلة من جزل

[عذب القوافي]

الجزل / عايض ابوشيبه

صح لسانك مليون

نص وافي من وافي

لله درك يالغالي


وآمل قبول هذا البيت المتواضع

تقديري ,,,,,,,

عايض تهيّض يجر القاف بلحونه=يومه نصح بنقول السمع والطاعه
عن قافكم يالقرم النفس ممنونه=والزين ضبي وحنايا القلب مرباعه
الرمش طاغي وجند أبليس ملعونه=والروح كيف الروح تتعب وملتاعه
ياكم رجل يختل لاشاف مزيونه=نبضه تغيّر والبلاء زادت أوجاعه

تقديري ,,,,,,

[نجم الإبداع]

الله الله

صح لسانك ياعايض

شاعر رائع تتحفنا دوما بابداعك

لاهنت

تقبل مروري

وتقديري

[رفيعة الشان]

الحب هاجس كثير اللـي يعيشونـه
والرابح اللي يعيش الحب في طاعـه

اي والله
الله على ما كتبت شاعرنا ابو شيبه
كلماات راائعه واسلووب مميّز
تسلم يمينك
وصح الله لسانك مليون مليون


ولااااهنت

[داعي الشوق]

صح لسانك يالشاعر عايض

شاعر جزل و صاحب معنى مميز و جميل

و القصيدة هذي

إمتداد لإبداع جميل

نراه دائما منك يا عايض

ندعو الله أن يستمر هذا الابداع

لإمتاعانا

لاهنت يا عايض

و صح لسانك مع التحية لك

[ناصر عبيد الهواوي]

الاخ عايض ابو شيبة سلمه الله
لله درك ماهوب بس بجزالة القصيدة
فحسب بل في فن التوسط بين الحالتين
ففي نضري انك لم تبعد عن مسار ولم تلامس المسار الثاني
وهذا فن صعب على الكثيرين منا
ابدعت وامتعت واجزلت ولا فض فوك وتحياتي وتقديري لك

[زهرة اللوتس]

الشاعر عايض ابو شيبة
سلمت وسلم منطوقك
جزلة من شاعر جزل
لاهنت وبيض الله وجهك
تحياتي

زهرة