ملطوش من كشكول رفيعة الشان ؟؟مع الأعتذار

[الطامي]

هذا مسج جاني من عند بنت خالتي الاسبوع اللي مضى وش تقوول:

لاضاق صدرك سج وابعد عن الانظار=ترى البر راحة للصـدور الشقاويـة
تعبنا وملينا من جـدار خلـف جـدار=وضجيج الشوارع حط في ضامري كيه
وزهقنا من التلفاز ومتابعـة الاخبـار=وزحام المدينة هـم ماهـوب حريـة
ترى البر والمشراف للضايق المحتار=علاج النفوس اللي من الوقت مبليـة

لشاعر ما اعرفه ؟؟؟؟؟؟؟؟؟؟
جاني وانا فالسيارة راجعه من الدوام ومصدعة وقلت اكيد هي مسيكينة بعد راجعه من الدوام وودها بالمرااح بس الله لنا
وقمت انا وارد عليها :

اقول:

الظرف يحكم والمحاصيل من الاقـدار=ولا لو انه كيـف يـا مابـرك النيـة
كان ابتعدنا عن حكاوي وعن ثرثـار=والبر ياهـل البـر يازيـن طاريـه
وذا الوقت وقتٍ به جميع البشر محتار=هواهم شمالي والشتـا بـان ماريـه
والا واوجودي وجد منهو زمانه جار=وده بعـلـوا والمقـاديـر حـدريـه

وآطرشها لها وانا حزيــنة على حالتنا
وما قول غير الله لنا

[الطامي]

رفيعة الشان
صح السانك والسان قائل الأوله
صوت وصدى رائيعين للغايه
ابيات في منتهى المنى لي خاصة
شكرا لكي واعتذر من اللطش بدون اذن

[رفيعة الشان]

المشاركة الأصلية كتبت بواسطة الطامي

رفيعة الشان
صح السانك والسان قائل الأوله
صوت وصدى رائيعين للغايه
ابيات في منتهى المنى لي خاصة
شكرا لكي واعتذر من اللطش بدون اذن

مررحبا يالطامي

صح الله بدنك ملايين

وكيف طمرت عليها

لا بالله مافيه مشكلة

الله يعطيك العافية ولاهنت

[حي الضمير]

ملطوووووش رائع
ولاهنت يامنصور
وتشكر ياطيب

[الطامي]

رفيعة الشان
شكرا لكي علىسعة صدرك
لاهنتي بنتي

[ابو زياد]

صح لسانك يارفيعة الشان
ابيات جميله

[الطامي]

ابو زياد
صح بدنك بالنيابه عنها لأنني لطشت المساجله وجبتها هنا
شكرا لمرورك اخي
ولاهنت عيني

[طويق]

شكرا لك
على الجهد الطيب
تحياتي

[المؤذن]

لك الشكر
على ما فاض به قلمك
تحياتي

[خميس]

بارك الله فيك
كتبت فقرأت فاستفدنا
تحياتي واحترامي