هذا تداول او جحور الثعابين

[الطائر المهاجر]

هذا تداول او جحور الثعابين= اللي بنفَس واحد تشلّ الضحيّه
هذا تداول او حريق المساكين = اللي وسم بقلوبهم الف كيه
لعبت حصاني القوم من مدعي الدين =ورحنا طعام جحوش وارخص هديّه
حسبي عليهم بعد خدعه وتطمين = لفّوا هوامير الجشع للبقيّه
ما يرحمون اللي خذا السهم بالدين= واللي رصيده طار لحظه ونيّه
ما دام قانون العداله بلا عين = "كل من ايده ايله" نظام وهويّه
السوسه اللي ابتدت شجرة التين = لابدّ ما تكبر بزود الأذيّه
تحرق نخلنا لاخره دون تعيين = ويشمت بنا الحساد وهل الطويّه
اللي يبون اذلالنا بعد تمكين = الحقد لو يخفوه طبع وسجيّه
سمّ الفكر يرسل ويخدع ملايين = ويلقى شواهد مثل تلك الرزيّه
السوق محكومٍ ببعض الغريبين = خلف الستار وكل نفسٍ رديّه
ما همّهم داري ولا همب ولهين = كلٍ يصدّر ما جمع بالعشيّه
ما دام داري طبعها العطف واللين = الاجنبي يلعب على كل هيّه
وين الرجال وين فخر الشياهين = اللي عرف بالعدل بين البريّه
تكفون يارجال على الدار حرصين = هذا زمان المرجله والحميّه

[الطائر المهاجر]

لم اجد لها ردود ربما حذفت

[منيع]

صح لسانك يادكتور
تحياتي لكم

[الطائر المهاجر]

شكرا منيع
على كريم المتابعه
لاهنت
اطيب التحيه