اصبحت لعبه في يدين العفاريت

[هترل]

السلام عليكم ورحمه الله وبركاته

في زمان اجدادنا وآبائنا , كان الاقارب يسعون بالصلح بين الازواج وبين الاخصام

اما في هذا الزمان ( الله لا يبلانا ) تجد ( بعض ) الاقارب هم من يوقدون نار التفرقه والفتنه بين الازواج وحتى بين الاشقاء
... اتمنى لها القبول

انــا عـلــى شـانــك اجـامــل غـــرورك=وانـتــه ولا هـمــك تـجـاهـي تــرديــت
اخطيـت فــي حـقـي بظلـمـك وجــورك=وانـــا اتـحـمـل كـلـمـا يـــوم اخـطـيــت
غـرك زمانـك تحسـب الشـور شــورك=وارخيـت سمعـك وانكبـوك السرابيـت
اخـوك الاهـبـل قــض بيـتـك وســورك=واختـك تشـب النـار مـن غيـر كبريـت
واحــد يتلـفـن لــك والاخـــر يـــزورك=واصبحـت لعبـه فـي يـديـن العفـاريـت
ارخصـت منهـو بهجتـه فـي سـرورك=وبــديــت عــذالــه عـلـيــه وتـمـاديــت
واليـوم منـهـو قــدرك فــي حـضـورك=الـكـل قـفـى عـنـك مـاعـاد لــك صـيـت
وحــدك تــدور مــن يــداري شـعـورك=تصبح بحال وحالك اصعب ليا امسيت
لا واحسـافـه انـطـفـى الـيــوم نـــورك=من عقب مانته شمعه الكـون والبيـت

[منيع]

جزل ومبدع
كل الشكر لكم
تحياتي

[جهاد الشعلان]

عسى الله يصلح الحال

صح لسانك


تقبل مروري

[الطائر المهاجر]

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

[داعي الشوق]

ابيات من قلب يا هترل
صح لسانك و طاب حالك ملايين

. الله يكفينا الفتن و اهلها و يحفظنا و الجميع

[الطامي]

الله المستعان
ماسمعت المثل اللي يقول
بعض الأقارب عقارب
صح السانك ملايين
ولاهنت

[حي الضمير]

صح لسانك مدد
ابدعت
لافض فوك
تحياتي

[طوفـــان]

لاهنت وصح لسانك وأنت يابو احمد مايختلف عليك اثنين

دائماً طرحك جميل ومواضيعك دائماً منتقاه ..

لك تحيتي وصح لسانك مرة اخرى

[هترل]

صحت ابدانكم وطهرت اردانكم
وبيض الله وجيهكم جميع
مرور مشرف لاخلا ولا عدم

تحياتي وتقديري

[الراقي]

صح السانك
ولافض فُوكَ ..

دمت بِكُلِ مَوَدَةٍ