انفتح مجتمعنا

[الطائر المهاجر]

انفتح مجتمعنا من جميع الجهات = بعدما كان مغلق من الاف السنين
وانتقل دون توجيهٍ ولا مقدمات= من عصور البداوه دون فكرٍ رزين
واختلطنا بعالم تختلف بالسمات = من جميع الأراضي جو لنا وافدين
وفوقنا اقمار ترسل ما تبي في ثبات= من مبادي دخيله تغير العاقلين
وبين جوال وانترنت عشنا بشتات= وابتدينا نشوف اشياء تندي الجبين
كل بيتٍ يديره سائق و خادمات = حتى اطفالنا صاروا يعرفوا الرطين
والمره من عطتهن دور كالأمهات = واهملت دورها حتى نست للعجين
والرجل اهمل لدوره بعصر الرداة= وجاب سواق ينقل حرمته والبنين
تحصل الحرمه مع السواق ليل وضحاة= ما كأنه رجل مرفوض شرعاً ودين
خلوةٍ غير شرعيه بكل الصفات = كيف نرضى بها با معشر المسلمين
ويوم جتنا تطالب بعد طول السبات= تقود سيارتها نقول الأمر شين
وقلنا هذا حرام ولو لبستي العباة = ولو تنقبتي وسقتي بالعقل بعد حين
ولو يقوم الرجل بالدور انهى العناة= وحرمته ما تبي سواق ياسامعين
ولا تبي تقود سياره بتاتٍ بتات = ففكروا بالعقل يامعشر المصلحين
ولا تناسون كم التكلفه بالمئات = من ملايين ترسل راتب السائقين
قوموا بالواجب تحفظوا عيالكم والبنات= وودعوا كل سايق لو بدا مستكين

[الطامي]

ياسلام يادكتور
صح السانك ملايين
اجدت فيما قلت وابدعت لافض فوك
شكرا لك

[داعي الشوق]

قصيدة زينه و طيبه و معناها طيب

بس مهوب على كيفنا يا بو عبدالله

كان ما تبي سواقك تراي بحاجه

ولاهنت و صح لسانك مدد

[سناعيس]

صح لسانك ولاهنت
رائعه من روائعك

تحياتي

[منيع]

اجدت وابدعت
شكرا لك
تحياتي

[احمد الكثيري]

قصيده جميله بارك الله فيك وسلم فكرك الراقي
لك كل التقدير

[الراقي]

صح الله السانك وعتلا شانك جزله من راس جزل

دمت بِكُلِ مَوَدَةٍ

[نجم الإبداع]

صح لسانك يادكتور
فكر نير
صح قلبك وفكرك والكلام الثبات=غير ما اظن يفهم فكرتك بالحصين
البنات اصبحو فالعالم مسافرات=ابتعاثات فيها عاشرو العالمين
السبب فالسفر وراهم المنكرات=لين عادو مع الشيطان في كل دين
انت تنفخ قرب ياصاحب مشققات=كل ماقلت يندى له ومنه الجبين

[ساهر الليل]

كلام ماعليه غبار

صح لسانك وفكرك

والله يصلح الحال يادكتور

تحياتي لك

[عبدالله الشويمان]

صح لسانك يا ابو عبدالله

قصيده رائعه..والله يصلح الحال.

دمت بخير ولاهنت