العقارب روحت من كل صوب= جت علىمتن الشبث

[مشعل التريباني]

بسم الله الرحمن الرحيم
الشاعر\ مشعل عسام التريباني الشمري
((العقارب))في 12\6\1434هـ

العقارب روّحــت مـــــن كل صوب(1)جت علـــى متن الشبث مشتالها

لــين حلت بالشـــــمال وبالجــــنوب(2)نزّلت وســـــــــط الديار رحالها

الشـــــبث ســــــهّل لها كل الدروب(3)قال حـــلـّو والصـــــعاب انا لها

مـــــايهم الظـــلع لو زاد الهــــبوب(4)والهــبايب مــــاتهــــــــــزجبالها

فارسن واركب علــى العوبا ركوب(5)والفرس ماله ســــــــوى خيالها

شـــــال حمله عمد ماهو بمغصوب(6)روّج الـفــتـنه وهـــــــــو دلاّ لها

فــي يمينه سيف والراس معصوب(7)والعقارب زغــــــرتت مـــوالها

يضمرالاشرارمايخشــــــاء الذنوب(8)جـــــاب دق المشـــكله وجلالها

خــايب الذمّه علــــــى العالم لعوب(9)قلـّبانــــــي والفــتن يســــــعالها

لويروب المــــي والله مــــــايتوب(10)عم كل المشــــــكلات وخــالها

ايتبــسم نوب مـــــار ايكـــش نوب(11)والحقايق دايمــــــــن مـا قالها

يبني الاشــــرارطوبن فوق طـوب(12)ضــــيّق الدنيا علــــــى نزّالها

ياعدالعالم وهو والله كــــــــــذوب(13)ليت لوخـــــلا العـباد بحــــالها

مار شـــــب النار بالعالم شـــبوب(14)وصال فـــي كل الديار وجالها

يوم حط الجدي في وسـط الجيوب(15)والثريّا فـــــــــــي يمينه طالها

قال احط الملح با المـــــي ويذوب(16)واتســـــــــيّد والطـوال ارقالها

وازرع البذره من اصناف الحبوب(17)لين اخالط هــــــزلها بجزالها

وانشرالقمره على عيون الشعوب(18)لين ترقـــــد ثم نســـــحب مالها

الشبث له باالحيل عشـــرين ثوب(19)قال مــــــن له حيلـتن يحـــتالها

يا اله الكـــــون عـــــلام الغيوب(20)رجّع الحيله علــــــــــى محتالها

[ساهر الليل]

صح لسانك

جزله ووافيه من شاعر جزل

دام نبضك ونزفك الفاخر

مع تحياتي وتقديري

[هترل]

الشبث له بالحيل عشرين ثوب = قال من له حيلهٍ يحتالها
يااله الكون علام الغيوب = رجع الحيله على محتالها

هالله الله
صح لسانك يالتريباني مدد
شاعر جزل ومبدع لا فض فوك

تحياتي وتقديري

[عبدالله السويلم]

صح لسااااااانك يالتريباني

جزله من راس جزل

لافض فوك

تحياتي لك

[عبدالمحسن الرحمه]

مـــــايهم الظـــلع لو زاد الهــــبوب(4)والهــبايب مــــاتهــــــــــزجبالها

فارسن واركب علــى العوبا ركوب(5)والفرس ماله ســــــــوى خيالها

ياعيني عليك شاعرنا القدير جزالة ليست بغريبة عليك
طال عمرك ودي لشخصك الكريم

[منيع]

مبدع وجزل
شكرا لك
تحياتي

[مشعل التريباني]

ساهرالليل
هترووول
شكرالكما جميعا على المروروالاطرى الله لايهينكما

[مشعل التريباني]

عبدالله سويلم
عبدالمحسن العمر
منيع
شكرالكما جميعا على المروروالاطرى الله لايهينكما

[نجم الإبداع]

محتاااااااااااااااااااالها

صح لسانك ياشاعر

لاهنت

[الراقي]

صح فكرك

صح بيانك

ودام حرفك ..

و صح السانك