فاز الذي مدعوم تحت الوساطة

[ابراهيم غضيان الشراري]

من له ظـهــر يـا مـن ويـرقـــد ويـرتاح=يـحــل صـعبـــات الأمــــور أبســـاطـه
يـاقـف شـمـوخ ولا يـتزعـزع ويـنــــزاح=واثــق مــادام إلـي يـبـي تحت ابـاطـه
والا الــضـعــيف إلي بـدا ينــزف جـراح=تخــدير وأحـــلامـه تـخـيـــط خـيـاطـه
هــذا الـصـحيـح إلي على المـجتمــع لاح=حـقـــايـق الـواقـــع ولا هـي عـبــاطـه
ضـاع الـضعـيف اللي قـضى وقـته نياح=وفـاز الـذي مـدعـــوم تحت الوســاطـه
يـا وقــت تـرســم للشـقى فـن الألـواح=تقـتل حـروفـه والـحـلا فـي نـقــــاطـه
هــذا وانــا مـا بـيـن جـيـّــه ومــرواح=ومصــروف جيبي ماجمعــته فـــراطـه
يـابـو ( يـزيـد ) الحلـم من واقـعي طاح=وشخصي مع العــالم قليل اختــــلاطـه
ومن شـــان تـدري ليه مـاني بمرتـــاح=زودتـك بـصـــوره فـقـــط للإحـــــاطـه
=الشاعر/ إبراهيم بن غضيان الشراري

[داعي الشوق]

صح لساااااااااانك و اعتلا شانك و طاب حالك يا بو غضيان

مبدع دائما و في كل الأحوال

صح لسانك مدد

ولاهنت

[هترل]

صح لسانك يابراهيم مدد
شاعر جميل ومبدع بكل حالاتك
وتستحق لقب شاعر الفطاحله بجادره


تحياتي وتقديري

[الطائر المهاجر]

"وشخصـي مـع العـالـم قلـيـل اختـلاطـه"
اجل وشلون تبي يجي لك واسطه وظهر

ادخل مع العالم وخاطرك منساح = واكسب فلان ولو كرهت لسراطه
واذبح له البراد منعنش اذا فاح = وفنجال كيفٍ يطلقه من رباطه

صح لسانك
ولاهنت
تحياتي

[سعيد عوده الحويطي]

الله الله عليك يابراهيم الشراري انت شاعر مبدع ومتميز اصدقت والله فيما قلت ولكن لاحول ولاقوة الا بالله تقبل تحياتي واحترامي. اخوكم ابو توفيق

[منيع]

مبدع في كل حالاتك
وعليك بنصحية الدكتور
شكرا لك
تحياتي

[ابراهيم غضيان الشراري]

الأخوة الاعزاء/ الطائر المهاجر. منيع.
أنا قصيدتي أخاطب بها أبو يزيد لأن هو الواسطة وهذا الدليل.
يابو ( يزيد ) الحلم مـن واقعـي طـاح
وشخصـي مـع العالـم قليـل اختـلاطـه
ومن شـان تـدري ليـه مانـي بمرتـاح
زودتـــك بـصــوره فــقــط لـلإحـاطــه
تحياتي وتقديري.

[ابراهيم غضيان الشراري]

صادق التحية والتقدير والاحترام الى كل من:
داعي الشوق.
هنرررل.
سعيد عودة الحويطي.

شكراً على مروركم الرائع و.عباراتكم الاروع.
أسعدني تواجدكم المحفز للإبداع. لاخلا ولا عدم.

إبراهيم بن غضيان الشراري

[مشعل التريباني]

اخوي ابراهيم غضيان الشراري
شاعر رائع ومميز في جميع اغراض الشعر
قصيده مميزه وصادقه تحاكي واقعنا اليوم
للاسف معظم الناس مع القوي والضعيف مهمش
حتى من اقرب قريب وانا ليقصيده حول هالموضوع
سوف تشاهدونها فيما بعد ان شالله تعالى صح لسانك
ولافظ فوك يابو غضيان

[ساهر الليل]

للاحاطه ,,,, صدقت يا شاعرنا
صح لسانك وقلبك ودام لنا نبضك

ان اشهد ان النور ضاوي ووضاح... بعض الخلايق سامته من هياطه


صادق الود والتقدير,,,,,,,,,