وشبه قطع وصله وحالي عتابه

[نجم الإبداع]

الي مهاجرنا وقالوا سلى وتاب=وشبه قطع وصله ولا جاء عتابه
الي حلف وابطى وخلاني ارتاب =حتى القلم في البعد ملّ الكتابه
رسوم وده في خفوقي لها اوتاب=ماقد خبْت لو حل فصل الشتا به
ليته تجمل ماسمع قول مغتاب = كان الجوى ماسلّ سيف الرتابه
يشهدعلى ودي لهم باب واعتاب=ياملهم اشعاري عساك انت تابه
يمه شعوري بالهواجيس ينتاب = ذاسهم غالي شروته واكتتابه
يسوى الذهب لو شد له فوق الاقتاب = يوم ان عوده ماتشوف النتا به
قولوا لمن بالصمت والهجر يلتاب= ارفق على قلبٍ صدودك عتا به
قلبٍ على فرقاك بالوجد نتّاب = وش حيلتي في وقت شاب الفتى به

[حمد العيد]

حظور اول

القدير/ ابن منشار

حرف اخاذ وفكر متجدد كم اسرني معانقة هذه الدرة

سلمت وصح لســــانك

ودي وتقديري

حمد العيد

[مبروك بن ماضي]

اخوي المبدع :
الشاعر / فلاح بن منشار
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

صح لسانك
يافلاح واعتلى شانك ولا هنت


تقبل مروري

[داعي الشوق]

يشهدعلى ودي لهم بـاب واعتـاب
ياملهم اشعاري عساك انـت تابـه

>>>>>>>>>>>>>>>>>>>

تسلم والله يالشاعر فلاح بن منشار

عزالله إنك أبدعت

ـ ـ رائعه وصح لسانك ـ ـ

اشكرك جدا على هذه الكلمات

يعجز لساني على وصفها

فهي اروع بكثير مما نتصور

معانى قمه

فى الرقى و الجمال

دمت و لا هنت

كلمات رائعه

حروف وابيات ترجمت أروع الكلمات

سلمت وسلم حرفك

دمت بخير

[الخنساء]

صح لسانك اخي الشاعر فلاح
لاهان راسك قصيدة رائعة
سلمت وسلم شعرك
دمت بخير

[مسالم]

قصيدة تحمل احساس صادق

صح لسانك وعاش راسك

دمت بخير