ردية من نوع خاص

[الطائر المهاجر]

في هذا النوع من ردية
تبدأ بكلمة ، وينتهي البيت بنفس الكلمة
ليأتي من بعدك ، ويختار الكلمة في نهاية الشطر الأول
ويبدأ بها ثم ينتهي بها ،
ليأتي الثالث ويأخذ الكلمة التي انتهى بها الشطر الأول
وهكذا تستمر الردية

القمر والشمس في خد الهنوف = تحت ليل ماعرف ضوء القمر
لا تناثر ينحدر تحت الكتوف = مايرده ردف غطى للخصر

[ابو أنس]

الهنوف اللي الى لبست شفوف=تخضع القاسي ولوانهـ ينوف
لانهصر في مشيته تلقى الكفوف=تشعل التصفيق لامنّه هصر

[الطائر المهاجر]

الشفوف اللي كشف ستر العروس = ودك انك تعدمه دامه شفوف
فالستر مطلوب لو تدفع فلوس = ما تكشف غير عورا ماتشوف

[نسناس الهوى]

الفكره رائعه وصعبة الفهم .. فأعذرونا لو كان فهمي خاطئ (:

الفلوس ذنوب لا جاتك نقم = تفسد الأخلاق لو كانت فلوس
فالحلا بالقلب ماهوب بالنعم = والعدم لا جت على ايد النجوس

[الغريب]

عن نفسي راح اكون مستمع

ارجو المعذره

ابو عبدالله من هنا وابو انس من هنا

عز الله رحنا فيها

[الطائر المهاجر]

النقم للي جحد امر الزكاة = لو ضحك وقته يجي له بالنقم
ومن عرف للدين وادى للصلاة= يشفي الله كل همه والسقم

[يزيد النمي]

الزكاة اللي على المسلم فريضة واجبة = تطهر اموال الفتى اليا دفع حق الزكاة
مير بعض الناس حكم الدين ماهو عاجبة = تاجرٍ مغنيه ربي مير ما يدفع بتات

[الطائر المهاجر]

واجبه معروف لا لوم وعتاب = من نوى يعرس يؤدي واجبه
بليلة الدخله ولا يهمل كتاب = ما يشم الورد الا عاجبه

[الطامي]

حبينا نجدد القديم
والقديم عديم

صاحبي الى متى وانته كذا = كل يوم في قضيه في عتاب
بس حاذر لاتسحل بالحذا = ثم تقول ان ذا مقدر بالكتاب

[داعي الشوق]

المشاركة الأصلية كتبت بواسطة الطائر المهاجر

واجبه معروف لا لوم وعتاب = من نوى يعرس يؤدي واجبه
بليلة الدخله ولا يهمل كتاب = ما يشم الورد الا عاجبه

العتاب اللي يفرّق بيننا = يا غايتي مانقبله يا غايتي
أنتي وانا والشوق جمّع حظنا = الله يتمم حبنا يا دنيتي