فـاز مـن جنّـب دروب الحـاسديـنه

طلال العازمي · 13-06-2012, 12:59 AM

السلام عليكم ورحمة الله وبركاته

ما وراك إلا السهر والعلم فاضي= والسوالف كل شي إلا الرزينه
صاحبك للمهزله ما هو براضي= اترك الهرج الردي وامسك ثمينه
ليت في سلم المحبه حكم قاضي= كان اخذت احقوق خيلٍ مسرجينه
و كان ما شفت القلم بالسطر ماضي=واسترحنا من قصايدنا الحزينه
عقب بارق من هذاك اليوم ناضي=شوف عيني يوم ناظرني بعينه*
كان يبغا قربنا والشوق فاظي=والمحبه ودّته دربٍ يجينه
واستوينا بالغلا دون اعتراضي=والمواصل تم من بيني وبينه
كان صار اللي فرضناه افتراضي=ما لقيت البعد يرفع لك يدينه
والعواذل ما وطيت إلها اراضي=فاز من جنّب دروب الحاسدينه
اترك اللي فات واللي فات ماضي=لا يهمّك من عرق لجلك جبينه
وكان ما تبغى المشاعر بالتراضي=منت مغصوبٍ ولو صدّتك شينه

طلال العازمي · 13-06-2012, 01:01 AM

سامحونا على عدم التنسيق لأنه ما يصير عندي شخصياً

داعي الشوق · 13-06-2012, 02:22 AM

والعواذل ما وطيت إلهـا اراضـي = فاز مـن جنّـب دروب الحاسدينـه
اترك اللي فات واللي فات ماضـي = لا يهمّك من عـرق لجلـك جبينـه
وكان ما تبغى المشاعر بالتراضـي = منت مغصوبٍ ولو صدّتـك شينـه