الطائر المهاجر مابي نوم قرّبْ جاااااي

[سهيل الشمري]

هي فرصة اتعلم من استاذي وتاج راسي

الطائر المهاجر

ودي اجرب الإحتكاك بالزّمْل


لأجْل اتعلّم


تاج راسي


اقول

للمِرْبعانيّه شِواهِدْ والشّواهِد بالشّمال =وهذاه حايلْ جامد ٍ عظْمه وترْجِي للجِلِيل
ياتاج راسي والدّفى صار لأمانِينا مُحال =مِتى على الله تِنْفِرِجْ وِتْرِدّ ضِحْكات الذّلِيل؟

ارحب يابو ضاري

شب الحطب واقرب وقرب يانديمي للدلال= ودور على ضب عرج واحول مضيع للسبيل
وإلاّ على غارٍ بسلمى ولو تلحف بالجلال= واحلم على كيفك وتدفى لاتحملت الثقيل

البقا


هاك

تعْبتْ مِشاعِرْ وانْفِضحْ سدّ ٍ وسِيل الجرْح سال =والدّرْو قالُوا يمّ دِيرتْنا يموّحْ بالجِدِيل
ومدامك الجار العزيز لْشايب ٍ شدّ الرّحال =ياما نخيتكْ فقّههْ وقْت الضّحى قبْل المِقِيل

عليك مثله يالسنافي ولا تدور للدلال = ماعندي إلا اشهبٍ بكويك لو ذيلك طويل
ولا عندك إلا بيضٍ صعوٍ في متاهات السلال = لاني ولاانته نلتقي ولانيب شايل او تشيل

بعد حيي راسك


هاك

ترى الرّجا باللي عطانا الحلّ لاصارت عُضال = يقول جمْعتْكمْ وراي ٍ له تراه اضْمنْ سِبِيل
ياويننا منْها وياوين المروّضْ للخمال؟= تلعْثِمتْ ثُمْ ولْولتْ وامْستْ ترجّى السّلسبيل

خل الرجا بالله ترى ما ينفعك عمٍ وخال=الوقت غير الوقت مابه تمر لو انه حويل
سد المسامع والعيون اللي تدور للمحال = وان كان تقدر لو تمثل دور خبلٍ او هبيل

مدامها خرْبتْ تعال إسْمعْ مُنادات لْبِلال=قرّبْ وقرّبْ واوْح ماقاله صحابيّ ٍ جِلِيل
التاج راي وراينا بافْواه جِيّاع العِيال =فتْلة مِذارِعْهُمْ تنخّتْ مِيلة اِعْقال الضّليل

قول الصحابي انتهى فالوقت غير للرجال= ما ينفعك رايٍ ولا ينفعك شورٍ في كثرٍ او قليل
اسمع ونفذ وخل تفكيرك ونظراتك على قرش وريال=وانعم بكبسة حاشيٍ وان مالقيته فالبدل لحم البغيل

أضْحكْتِنِي وابْكيتِني دام العِقِلْ ترْكبْ لِشال =والمِجْند وصكْمهْ وسِيف ٍ في جِفِيره للعمِيل
ياحسْرتي ياكُوبِتِي لاقال لي ودّي ريال = والجيب ياتاجي كلتْشهْ مايساعَِدْ للرّحِيل

دنياك لو انك تفكر مثل فلم هندي من خيال= رقص وغنا واللي يبي لحم ابيضٍ ماله مثيل
اقلع وحلق ف الفضا ان شرق وإلاّ للشمال= وانعم مثل كبش بحظيره منشغل باكل البليل

[ياعزوتي مالي يدين وسِيفِي اِحْرُوفِ ثِقال= يِمْكِنْ بضرْبات السّيُوف اِتْمُوت دمْعات العلِيل
هلْ ياترى يرْوى ثرى هلْ ياترى ذِيك الطّوال =يلْبسْ لرُوسهْ أبْيِضِ ٍ مًَِنْ عِقْب قحْط ٍ كال كِيل

ابلع حروفك تنتج الأشعار في وقت الهبال= ودور عسيبٍ وركبه كنك جحا وقت المقيل
ماعاش غير اللي مهو صاحي جمع جاهٍ ومال= ولاّ الذكي يشرب قهر والبوم ينعق بالنخيل

ويلي وبخْتِمْها مدام آلٍ حكتْ وِشْهالخمال؟=وِاِرْقِدْ ولِقْيانا بلِيله مايِخاشِرْها ذِلِيل
دُوك الخُتُوم اللي تِقًُول اِنّك كِماال ٍ معْ كِمال= واوْدعْتكْ الله والوعدْ لِيله بهايظْهرْ جِلِيل

وبهذا انتهت المحاورة وصح الله السنت شعرائنا الكرام

استمتعنا معهم بهذ اللون الجميل والنقض والفتيل والتميز

[عبدالله الشويمان]

عاااااااشو عاااااشو

صح السنكم يا الشعراء

[داعي الشوق]

صح السنتكم شعار كبار

متابع لكم و بالصف

و لاهنتوا

[سهيل الشمري]

المشاركة الأصلية كتبت بواسطة عبدالله الشويمان

عاااااااشو عاااااشو

صح السنكم يا الشعراء

الشويمان


بعد حيي راسك خلك حولي تكفا

[سهيل الشمري]

المشاركة الأصلية كتبت بواسطة داعي الشوق

صح السنتكم شعار كبار

متابع لكم و بالصف

و لاهنتوا

ههههههههههههههه

العتيبي لاتبعد ياعصابة راسي


ودي اتلزق بالعود لعلي افوز لو بالشوايا من جنوبه هههههههههههه

[عبدالله الشويمان]

هههههههههههههههه

داهن جسمه بشحم سيارات ما تقدر تمسكه..

[داعي الشوق]

ما عليك خوف يا ولد شمر

ذيب و مناطح ذيب

و عساكم عالقوه

[سهيل الشمري]

ياعزيز الخوّه هذا جبل وربي يعينني عليه


لكن وين غدا؟؟؟؟؟

[روح الشعر]

صحة السنتكم ولاهنتوا

[سهيل الشمري]

المشاركة الأصلية كتبت بواسطة روح الشعر

صحة السنتكم ولاهنتوا

صح قلبك وكلك



مير وين عمنا؟