العجوزة خرفت

[محمد بن لقفص]

يا عجوز خرفت يوم الخميس=شفتها ترقص في أسواق العويس
من يديها واحدة فيها تميس=وقفوا كل الحضور يطالعــــــون
قلت هذي يا رجال اش صابها=قالوا أنهارت جميع أعصابهــا
زوجها عرّس وضاع إنصابهــــا=والعجوزة عقلها صابه جنــــون
من خبرها قلت لله العجـــــب=أشهد إنه ياعرب قــــلّ الأدب
مشكلتها شوهت كل العـــــرب=أهلها باحوالها ما يعروفــــــون ؟
يوم شافتنا نتابع حالهـا =طالعت فينا وقالت يا لها
المرة لا باعها رجالها=مالها إلا تسعد اللي يضحكـــون
نادت العامل وقالت يا سميــر=رح لبو ناصر وقله ما يسير
وين ذاك الحب يا عدم الضمير =وأنت حالف في غلانا ما تخــون
قال كم عمرك عساء عمرك طويل =قالت السبعين ينقصها قليـــــل
بس أبو ناصر لقاء عني بديــــل =باعني وأنا أحسبه رجل حنــون
قال طيب ما معك منــه عيــــال =قالت اسماعيل وادريس وجلال
والبنات أسماء وهيفا وابتهـــــال=كلهم عن حالتي ما يعلمون
قال طيب سن أبو ناصر قريـــــب =منك ولا بينكم فرق عجيب
قالت الستين سنه يالحبــيـــــب=والبلاء ما هوب في فرق السنــون
قال وش تتوقعي سر السبب=ممكن أنتي ما توفين الطلــــــب
ناظرت وعيونها فيها لهـب=واليماني قال مهلا يا هتــــــون
انتها دور الجدل ثم أدبـــــرت=شكلها في زوجها قد قصـــــرت
واقربا بو ناصر الظاهــــر درت=وأكثر الجيران فيها يهرجـــون
ثم عوّد للعجوز جنونهـــــا =والبشر بانظارهم يرمونــها
كلهم صاروا وقوف دونـها =واغلب العمال صاروا يرقصـــــون
ثم جات السوق دورية مـــــرور=والعجوزة من مصيبتها تدور
والعساكر جمعوا كل الحضـــور=والعجوزة حولوها للسجــون
ليلة كانت صراحة مضحكـة=رغم ما في جوها من شربكــة
من عجوز إبليس صارت معركـــة=بين من يضحك ومنهم يشمتـــــون

[روح الشعر]

صح لسانك

قصيدة ممتعه

اشكرك يابعدي

[مشاري بن محمد]

لـيـلـة كـانــت صـراحــة مضـحـكـة رغـم مـا فـي جوهـا مـن شربـكـة
مـن عجـوز إبليـس صـارت معـركـة بيـن مـن يضحـك ومنهـم يشمتـون



هههههههه ههههههه اضحك الله سنك وصح لسانك يالغالي

،يا عزتي لبو ناصر

[حرف وشعر]

نص معبر شكرا لك

[همس انثى]

ههههههههههههههههههاي
الله يعينها بجد حنا النساء ضعيفات
صح لسانك واعتلا شانك
ودي وشذا عطري

[حوريه]

صح لسانك رائعه
تحيتي لك

[عبدالله الشويمان]

صح السانك يا اخ محمد

نص جزل مبنى ومعنى يا الجزل

دمت بخير ولا هنت

[الـزلـزال]

محمد بن لقفص

نص رائع ومعبر وجميل
من شاعر متميز ورائع في كل مايقدمه لنا
أبدعت وأمتعت شاعرنا
دمت ودام لنا حرفك
صح لسانك ملايين ملايين
ولك فائق تحياتي وتقديري

[الطامي]

م بن القفص
صح السانك ملايين
رائعة وهادفه
لاهنت اخي

[فارس القوافي]

ههههههههه

صح لسانك يامحمد

لاهنت

يعطيك العافية

دمت بخير