(( قصيدة سريالية ))

[فهد الغنام]

بسم الله الرحمن الرحيم ...

أسعد الله صباحكم بالورد والفل والياسمين >>> الله يعين الزهور علينا اليوم

صدقتوا إني بكتب قصيدة سريالية ...أصلا مدري وش معنى سرياليه ..

المهم قصيدة درامية .. لأني أعرف الشيبان يحبون القصائد الدرامية ...

وتراي ما قلت ابوعثمان انتبهوا ..

إليكم القصيدة ..... خلوها تعدي هالمره .. ولاعاد أعودها

جرّيت رجلي غصب مـن دون فـي دونأدنـاة شـي(ن) حــاش رجـلـي عثـرهـا

وساق القدم وإنسـاق ساقـي بـلا عـونتنـسـاق رجـلـي ويـــن ربـــي ومـرهــا

وحدّتـنـي الـقـدره ومـرّيـت مشـطـونبيـتـه ورجـلــي مـرّتــه مـــن قـهـرهـا

مـا هــو هــوا يـانـاس مبـلّـي ومفـتـونمـن حاشـر(ن) بالنفـس ثـار وحشـرهـا

ساعة وصلـت البيـت مـن غيـر يـدرونقـمــت الـعـلـوم الفـايـتـات أفتـكـرهـا

ذكــرت يــوم(ن) كــل مهـلـه ينـامـوناســري وأجيـلَـه وأرتــوي مــن نهـرهـا

يومـنـهـا لا جـيــت ضـايــق ومـحــزونتضـحـك بوجـهـي لــوّ كـواهــا كـدرهــا

وترسل عليّ نظرات حب(ن) من عيونسـود(ن) تطفّـي ملَتهـب مـن سعـرهـا

وذكــرت قــول(ن) قالـتـه بالتلـيـفـونيــوم الـعـرب نـيّـام وأسـمــع دررهـــا

وذكـرت يـوم الـكـف بالـكـف مـقـرونتبـكـي وراســي حطّـتـه فــي نـحـرهـا

تقـول أنـا خوفـي مـن النـاس يحـكـوننـاس(ن) علـى النـمّـات ربــي ومـرهـا

نـاس(ن) علـى فعـل الحقيقـه يزيـدونزيــف الـكـلام احلوقـهـا مــا عـسـرهـا

ولحظة رفعـت الـراس لنـاس يمشـونكـنّـي بـحـلـم ودقـقّــت بـــي نـظـرهـا

عـرفـتــهــا يـــانـــاس لا لاتــقــولــونهــاذي قـمـر دنـيـاي وأيـضــا زهـرهــا

هـاذي هـي اللـي عقبهـا جيبـوا اكـفـونيـا لعنـبـو حــظ(ن) عـجـز مــا قـدرهـا

وأبطـيـت أناظـرهـا وأهلـهـا يـشـوفـونحتـى وهــي مــا همّـهـا مــن حضـرهـا

فزّت وجت تسحب خطاها علـى الهـونمـا همّـهـا يـانـاس شـخـص(ن) نهـرهـا

يوم اقبلـت شفـت الـذي زلـزل الكـونشفـتـه تصـيـح وغـارقـه فــي عـبـرهـا

قـالـت تــرا العـشّـاق دايــم يـعــذرونإعــذر حبيـبـك يــا مـســاوي بـشـرهـا

قلـت مـعـذوره يــا بـعـد مــن يـعـزّونخـلــك بـفـقـدانـك وغــيــرك هـجـرهــا

قلبـي بعـد فرقـاك مـا هـوب مسكـونقلـب(ن) مواثـيـق الـهـوى مــا غـدرهـا

لا والـذي يخلـق علـى الـكـاف والـنـونإن الـزمـن عـقـبـك حـلـومـي قـبـرهـا

وقـفّـت وأنــا قفّـيـت والـكـل مفـتـونودّه تـخـاويـنــي وقــلــبــي عـــذرهـــا

وقفّيـت أهـزّ الـراس مـا نيـب مجنـونلا شـك شـي (ن) صـار حـالـي دمـرهـا

وياكثـر مـاب الكـون نـاس(ن) يحـبـونوتـجـر السفيـنـه ويــن هـبّــت بـحـرهـا

تمـت وصـلـوا عــد نــاس(ن) يحـجـونعلـى نبـي (ن) سالـم(ن) مـن قشرهـا

فهد الغنام الشمري

[داعي الشوق]

صح لساااااااااانك يالشاعر فهد الشمري


قصيدة دراماتيكيه جميلة و رائعة

كما هو أنت دائما

شاعر جزل يا فهد

صح لساانك مدد

مع التحية لك و التقدير

***************

[الطائر المهاجر]

حبكة مميزه والقافيه جميلة الإيقاع صح لسانك وقلبك
ولا هان راسك
تحياتي

[جلال ابراهيم الصبيح]

صح لساااااااااااانك يافهد قصيدة متناغمة وكايفة

لاهنت وسلم راسك وفعلا قصيدة سيريالية هههههههههههههههه




صح لسانك يالغالي...


تحياتي

[صعبة المنال]

وياكثر ماب الكون نـاس(ن) يحبـونوتجر السفينـه ويـن هبّـت بحرهـا
جميل هذا البوح السريالى
وزانها الورد على الصباااح يسعد صباحك فهد


صعووووب

[الطامي]

اهلا السنعوس
هذا البيت يكفيني ,,,, وياكثر ماب الكون نـاس(ن) يحبـونوتجر السفينـه ويـن هبّـت بحرهـا

صح الاسنك ملايين
رائعة جدا
لاهنت يالشيبه

[الراقي]

صح فكرك

صح بيانك

ودام حرفك ..

و صح لسانك

[حرف وشعر]

الغنااام ياسلامي عليك يافهد

ماتجي الا بالدرر يابعد راسي


مودتي

[فهد الغنام]

المشاركة الأصلية كتبت بواسطة داعي الشوق

صح لساااااااااانك يالشاعر فهد الشمري


قصيدة دراماتيكيه جميلة و رائعة

كما هو أنت دائما

شاعر جزل يا فهد

صح لساانك مدد

مع التحية لك و التقدير

***************

============================== ====

يامرحبا ومسهلا فيك يا داعي الشوق ..

وصح بدنك ولاهنت وبيض الله وجهك يالذيب ..

بس عاد حنا متوهقين بسرياليه ..وانت جبت دراماتيكيه <<< ترا ما من ثقافه لايغرك

تحياتي لك .

محبك ... فهد الغنام الشمري

[حي الضمير]

صح لسانك ملايين يافهد
قصيده رائعه وابدعت بارك الله فيك
أجزل التحايا والاحترام