اشوف العرب ماترحم اللي وقع وانعاق

[فواز الغسلان]

الا واهـنـي الـلـي قـضـى ليلـتـه مـاضــاقواذا ضــاق يلـقـى بـيـن الاجــواد مـزبـانـه

جروح الحشى بانت وهـي بالضميـر عتـاقوغــيــره يـغـنــي لـيـلـتــه دان وادانـــــه

اشوف العرب ماترحم اللـي وقـع وانعـاقحـزيـنٍ يعـانـي ظـلـم سـجـنـه وسـجـانـه

مـع انـه قضـى عمـره لطبـع الفـزع تـواقومــن جـــاه مايـلـقـى هـوانــه وخـذلانــه

وممشـاه بـدروب المراجـل وفـى مـابـاقولا بـــار بـعـهــود الـشـريـعـه ولا خــانــه

وصـار السعـد حـظ الـذي ينقـض الميثـاقولاادري متى يمشـي علـى العـدل ميزانـه

يـبـون الــذي لاشــاد بيـتـه بـنـى منـطـاقولا يـرغـبـون الـلــي ظـهــر درب بيـبـانـه

والاجـواد مالـه عـن هبـوب الشمـال رواقذراهــم لـمـن يفـتـح لـهـم بـــاب دكـانــه

واذا شف وقتي مع عفون العـرب مـا راقوشفـت الـذي ينثـر علـى الـنـاس بهتـانـه

طفح ضامري واحضر بجزل القصيد ارناقوكـل العـرب تشفـق عـلـى بــدع قيفـانـه

يهيض الخفـوق اللـي لجـزل المثـل سبـاقواذا عاضبت يرسل علـى القـاف شيطانـه

واذا هــاض مايحـتـاج قـافـه قـلـم واوراقلأن الـقـوافـي تنـطـبـع وســـط وجـدانــه

حـلات القوافـي يـوم تنبـع مــن الاعـمـاقبـهـا راحــة الخـافـق وطـيـبـه وسـلـوانـه

الا ليتـنـي طـيـرٍ بكـبـد الـسـمـاء خـفــاقواذا ضــاق تـلـفـح بالنسـانـيـس جنـحـانـه

اذا بـان حـس الرمـي مـن بـنـدق التـفـاقوشــر الـعـرب داهــم مـواكـيـر جـيـرانـه

كفخ عن ديار الهون مـن عالـي الشوهـاقولا ديــــرةٍ فـيـهــا الاجــاويـــد مـنـهـانــه

ولا ينتـظـر فـتـرة اجـــازه وخـتــم اوراقولا الصـيـف حـتـى ينتـهـي درس وغـدانـه

ولا المـال والجمـرك ولا رخصـة الـسـواقولا عسـكـرٍ تنـثـر قـشـوشـه وشـرطـانـه

ولاارضى هوان النفس في لـذة المشـراقوابــي عـزتـي لــو تـمـرح الكـبـد جيعـانـه

والازواد تـحـت كـفـوف الانــذال ماتـنـذاقوالارزاق مـــن رب الـسـمـوات سبـحـانـه

انا ضمن خلـق الله ورزقـي علـى الخـلاقهـو اللـي رزق دابٍ عمـى فــوق ظلعـانـه

ولاارجي من كفوف البشـر بالحيـاة ارزاقوطـبـع البـشـر نجـهـل مواقـيـت بركـانـه

الا واوجـودي وجـد رجـلٍ كسـيـر الـسـاقوقـع عقـب صـولات الحرايـب وفرسـانـه

جتـه مـن بواريـد المغـيـره ثــلاث اطــلاقمن كفوف من يضبط ضحى الكون نيشانه

عقب طلعة الجوزاء تحت قيظهـا الحـراقتقـول الرضـم يقـدح عـلـى جــال وديـانـه

دهـــورٍ ولا شـعـشـع بـوديـانـهـا الــبــراقولا داجـهــا الـرعـيـان تـســرح بـذيـدانــه

ولا غير حس الذيب يقنـب علـى المطبـاقسبـايـب عـنـاه وجــور وقـتــه وحـقـرانـه

وسود الافاعي من جحـور الشقـى تنسـاقوهـو يـدري ان الـمـوت بـاطـراف نيبـانـه

وجمر العطش وسـط المعاليـق ماينطـاقواذا عــاش مايـامـن حنيـشـه وسرحـانـه

مثـل حالتـي يـوم القـدم عـدت المـفـراقوخليت من شـادت علـى القلـب مسكانـه

حـلا الهـرج والمبسـم وريقـه هـو التريـاقمــذاق العـسـل لا خالـطـه حــب رمـانـه

وردفٍ قبـس بيـنـه وبـيـن الثـيـاب خـنـاقلانـــه طـــوى ثـوبــه وفـضــح بسيـقـانـه

وهـذا الـذي خــلا الضمـايـر تـقـع بشـهـاقورمـشٍ علـى عيـنٍ مــع الغـنـج نعسـانـه

وعـطـرٍ يـفـوح بفيـضـةٍ مـاوطــاه نـيــاقيخـلـط الـخـزامـى والبـخـتـري وريـحـانـه

لك الله فلا احسب الهوى للحشـى سـراقلمـا شفـت قلبـي ضـايـعٍ وســط ميـدانـه

حـدانـي زمـانـي والـزمـن للـعـرب بــواقرمـانـي عـلـى كــاوي غـرامــه ونـيـرانـه

تـرك خافقـي بالصـدر يومـي تقـل معـلاقايـا شيـب عيـن اللـي شكـى قلـة اعـوانـه

قطـع درب محبوبـي عوايـق غثـى وانفـاقوظـلـمٍ تـعـرف الـنـاس رقـمـه وعنـوانـه

زمـانٍ قلـب ورد المواصـل جحيـم فــراقوخــلا عيـونـي تقـضـي الـلـيـل سـهـرانـه

ايـا طـول ليـل الخافـق الضايـق المشتـاقوفــي حالـتـي صــدق الـدلايـل وبـرهـانـه

سقى الله ليال الوصل مـن مزنـه الدفـاقهميـلـه يغـيـث بدخـلـة الـوسـم ريـضـانـه

[الطائر المهاجر]

تقلب بك الدنيا واشوف الحشا ماطاق=صراعات ما تركد تراكض بشريانه
يبي لك تغير جو على جزر واق الواق= وتنسى هموم القلب تخمد لبركانه

صح لسانك
ولاهنت
تحياتي

[عبدالله راشد الثويني]

شاعرنا المُبدع والراوي / فواز
ابدعــــــــــت يالغالي نـص راقـي كـرقـي حضورك المُمتع
صح لسانك مليون ولا يكفون
وعساكَ ع القوه
تقبل وُدي

[الطامي]

الغسلان
صح السانك وينانك
جزلة من جزل لافض فوك
شكرا لك

[داعي الشوق]

تستحق وسام



و



يا بن غسلان

تحيتي لك مع التقدير

[سلطان العطاوي]

الله
الله الله
الله الله

يا سلاااااااااام

فوااااااز

الكبير كبير


صح لسانك واعتلا شانك
أبيات رائعة بروعة حضورك
لا خلا ولا عدم
تحيتي // متابعتي وودي واحترامي..

العطاوي

[الـزلـزال]

فواز الغسلان
قصيدة رائعه ومتقنه في حروفها ومعانيها
من شاعر جزل ومتمكن وراقي في كل مايقدمة
أبدعت شاعرنا بكل المقاييس
رعاك الله
صح لسانك ملايين ملايين
ولك فائق تحياتي وتقديري

[همس الورد]

صح لسانك و صح بدنك

و اعتلا شانك

قصيدة رائعة

تحياتي

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[حوريه]

ابن غسلاااان

ابــــداع متجـــدد....

صح لساانك واحساااسك

على هذهالشامخه الجميله

اعذب التحايااااا واجملهااا

،،،