عين اشقر(ن)بالهدد يدلي بمخلابه

[فواز الغسلان]

ياحـمـود راع الـغـلا واقــف عـلـى بـابـهافــزع تــرى الـنـار بالخـفـاق مشبـوبـه

ياحـمـود يـامـا سـهـرت اللـيـل باسبـابـهوشلـون يرقـد خفـوق(ن) غـاب محبوبـه

ياحمـود دربـي طـويـل وشمسـنـا غـابـهوقدامنـا الـجـال قـبـل الـريـف وخبـوبـه

فرقـى عشيـري يـلـوح الـمـوت بانيـابـهوان قلـت ننسـى يطيـح القلـب بـدروبـه

ياحمـود مـوتـي ســواد الكـحـل باهـدابـهاسـمـه وحـرفـه بــدم القـلـب مكتـوبـه

عـيـن اشقر(ن)بالـهـدد يـدلـي بمخـلابـهبريـاض خيـر(ن) بوبـل الوسـم معشوبـه

لاشـاف صيـده كفـخ مـن كــف قضـابـهوادلـى علـى صيدتـه ماهـو عـلـى دوبــه

يمـنـاه رمح(ن)لـوسـط الــروح سـلابــهمنـه الحبـاري بوسـط الـروض مرعوبـه

كن اخو رثعه سحب صرخه مـن اجرابـهوالا القذايـف عـلـى الـعـدوان مصبـوبـه

ريـش الحبـاري تطايـر عـقـب مضـرابـهتلقـى الثنـادي بوسـط الـريـش مذبـوبـه

طير(ن)عليه الله اكبر عـاش مـن جابـهتلطـيـخ كـفـه بـــدم الـصـيـد عـذروبــه

مــاداج بالـسـوق فــوق كـفـوف جـلابـهبكفـوف شيخ(ن)عـرف قـدره وماجوبـه

يشبـه لشيخ(ن)عزيـز(ن) جــاك بكتـابـهوالا زعيـم(ن) دخـل والـربـع حـيـوا بــه

كفـه تـشـادي كـفـوف الـزيـن بخضـابـهمـن شفـت عيـنـه رمـانـي يالله التـوبـه

يـامـا حــلا النـقـش والـــوردات بثـيـابـهلاصـار يمشـي ونـور الشـمـس بغـروبـه

لـو شافهـا العابـد اللـي وسـط محـرابـهينـسـى الـيـا شافـهـا الـــزلات وذنـوبــه

ماحـافـهـا راعـــي الــديــره وحـطـابــهولابــان هــرج الجـفـى منـهـا ولا نـوبــه

والـيـوم روح الشـقـاوي بالـهـوى ذابـــهودنيـاي تمشـي بهـا السـاعـات مقلـوبـه

ودي بشـوفـه وربـعــه تـفـتـل اشـنـابـهوهـذي مـواري جحيـم الـقـوم وحـروبـه

من شـاف زولـي مـدح نفسـي وهـلا بـهوان غـاب زولـي جـزاه بمسـك عرقوبـه

والله يـلـو يجمـعـون الـــروم واحـزابــهوساقـوا جنـود(ن) تحتهـم كـل منجـوبـه

ماخفـت رجل(ن)بوجهـي شـال مصلابـهياحـمـود وارواحـنـا لــه يــوم مسـلـوبـه

الخـوف مـا فـاد ناس(ن)راحـت ارقابـهايضـا ولا طــال عـمـر الـنـاس بهـروبـه

وان طحـت دونـه وشـال الـروح قصابـهموتـي عزيز(ن)مقـامـه راس مشـذوبـه

فرقـى الحـواسـد ونــوم القـبـر وتـرابـهولا عيشة الـروح وسـط النـاس مغلوبـه

احـفـر لقـبـري بحـايـل حـــول صـبـابـهبـجـبـال حـايــل او الـســراح بـالـجـوبـه

واعلن على الناس هرج(ن)فاحت اطيابهمـن راس رجل(ن)تـرك زاده ومشروبـه

من نقـرة الشـام مـع بـرزان مـع طابـهزيـن الوصايـا عــن الغـسـلان منسـوبـه

اللـي يبـي عاشق(ن)فـي حـق وطـلابـهكـل المطالـب عـن العشـاق مشطـوبـه

[عيد بن سعدون]

ياحمود موتي سـواد الكحـل باهدابـه
اسمه وحرفـه بـدم القلـب مكتوبـه

صح لسانك ولا هنت

كم انت رائع في اسلوبك

يطربني شعرك كثير

تقبل اعجابي ومودتي

اخوك
عيد بن سعدون

[ابومياس]

الله عليك يالراوي


صح لسانك وبيض الله وجهك

نص لايكتبه الا الكبار


ابدعت وامتعت

دمت بخير

[الصريح العتيبي]

فواز
صح لسانك واعتلى شانك
لاهنت على هذه الرائعه

دمت بخير حال

[نجم الإبداع]

صح لسانك يالراوي

ابدعت ياشاعر

ولاهنت

تقبل مروري

وودي

[الخنساء]

صح لسانك اخى الشاعر فواز

لاهان راسك قصيدة رائعة

سلمت ودمت بخير

[ام العمده]

فواز
صح لسانك واعتلى شانك
مبدع
دمت بخير

[الطامي]

فواز الغسلان
صح السانك وبنانك
روعة وطيبة للغايه
شكرا لك ولاهنت

[عبدالله الشويمان]

صح السانك اخوي فواز

دائما جزل ونصوصك راقيه

دمت بخير وصحه وسلامه ولا هنت يا الغالي

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي