أختر نسيبك 00 جديدة

[شجاع عمر الأكلبي]

جديدة هذه الليلة الجمعة 28/3/1429هـ وتتحدّث عن نفسها

أستغـفـر الله عــدد مـارفّـت بـروقــهوعــداد وبــل ٍ يهـلّـه صــادق حـقـوقـه

وعداد حـب ٍ يوفـى الكيـل فـي سوقـهوعـــداد مـابـيـن أراضـيـهـا وسابـعـهـا

وأسـألـك يالله فــي دنـيـاي تسـتـرنـيوأطلـبـك عـفــوك بـقـبـري لاتعـذبـنـي

وفي ظل عرشك نهار العرض تحشرنيونفسـي بعالـي جـنـان الخـلـد ترفعـهـا

ويانفس توبي لربـك وأحسنـي الطاعـةولأوامـر الشـرع والمحبـوب منصـاعـة

لأجل إنهـا لـك تجـارة وأحسـن بضاعـةتــجــارة ٍ مــــع أمــيــن ٍ مايضـيـعـهـا

وأنصحـك يامـن طريـق الحـق خالفـتـهتتبـع هـوى النفـس والمـحـذور والفـتـه

تمشـي بظـلام الخطـا والحـق قارفـتـهوأهــل المعـاصـي تقدسـهـا وتسمعـهـا

عـوّد تـرى المـوت مايخـبـرك بقـدومـهوقلبك على طاعـة الله نشـط عزومـه

طاعـة وليّـك لقلـبـك خـيـر مطعـومـهوأحـرص علـى سنّـة المحبـوب وأتبعهـا

وتـرى رضـا الله برضـا اللـي تلاقـوبـكأبــوك وأمــك يومـنـك صغـيـر بـروبـك

أبــوك يتـعـب علـيـك وكـبّــر جـنـوبـكوعـيـونـه بغيـبـتـك سـالــت مدامـعـهـا

وأمـك تـرى حقّهـا مـن بـعـد حــق اللهومـن بعـد حـق النبـي بشيـر خلـق الله

مـافـيـه حـــق ٍ يــســاوي حـقّـهــا للهالحمـل كـره ٍ ووضعـك كـره وأوجعـهـا

ومن بعد وضعـك عليـك الليـل سهرانـهتسهـر علـى راحتـك لــو كــان تعبـانـه

ولشوفتـك فـي سـعـادة دوم شفقـانـهوثديينهـا مـن حـنـان الـصـدر ترضعـهـا

واليـوم ضعفـوا يبـونـك تلتـفـت فيـهـموماقـدمـوا لــك يبـونـك بــه تجـازيـهـم

وبطـيّـب الخـلـق والطـاعـة تراعـيـهـمتـراهـم أبــواب جـنّــة فـــاز طامـعـهـا

وأحذر من اللي عـن الطاعـة يصدونـكأهــل المـعـاصـي تـراهــم مـايـودونـك

لـكـن مــع دربـهــم والـشــر يبـغـونـكمـراتـع الـسـو وأهــل الـسـو قاطعـهـا

وجالس هل الدين وأهل الطيب يحذونكولطـيّـب الفـعـل والنـامـوس يهـدونـك

الـلــي ليـاغـبـت عـنـهـم مايـسـبـونـكمـحـبّــة الله والـنــامــوس جـمّـعـهــا

وأختر نسيبك مـن اللـي صيتهـم عالـييفخـر بـه إبنـك ليامـن قــال ذا خـالـي

قــرم ٍ يـعـدّل عــدّوه كـــل مـامـالـيوعـجـفـا رفـيـقـه يسمـنـهـا ويرقـعـهـا

حتـى عيالـك بطيـب الفـعـل يشفـونـكومادمـت حـي ٍ عـلـى الدنـيـا يبـرونـك

وأمـرك عليهـم قــوام ٍ بــه يطيعـونـكوالـضــد عـوجــاه مـاخـلـوك تبـلـعـهـا

وبنـت الــردي يالبـيـب الــروح جنّبـهـالـوكــان فـيـهـا جــمــال ٍ لاتصـاحـبـهـا

خسـران ياللـي كديـش الخيـل تركبـهـارديـــة الـعــزم والمـنـتـوج قـاطـعـهـا

وحـقــوق عـانـيـك حـــذرا لاتجـاهـلـهـاقـم فـي حقوقـه بليـا نـقـص وأكملـهـا

وبنتـه مــع الـنـاس نومسـهـا وجملـهـاوالمخطيـة مـنـك لاتـطـرق مسامعـهـا

وحجاجـك لضـيـف بيـتـك فـكّـه وفـلّـهوبــادره بالطـيـب والترحـيـب والـدلّـه

وأكــرم جنـابـه مــادام ببيـتـك وحـلّــهدنـيـاً بـلـيـا جـمـيـل ٍ لـيــش نجمـعـهـا

والجار قـم فـي رضـاه وكمّـل حقوقـهوأدمح خطا زلّتـه مـع ضعـف منطوقـه

وخلّك على أسـرار بيتـه مثـل صندوقـهوأحــذر خـطـايـاه تنبـشـهـا وتجمـعـهـا

وخـل منزلـك دايــم ٍ بالعـالـي النـايـفمنـزال حُـر ٍ عـلـى مطلـوبـك وكـايـف

يحـتـار شانـيـك لـوهـو كــاذب وزايــفوأهـل الـردى والخـزا جـنّـب مواقعـهـا

وصلـوا علـى مـن بعـثـه الله وأخـتـارهمانشـا عليـنـا سـحـاب وهــل مــدراره

وعداد مـن طـاف بيـت الله ومـن زارهعـلـى حبـيـب أمـتـه أيـضـا وشافـعـهـا

[عبدالعزيز العقيدي]

تسلم الشاعر

شجاع عمر الأكلبي

قصيدة جزله من رتاس جزل
تحياتي لك

[هاجس نجد]

المشاركة الأصلية كتبت بواسطة شجاع عمر الأكلبي

جديدة هذه الليلة الجمعة 28/3/1429هـ وتتحدّث عن نفسها

الشاعر الكبير والأستاذ القدير
شجـــــــاع عمــــر الأكلبـــــي
صح لسانك وعلاشأنك
جميع كلمات الإشادة والإطراء لن توفيك ما تستحق
شاعر كبير بالفعل في شاعريتك وفي عزة نفسك
وفي نظمك ونصائحك التي هي أثمن من الدرر
قصيدة تدل وعي شاعرها وثقافته العالية
وشموخ وعزة نفسه / هذه المعلقه من أجمل ما قرأته
وهي نصيحة قيمه لا تقدر بثمن
بيض الله وجهك من حيث ما توجهت
تقبل تحياتي وتقديري
أخـــــوك
سعــد بن عبــد الله العبيـــد
هاجس }{ نجـــــد

[سناعيس]

شجاع الأكلبي
صح لسانك
قصيدة رائعه وجزله الله لايهينك

تحياتي

[الطائر المهاجر]

ضافيه لجميع المبادئ والقيم العربية الأصيله
وافيه كل من يرغب التفكر وتذكر
ما كان عليه الآباء والأجداد وما بدأنا نلاحظه من
انحسار لها في ظل المد الغربي المادي مما يحتم
علينا ان نحمل الشعر رسالته لنأتي بمثلها
منزلك خله رفيع بعالي النايف
الله اكبر عليك قلت فأجدت
صح لسانك ولا هان راسك يالغالي
تحياتي واحترامي

[ســُلاف]

وأسألـك يالله فـي دنيـاي تسترنـي
وأطلبـك عفـوك بقبـري لاتعذبنـي
وفي ظل عرشك نهار العرض تحشرني
ونفسي بعالي جنـان الخلـد ترفعهـا
اللهم آمين والجميع

وترى رضا الله برضا اللـي تلاقوبـك
أبوك وأمك يومنـك صغيـر بروبـك
الله يرحم حال بعض الاباء والامهات ربوا وتعبوا واخرتها انرموا في دور العجز
دايماً يخطر على بالي سؤال لو الام والاب مر شريط لقدام وعرفوا
ان طفلهم مستقبلاً راح يسيء لهم
هل راح يقسون عليه لانهم عارفينه بالمستقبل كيف بيجحدهم وينكر فضلهم
لا والله !!

وبنت الردي يالبيـب الـروح جنّبهـا
لوكـان فيهـا جمـال ٍ لاتصاحبـهـا
تدري ياالاكلبي كثير بنات طيبات وزنهم ذهب
حتى وإن كان الاب ردي وش ذنبهم؟!

شجاع ابيات نحتاجها
ونصائح من حكيم
اطلب الله ان تكون في ميزان اعمالك
صح لسانك

[علي محمد العتيبي]

عوّد ترى المـوت مايخبـرك بقدومـه
وقلبك على طاعة الله نشـط عزومـه
طاعة وليّـك لقلبـك خيـر مطعومـه
وأحرص على سنّة المحبوب وأتبعهـا


الاكلبي
ياسلام عليك
ابداع في ابداع
كفيت ووفيت


صح لسانك ملايين


اعجابي واحترامي

[الخنساء]

صح لسانك اخي الشاعر شجاع
لاهان راسك قصيدةرائعة
سلمت وسلم شعرك
دمت بخير

[النهج المختلف]

وأنصحك يامن طريق الحق خالفته=تتبع هوى النفس والمحذور والفته

تمشي بظلام الخطا والحق قارفته=وأهل المعاصي تقدسها وتسمعها


الأخ شجاع الأكلبي

صح لسانك لاهنت

على المعاني الطيبة

القصيده كلها رائعة

أعجبتني هذي النصيحة

تسلم ما قصرت

تحياتي وتقدير لما قرأت

مشاعر
ملؤها الروعه و الإبداع
ننتظر المزيد من روائعك
دمت و لا هنت