بحر مرساي

[شوقي العامري]

من اللي كسا وجهك حزن وأستلذ أبكاي=من اللي كسر صبرك وبعثر مواصيلك
من اللي سرق نومك وضيّع خطا ممشاي=من اللي دفن حلمي ومزّق مراسيلك
من اللي جرح شوقك وقطّع عروق أحشاي=من اللي قطف غرسك وجمّد محاصيلك
عجزت أهظم الواقع وأداري حزن شكواي=وألي جيت لك مغرم بكتني مواويلك
يموت الهوى فيني وتظلم سما دنياي=وأنا لوبقيت أرحل عصتني مداهيلك
متى ترخي أحْبالك وتمسك طرف يمناي=متى ينتهي غيضك وتبري تعاليلك
متى يبتسم حظي وتطفي جمر بلواي=متى تضوي أشْموعي وتشعل قناديلك
تعال أعزف أوجاعك على صدْر ليلي ناي=تعال أجمع أوراقي وبعثر غرابيلك
ولو هزّني بعدك وصار السهر سلواي=ترى مانزل قدرك وجفت فناجيلك
ولو مرّبك طيفي وفاض الهوى بغناي=طلبتك تبلل من دموعي مناديلك
ولو تاْه نجمك وأستساق العشق منفاي=عبس كلّ قلب ٍ كان بالحب ياوي لك
ولو شحّ بي وصلك وملك بحر مرساي=باظل أذكرك وأذكر معي كل تفاصيلك

[صوت الإحساس]

قرأت وقرأت وقرأت .......... حتى شعرت بالخجل من روعة حرفك وانسحبت في هدوء حتى لا أجرح جمال طرحك


لكن ثق أن روعة أسلوبك ستجبرني على التطفل كثيرا


تقبل ودي لكي تعذر تطفلي

[مبروك بن ماضي]

أخي العزيز الشاعر / شوقي العامري
صح لسانك وجاد بيانك
رائعه من روائعك
سعدت بقراءتها
وتشرفت بحضوري هنا
سجل اعجابي وتقبل تحياتي
أخوك / بن ماضي

[حمد الدليهي]

من اللي؟

من اللي؟

من اللي؟

من اللي؟

من اللي والذي لايعجبه هذا الجمال ,,
أرتويت هنا ..

صح لسانك ايها المُبدع

[عبدالرحمن الصباح]

الشاعر القدير المبدع شوقي العامري صح السانك وعلا شانك جزله من راس جزل تحياتي

[المؤمن]

رائعة بحق وتكتب بماء الذهب

لا فض فووووك

وصح لسانك وسلمت اناملك

ار ق التحايا القلبية مني اليك

[فيصل]

صح السانك اخويه
وتسلم يمينك ع القصيده الغاويه
وربي يوفجك انشالله
واتمنى لك التقدم يارب

[ابومياس]

ولو تاْه نجمك وأستساق العشـق منفـاي
00000000000000عبس كلّ قلب ٍ كان بالحـب يـاوي لـك

اخي الكريم شوقي العامري

ليس بجديد علينا ان نجد في متصفحك

جميل المعاني

وجزالة الحروف

صح لسانك ودام بوحك

دمت بخير وعافية من الرحمن

[شوقي العامري]

علي بن مساعد

وثق ايضا بأن مرورك

شرف وعتزاز لكاتب هذا النص

وتحياتي لك

[الأموره]

الله ،، الله

يا سلام على زين هالهطول ،،

صح لسانك سلم منطوقك يالشاعر ،،

الف شكـــر لك ،،

دمت برعاية الخالق ،،