أكبر من الكذب التمادي.......

[ابو أنس]

قصيده موجهه................

اكبـر مـن الكـذب التمـادي والاصـرارواجهـل جـهـل انــك تـحـدى الحقيـقـه

ولكـل رجل(ن)لـه مـع النـاس معيـاروهـو اللـذي يـرسـم هـدفـه وطريـقـه

قالوا وش اللـي يختفـي بيـن الاطمـاريـمـوت مايِكْـشَـف سـنــاه اوبـريـقـه

قيل اللذي ماقد حـدث شـي مـا صـاروالا اللـذي بـيـن البـشـر وش يعيـقـه

يجي الخبـر صوت(ن)وصـوره وتذكـاريسعـى بهـا الساعـي لـوانـك صديـقـه

يجيـب بهـا الصـاحـب ولـوكـان عـيـارويفـرح بهـا الحاسـد بـهـا يـبـل ريـقـه

واتصيـر نـشـره كنـهـا نـشـرة اخـبـارومــن سمعـهـا زادالـخـبـر بالوثـيـقـه

واحـذر تظـن انـك وحيد(ن)بالامـصـاروانـــك مـوثّــق بــالامــور الـدقـيـقـه

ولوكـا ن لـك ربع(ن)عزيزيـن وكـثـارلوجيتهـم فـي وقـت حـاجـه وضيـقـه

صاروا كما وصف العدد صفـر ويسـاروكــلــن تــبــرا مـايـعــدك رفـيــقــه

وان كان لك في البنـك درهـم ودينـارتـلـقـى تعـابـيـر الــولا.لــك عـمـيـقـه

قـولـك ابــد.. مايلـحـقـه رد واعـــذارورايــك حُـكُـم نـافـذ بـأيــة طـريـقـه

فلاتـغـرك ضحكـة(ن)صـبـغ واحـبــارصفـرا ولـوهـي فــي الظواهررقيـقـه

وماحك جلدك مثـل ظفـرك ولـو جـاروما احد(ن)على نفسـه يقـدم شقيقـه

ومبدا البنـا صلب(ن)وصبـات واحجـارقاسـي خشـن والتـرف ابـد مايطيقـه

وما فيه درب(ن)قد فرش ورد وازهاركــل المـكـارم دربـهـا فـيــه ضـيـقـه

واكبت شهاوي النفـس بقيـود ووسـاربـعـض الشـهـاوي عاقبتـهـا سحـيـقـه

لـوّك طعـمـت الـمـر مــرات ومــرارتلقى الحـلا فـي الشهـد تلقـى رحيقـه

[حي الضمير]

صح لسانك شاعرنا ابو انس ابدعت بارك الله فيك

قصيده مليئة بالشموخ العذب

وسجل اعجابي يامميز

شاعرنا القدير / ابو انس
صح لسانك وجاد بيانك
كالعادة نجد هنا الجزاله والأصاله
سجل اعجابي القديم
وتفضل بقبول تحياتي ،،

[مبروك بن ماضي]

الاخ الفاضل الشاعر القدير / ابو أنس
صح لسانك مدد بلا عدد
بقدر روعتك يكون الشعر
لك ولإبداعك كل التقدير والاحترام
والله يديمك بهذا التألق والروعه
تقبل تحياتي واحترامي ،،

[الأموره]

صح لسانك ملايين ،،

سلمت و سلم بوحك ،،

الف شكر لك ،،

دمت برعاية الخالق ،

[عبدالله بن عسكر]

واكبت شهاوي النفس بقيود ووسار

بعض الشهـاوي عاقبتهـا سحيقـه

يعطيك العافيه ابو انس

وصح السانك

[ابوعبدالرحمن القريشي]

اكبر من الكذب التمـادي والاصـرار
واجهل جهل انـك تحـدى الحقيقـه

اخوي الشاعر ابو انس

بيض الله وجهك على هذه الابيات
كل بيت عن قصيدة

اسجل اعجابي التام بهذه الرائعة

دمت بود

[الصريح العتيبي]

الاخ/ابو انس
صح لسانك واعتلى شانك ولاهان راسك
ابيات في منتهى الروعه
تقبل مروري ودمت بخير

الشاعر

أبوأنس

صح لسانك حتى ترضى على هذه الرائعه ..


إحترامي وتقديري

[يوسف الشقران]

ابو انس

شاعر كبير مايحتاج لاشادتي او اشادة غيري

متميز دايما وجزل بالفطره

ارجز قبول مروري يالامير

كن بالف خير

تحيتي