خلوووووووووها

[الطائر المهاجر]

خلوها كلمة تستخدم لفتح المحاورة ، والكفاية بمن حضر

عندنا شعار لكن ياخساره = بعضهم يبخل علينا بالقليل
يجدع البيضه ويركض باختياره= للمواقع مثل من يطرد بليل
ما استقر ولا عرف ياخذ قراره= ولا يميز لو توريه الدليل

[يزيد النمي]

جيت للطاير واثر يقدح شراره = فيه ضيقة يوم ماحصل عميل
يرمي التهمة ولا معه الامارة = والدعاوي ما تجاب بلا دليل
مدري الاحرار تفهم بالاشارة = او نوايا الخلق للشينة تميل

[الطائر المهاجر]

طيرنا يالحر تفهم عن جداره = تعرف المقصود بالحرف الثقيل
فالبعض معروف ما يخفى شعاره= ولا لفانا حط بيضه بالزبيل
همنا نرعى فروخه في حراره = كنه المنشار في يد البخيل

[يزيد النمي]

ودهم لو تنفتح ذيك الاشارة = ودهم ياخي يطفون الغليل
مير كلن يحتمي ربعه وداره = يوم بذتنا الذيابة بالعويل
اشهد انك بالفعل ياخي طارة = واقفٍ في سكة الرجل العليل

[الطائر المهاجر]

الفتى يرجع لخاله بالمهاره = والفطاحل للرجل ظل ظليل
ومن بغى يبحث عن عروض التجاره = خاسر معنا ولا يلقى قبيل
ومن بغى درب المعالي والاماره = نرفعه حتى يتوازى مع سهيل

[نجم الإبداع]

مرحبا يالطائر الي شن غاره = مع يزيد الحرف يطرب كل جيل
جاتني وعكه عجزت اسوق طاره = والله اني صرت منها كالقتيل
بان ضعفي والخلل حسيت ناره = قلت يالله اشفني وانت الجليل
الحقيقه ليلةٍ جتني سفاره = علمتني قيمتي وانهد حيل