كلمتني ..معاناة زوجه

[الطائر المهاجر]

كلمتني ، ما عرفت الصوت من كثر  العويلقلبها  المجروح  يبكي  من  غرابيل   الحيـاه

ذكّرتني ، وين كنا ،  وكيف  ماضينا  الجميليومنا   طفـلين   نلهو   ما    درينا    بالعنـاه

حبنا  حبٍ  طفولي  ،  طاهر  ما  فيه  ميـلبنت  جيراني  واختي   والغلا   في   منتهـاه

وافترقنا ، ما عرفنا  ،  وابتدا  درب  الرحيلكل واحد  في  طريقه  ،  انتهى  به  منتهـاه

قلت ، وش يبكيك قولي ، ما ابي قال وقيلهاتي اللي صار واضح  ،  بالأساس  ومبتداه

قالت  اتجّوزت  رجلٍ  ناقص  العقل  وبخيليحسب  إنّه  قـد  شـراني  عبدةٍ   والا   اداه

دايم اطبخ له وانظّف ، هدني  ما  في  حيلولو أبي الكسوة نهرني ما شرى حتى العباه

ساهره فالليل وحدي ، وهو ساهر  كل  ليلمع جماعة في استراحه كلهم طيش وسفاه

ولا رجع للبيت ريحه ، يقلب  الراس  الثقيلحـط  راسه  ثم  نوّخ  ،  بعد   لقّاني   قفـاه

خمس من عمري تولن ،عايشه  ويل  وويلوالامل  باهت  بحالي  ،  لا  عيال  ولا   بنـاه

قلت  طلقني  وعيّـا  ،  قـال  هذا  مستحيلالقـبر  بيني  وبينك  لـو  تطول  ابنا   الحياه

اكرهه من كل قلبي ، صعب ما  فيه  تعديللو احاول  ما  احاول  صعبه  العيشه  معـاه

هذي  اجمال  الحقيقة   دونما   لفٍ   وميـلقللي  برأيك  شسوي  كودي  اظفر  بالنجاه

مالي  هالآيام  غيرك  لا  قريب   ولا   قبيـلولا صديق ولا رفيق يمكن  ادخل  في  حماه

قلت صبرك ، ثم صبرك فالصبر شي جميلابذلي كل المساعي ، ونا  اسعى  في  اتجاه

وابتديت  انصحه  كوده  يمشي  بدربٍ  بديلما استجاب ولا تجاوب  لا  ،  ولا  ربي  هداه

وجت من الله دون غيره دونما عون ودخيلطبّت  الهيئـه  عليهم  وانتهوا  عند   القضاه

وطلّقت  منه  البنيّه  بعـد  ما  بان   الدليـلوزوجّت  رجل  كريم   واضحٍ   من   مبتداه

[الأموره]

المهآجر

وصفت حآل الكثيرآت من بنآت مجتمعنآ

اعآنهن الله على ما بلين به

صـح لسـآنك ملآيين

سلمت و سلم فكرك

ألف شكر لك

دمت برعآية الخآلق ،،

[نفحات حساسة]

صح الله لسانك ولا هنت
ذكريات رائعه وبسيطه ..تحياتى

[الطائر المهاجر]

شكرا الأموره
على كريم المتابعه
لاهنت
اطيب التحيه

[منيع]

رائعة ومعبرة
شكرا لك
تحياتي

[الطائر المهاجر]

شكرا منيع
على كريم المتابعه
لاهنت
اطيب التحيه

[داعي الشوق]

صح لسانك ودام ابداعك يادكتور

لك تحياتي

[الطائر المهاجر]

شكرا نفحات
على كريم المتابعه
لاهنتي
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه

[الطامي]

قصيده تحكي واقع ملموس لدى الكثير من الناؤ
صح السانك
ولاهنت