الناس لو تسكت حيا خليك لبيب ودارها!!!!!!

[محمد عبدالله البدراني]

اسعد الله كل اوقاتكم

للتواصل زملاء الحرف

هذه المشاركة التي أتمنى ان تحوز ولو على رضاكم


ولكم قبلها وبعدها اجزل التحايا

ياهل الرمك عج الرمك بالله وش هو ثوّره = اشوف انا بعض الرمك اليوم ثار اغبارها
والسب والبهتان طبعٍ للردي مادوره= ياللي تبا المخلاص به ناسٍ تلد انظارها
والناس ماتدري عن الخافي ولا من حوّره = لو كان تدري بالوضيع وسلعته وانصارها
والصاحب اللي لازعل ادناة ماهو فوّره = يلهث نصحت او ما نصحت ارويبضه ذا كارها
اعنيك ياللي لك عيونن حول مادري مغوّره = تبقى الحقيقه غامضه حتى نفك استارها
واهل العلوم الزايفه موضوعها لا تطوّره = ثم نلحق اللي باقيٍ منها ونطفي نارها
الشعر يبقى شعر والمعنى وكاد انصوّره = تصوير حي ونقل للحضار من شعارها
حديقة الينـّاع ياهل العرف دوم اْمسوّره = عن كل متطفل وسارق لو ينط اجدارها
تبقى البيوت الواهنه متهالكه ومكوّره = كل يقول ان غاب عنها القط يلعب فارها؟!!
ياسارق المعنى من الشعار ليه تزوّره = الناس لو تسكت حيا .. خلك لبيب ودارها
والا ترى اللي مايسمي كل شي يعوّره = من طاح ماسمى ايتعور وانت ابو مختارها
ان ماقصرت السالفه ترجع عليك مدوّره = عليك دارن الدواير لو نعن امهارها

badrani121@

///////////



التنسيق لا يعمل لدي

[الطائر المهاجر]

شامخة من فكر شامخ
كتبت فأبدعت واجزلت
صح لسانك ولا هنت
تحياتي الطيبة

[منيع]

مبدع وجزل
كل الشكر لكم
تحياتي

[بنت النور]

صح لسانك وعتلى شانك
ولا هنت
تحياتي وتقديري

[داعي الشوق]

يـاســارق المـعـنـى مـــن الـشـعـار لـيــه تــــزوّره
الناس لـو تسكـت حـيـا .. خـلـك لبـيـب ودارهــا

ان مـاقـصـرت السـالـفـه تـرجــع عـلـيـك مـــدوّره
عليك دارن الــدوايـــر لـــــو نــعـــن امـهــارهــا



هلا يا بو عبدالله و مرحبا ملايين
و صح لسانك و فكرك

اجزلت و ابدعت في المعنى يا جزززل

قصيدة عانقت الابداع

دمت و دام ابداعك

.. ولاهنت

[الطامي]

ارحب بو عبدالله
يضل الشامخ شامخ دائما
صح السانك
وافية معنى وقاف لافض فوك
شكرا لك

[نجم الإبداع]

ارحب يبو عبدالله وصح لسانك

لاهنت

[جهاد الشعلان]

ياسلام عليك يالبدراني

مبدع

صح لسانك

تقبل مروري

[محمد عبدالله البدراني]

كل الشكر والتقدير والثناء لكم يامن انرتم متصفحي

وعذرا على التأخير

[ملكة الشرق]

الله الله الله
والله اني مريت عليها ومكثت بين سطورها اوقات
ولكن مع غياب ناظمها ما يحلى الرد
واليوم حين دخلت وشفت ناظمها موجود
حليلي الرد والاشاده

محمد عبدالله البدراني
صح لسانك مليون
لاوالله ملايين ولا يكفون
وعدهم صح كلك

لك ودي واحترامي