يقولون من لاجرّبوا للتعدّد

[الطائر المهاجر]

يقـولـون مـــن لاجـرّبــوا للـتـعـدّدتجوّز لك اخرى وش تبي بالزلايـب

تجدّد شبابـك مثـل مـن قبـل جـدّدفعـذب الثنايـا فيهـن الشهـد ذايـب

ورودٍ تفـتّـح فــي عـروقـك تـبــدّدوتنعش لقلـب مـل طعـم الغبايـب

ولكـنـي ادرى بالبـشـر لــو اعــدّدفكلّ اللذي قالـوه ماهـوب صايـب

تـرى القلـب لا منّـك رخيتـه تـمـدّدويجـرّك لـدربٍ حافـلٍ بالمصـايـب

اذا تنـوي الاخـرى فـشـوري تــردّدوتفكّر قبل تدفـع شديـد الضرايـب

وتذكّـر تـرى لـلـورد عـمـرٍ مـحـدّدمصيـره هشيـم مـا يقـاوم هبـايـب

ولكـن تـرى بـه فـرق مهمـا تـعـدّدبه اصلي وبه تقليـد فيـه الشوايـب

تعـرفـه مــن الأولاد مهـمـا تـــودّدتشـوف الجفـا منهـم بليـا سبـايـب

غشيـش الـورد يبـدا بشوكـه يـهـدّدفـلا تامنـه يتعبـك لاصـرت شـايـب

وغـزالٍ حميتـه مـن سهـامٍ تـسـدّدتشوفه تحوّل ذيـب فـي كـل نايـب

يبـي يرغمـك تسكـت ولا بـه تـنـدّديركب على علبـاك ماهـوب هايـب

مــدام إنّ بيـتـك بـالـذراري تـمـدّدلْغلاهم على قلبك رضيت الهزايـب

وتحتـار بـيـن امـريـن فيـهـا تــردّدسكوتـك عليهـا أو تشـنّ الحـرايـب

خضوعك لها لاجـل الظنـا لـو تلـدّدوترجيـه ينفـع يـوم لاصـرت عايـب

ولكـن يقـال "الولـد لامّـه" مـحـدّدوللـي يضمّـه كـل ويــل وعقـايـب

إذا هي معـك طابـت لقيـت التـودّداذا هي معك خابت غدا الكل خايب

ولـو قلـت مالـي حـل غيـر التعـدّدتحـوّل لــدابٍ يلـدغـك بالمصـايـب

ومـن خلفـهـا جـيـشٍ بيـدهـا يـهـدّدتعيش النكد والهـم فالسعـد غايـب

فكـل يتشـاوى الـحـق دايــم يـنـدّديشوفك مكينة صرف تدفع ضرايب

فـلا بـد مـن تخطيـط فكـرٍ مسـدّدتخيّـر بدقـه مــن حــرار النجـايـب

وخلـك حــذر فالـبـومٍ شــر مـلـددقبـل مـا يفـرخ اركـنـه بالخـرايـب

نـزولٍ مـن اول زلـفـه ابــلا تــردّدولا طيحةٍ من فوق عـوج الركايـب

[الطائر المهاجر]

من شعر الحكمه
ينقل للهمس

[داعي الشوق]

صدقت لكن مهوب دايم
التعدد يحارب العنوسة يقولون
وصح لسانك واعتلا شانك

ولاهنت

[الطامي]

صح السانك
صدقت يادكتور
ولاهنت

[منيع]

جزل ومبدع
شكرا لك
تحياتي لكم

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه