اطول ما طول الله الشنب عند البساس

[الطائر المهاجر]

اطول  ما  طول  الله  الشنب  عند   البساسواكبر   ما   كبر   الله   اللحا   عند   المجوس

الشعر   ماهو   بعبره   لا   ولا   يوخذ    قياسللرجوله    والديانه    لو     تنوع     بالطقوس

الرجوله   بالمبادي    والفكر    دون    التباسوالعقيده  بالقلوب   خوف   من   يومٍ   عبوس

لكن    العالم    تغير     فالرجوله     بانتكاسوالعباده مثل  عاده  ماهي  عن  دين  مغروس

والبعض   منا   مخادع   في   نفاقه   بانغماسخادع   نفسه   وغيره   لين   ياصل   للرؤوس

يمسك  الدفه   ويبحر   داعس   غيره   دعاسمايهمه غير  سيده  ومن  يعرفه  من  ضروس

كل همه  كيف  ينهب  مشغّلٍ  بعض  الرساسدون  دينٍ  او  ضميرٍ  مات  من  لتح  الكؤوس

شاطر  ببيع   الكلام   من   طباقٍ   او   جناسوالتردي  في  جهازه  للعمى  صار   محسوس

والترهبل    زاد    حده    والفتاوي    بالمقاسحتى شفنا الدين سلعه  وكل  بايع  له  مكوس

والبعض   منا   يدربي   دمجة   ماهي    براسسهل   يتبرمج   بهرجٍ   اندفع   لاجله    فلوس

من بعض من يظهرون بدين في احسن  لباسوكل  واحد  صار  يفتي  في  قناوات  ودروس

في مخطط من  قديم  الوقت  طُبّق  باقتباسمن  دفاتر  كل   مستشرق   بصحرانا   يجوس

انكشف ذاك  المخطط  دون  شك  او  هجاسوابتدا   تنفيذ    عهدٍ    بين    هودا    والمجوس

استغلوا    للجهاد    وحركوا    بعض    الغراسشان ضرب المسلمين ابعض لاضعاف النفوس

حصلوا  من  يشترونه  من   خيانات   ورساسواشعلوها  نار  فتنه  اصبحت  حرب   ضروس

فرقوا  شمل  الخلايق  بين  ناس   وبين   ناسهذا كافر ..هذا ملحد وهذا  من  بعض  النجوس

لين شفنا الناس تفرس بعضها باقصى افتراسوالدماء  تجري  وكل  عايش  بحرب  البسوس

في مخاض بارض يعرب  بعد  طول  الاحتباسوالنتيجه  شوف  عينك  بين   خرفان   وتيوس

يالله  انا  دون  لطفك  من  انتكاس   بانتكاسفاكشف الغمه عن امه  تنطحن  بين  التروس

[منيع]

جزل ومبدع وفي الصميم
شكرا لك
تحياتي

[عبدالمحسن الرحمه]

دكتورنا الغالي وشاعرنا المميز والجزل
تسلم على هذي البديعة المترفة بالجمال
لله درك سيدي لايوفيك مديحي شي
لأنه قليل في حقك تقبل مروري الخجول
الذي لايليق بسموك الكريم

[الطامي]

صح السانك ملايين يادكتور
مبدع بكل الحالات
شكرا لك

[داعي الشوق]

صح لسانك و فكرك يا عود

قصيده حكيمه و جزله بكل معانيها

صح لسانك و طاب حالك

ولاهنت

[حي الضمير]

صح لسانك مدد ياشاعر الحكمة
ابدعت وعوااايدك
لافض فوك

[جهاد الشعلان]

ماشاء الله تبارك الله

دائماً متألق ومتميّز

صح لسانك يالدختور

تقبل مروري

[الطائر المهاجر]

شكرا منيع
على كريم المتابعه
لاهنت
تحياتي

[بنت النور]

صح لسانك وعتلى شانك
يعطيك العافيه على هذي الدرر
سلمت ياشاعرولاهنت
تحياتي وتقديرلك

[الراقي]

صح السانك على هـالجميلــــة
لاَفُض فُوكَ ..
رائع شعرا و حضورا
دمت بِكُلِ مَوَدَةٍ