أهــــل القـــاهـــرة

[سعود القت]

سمعت رعود المخايل وشيف البرق لاحوانتشأ الخاطر بنوض السحب وارزامهـا

بكّر الوسمي وعسه نهـار السيـل طـاحقـرمٍ يعـشـق المـراجـل وهــو غلامـهـا

واكد علوم المطـر والحيـا لهـل الطيـاحوشـلّـعـت الـبــدو لبيـوتـهـا وخـيـامـهـا

انتحـو يـم الحيـا وجهـولـه مــن صـبـاحمثـل قـوم القاهـره لوجـهـت لهرامـهـا

ما حلا سج القدم مع فضا الارض البراحفـي ريـاضٍ تنسـي النفـس كـل آلامـهـا

ما وطاهـا غيـر قـود القطـا جـوٍ صحـاحوام سـالــم جـمّـلـت لعـبـهـا بنغـامـهـا

ابتهج وجه البسيطه وريح العشـب فـاحسـرهـا نـفـح النـواويـر عـبـر انسامـهـا

اشهد ان مشاهـد البـل للصـدر انشـراحشوفها يطرد عـن النفـس كـل اوهامهـا

زينـهـا لاجــات خلفاتـهـا تـبـرا الـلـقـاحمع قفـار الارض والشـاص مـن قدامهـا

وارتعت في خايعٍ جا من اقصاه وفساحتختلـط ريـحـة عبسـهـا وريــح خزامـهـا

ذود فـارق مـا تملكتـه ايـديـن الشـحـاحاللـي اتحـب الريـالات طــال اسقامـهـا

صـورةٍ لا شفتهـا راحـت الدنيـا سـمـاحعشـقـةٍ للنـفـس يانعنـبـو مــن لامـهــا

غنجـةٍ فالمشـي والزيـن لابسهـا وشـاحومن مواطيها الصغـار اعتجـل درهامهـا

ناسـعٍ نسنوسهـا راهيـة طــول وشـنـاحواوبــره بـرصـا ومتعركـشـة ببـرامـهـا

وكبـر راسٍ راهـي الخـد ولحـيٍ طـفـاحورقـبــه سـنــدا ومـتـهـدلٍ خرطـامـهـا

والاذاني فهـق يمـة بعـض مثـل الجنـاحمنـت شايفهـا ليـا جـيـت مــن أمامـهـا

وذيلـهـا شبـريـن تلـفـح مثانـيـه الـريـاحمنـهـزع عرقـوبـهـا منـفـهـق سنـامـهـا

ورث ابا واجداد من يوم زرقات الرمـاحمنتـظـر وبالـهـا فـــي حـــرا سـوامـهـا

كم ثنينـا دونهـا فـي هجـاد وفـي صبـاحوكــم عـنـودٍ لجلـهـا طـوّحـت بلثامـهـا

هي شهادة جامعية وهي سـاس النجـاحوهي معاش النفس وطموحها ودوامهـا

[الطائر المهاجر]

ياهلا ويا مرحبا بك أخي الفاضل والشاعر العلم/ سعود القت
تشرفنا وسعدنا بتواجدك معنا فشرواك من الرجال الطيبين مكسب لنا
مصافحة ولا أجمل ولا اجزل من شاعر كبير
حيث الإبداع المتجدد
شكرا على امتاعنا بهذه الدرة الثمينة
ولاهان راسك
تحياتي الطيبة
الترحيب بك في قسم الإستقبال

[الخنساء]

صح لسانك شاعرنا العلم الاخ سعود
قصيدة جميلة جزلة المعني وقوة الاسلوب
لاهان راسك وتتشرف همس القوافي بوجودك
سلمت وسلم شعرك وفكرك
دمت بخير

[الريم]

الشاعر القدير/ سعود القت

قصيدة قمة في الروعة مشا الله دووم ان شا الله اتددوم على هالروعة والابداع

صح لسانك و صح فكرك وسلمت يمناك

وربي يعطيك الف عافية

صح لسانك
مليار فوق مليار فوق مليار

جزله من شاعر لا يأتيانا الا بالجزل


سجل اعجابي بكل ماتكتب


تحياتي تقديري


اخوك

[عيد مشعل]

صح لسانك


وعلى شانك


قصيده قمه بالجزاله

بنتضار الجديد

تحياتي ونقديري

ياسلام عليك ياسعود..
أبيات منحوته من صخر ..
جزلة ماتجي الا من راس جزل ..
أمتعتنا ياسعود بهذه الرائعة ..
تسجيل حضور ومتابعة واعجاب ..
تحياتي ,,,,

[مهدي الحبابي]

أخوي سعود القـت

ارحب تراحيب المطر والله يحييك بين أخوانك وخواتك اسرة هذا المنتدى

والذي نتشرف بأنظمامك معنا انت وشرواك

صح لسانك واعلا شانك وبيض الله وجهك

رايعه ووافيه من راس وافي

لك فائق احترامي وتقديري

[منيع]

الشاعر/ سعود
ابيات قمه في الروعه والوصف
تحياتي وتقديري

يامرحبا وهلا ياسعود

مليون وما يوفون

وشكرا على هذه المعلقه

التي مايكتبها الا سعود القت

تحياتي