جد.. بريدك

[محمد اسماعيل الرفاعي]

جد بريدك
وكلما أفتح بريدك
بلقى عامر بي جديدك
وألقى فيهو كلمات بتدهش
وكل حروفها تقول :
بريدك
وياخ بريدك
وإنتا ريدك فيني ساكن
إلا جواي ماهو ساكن
ودوم بحرك كل ساكن
يزدهي الوجدان يفرهِد
حين تلون كل داكن
وحينها تصبح
كل نبضه وكل دقه
في قليبي تقول:
بريدك
وياخ بريدك
وكل أوتاري بتدندن
لحن خالد زي نشيدك
والرموش ترقص تصفق
وزي ظبي الغزلان تصيدك
وتنظم الريد زي قلايد
شان تزيِّن بيها جيدك
وكل شهقه وكل زفره
يا حبيب بتقول:
بريدك
وبسأل الله العالي قدرو
من نعيمو دوام يزيدك
وحتى دمي الفيني بسري
من وريدي علي وريدك
كل زخّاتو بتردد
ياخ بريدك .. ياخ بريدك
وجد بريدك

[زهرة اللوتس]

جميل ما خطه قلمك
لاهنت
تحية طيبه

[عمر ال شيبي]

جد بريدك كيف ما تحكي بريدك


صح لسانك

[محمد اسماعيل الرفاعي]

المشاركة الأصلية كتبت بواسطة زهرة اللوتس

جميل ما خطه قلمك
لاهنت
تحية طيبه

ولكم جميل هذا العبق ( اللوتسي ) الرقيق .. دمت بكل الخير .

[محمد اسماعيل الرفاعي]

المشاركة الأصلية كتبت بواسطة عمر ال شيبي

جد بريدك كيف ما تحكي بريدك


صح لسانك

عزيزي آل شيباني ..

هناك من أريده ويريدني وأذوب فيه ويذوب في .. وهو الذي يمثل ( ملهماً ) لغالب ما يخطه قلمي .. لك الود.

[حوريه]

رائع جدا شاعرنا
صح قلبك ودام نبضك
تحيتي لك

[كظيم]

كلمـات رائعـه وطيبـه
صح كلك يابعــدي لاهنت ولا هان راسك
تقبل مروري المتواضع لاهنت
ودي وتقديري

[عصام عبد الحميد]

المشاركة الأصلية كتبت بواسطة محمد اسماعيل الرفاعي

جد بريدك
وكلما أفتح بريدك
بلقى عامر بي جديدك
وألقى فيهو كلمات بتدهش
وكل حروفها تقول :
بريدك
وياخ بريدك
وإنتا ريدك فيني ساكن
إلا جواي ماهو ساكن
ودوم بحرك كل ساكن
يزدهي الوجدان يفرهِد
حين تلون كل داكن
وحينها تصبح
كل نبضه وكل دقه
في قليبي تقول:
بريدك
وياخ بريدك
وكل أوتاري بتدندن
لحن خالد زي نشيدك
والرموش ترقص تصفق
وزي ظبي الغزلان تصيدك
وتنظم الريد زي قلايد
شان تزيِّن بيها جيدك
وكل شهقه وكل زفره
يا حبيب بتقول:
بريدك
وبسأل الله العالي قدرو
من نعيمو دوام يزيدك
وحتى دمي الفيني بسري
من وريدي علي وريدك
كل زخّاتو بتردد
ياخ بريدك .. ياخ بريدك
وجد بريدك

اخى الفاضل ابو ملاز

كلمات غايه فى خفه الدم والروعه

ممزوجه بحس عاطفى بلون الورد

شكرا لك اخى

ودمت بخير