ياغير عن ذولا و ذولا و ذولاك ..!!

[سعد السحيمي]

بسم الله الحرمن الرحيم





السلام عليكم و رحمة الله و بركاته





اللهم صلي على محمد وعلى آله و صحبه أجمعين

أي والله احبك و احبك من سنين=وارتـــــــاح لاوحيتك ولاوحيت طـــريـاك
وباقول ماقـــاله بن فطيس يازين=(ودي بك و آبيك و آباك و ابغاك)
منزلك في قلبي قبل يدخل العين=ولـو طالت الايــام والله منســاك
ليتك تجوز اليوم عن طبعك الشين=تسفه خفوقي يوم حبك و ناداك ؟!
صـديت يالغــالـي بليـا بـراهيـن=حرمتني طيب الكرا من سواياك ..
مغليك من حينٍ مضى لين ذالحين=و غير الوفا والصدق والطيب وش جاك ؟
وشفني صغيرٍ والعمر حول عشرين=والراس شايب من صدودك و فرقاك
ياجادلٍ عينك كما عين شاهين=انا دخليك من عيونك و بحماك
يااجمل بشر يازهر ياعطر ياتين=ياغير عن ذوولا و ذولا وذولاك
فيك المزايا واجده .. بس ثنتين=اشوفها اجمل و اطيب مزاياك
قرب الصله توفيق بين المحبين=وان العذيه نجد دارك و مرباك
بدعيك ياللــي كلنـا لك مصلـيـن=وماخاب عبدٍ يلتجي لك و ينصاك
انك تخلي خلّــي سنين و سنين=عشان خلي غير ذولا وذولاك

وسلامتكم




أخوكم / سعد السحيمي ..

[الطائر المهاجر]

اببيك ثم آبيـك و آبـاك و ابغـاك

جزله من راس جزل
صح لسانك واعتلى شأنك
ولاهنت
تحيتي واحترامي

[حوريه]

منزلك فـي قلبـي قبـل يدخـل العيـن
ولـو طـالـت الايــام والله منـسـاك
***
مغليك من حيـنٍ مضـى ليـن ذالحيـن
و غير الوفا والصدق والطيب وش جاك ؟

ابـدعـت وامـتـعت يا سـعــد
صـح قـلبـك ودام نبـضك
ودمـت بكل حير

[سعد السحيمي]

الدكتور عثمان

صح بدنك و بيض الله وجهك يالغالي على الحضور الطيب

والف شكر لك






حوريه

صح بدنك ولاهنتي

تحيتي

[عبدالعزيز العمار]

صح لسانك يالسحيمي ولاهنت

قصيدة طيبه وجزله ابدعت بها وأمتعت

تحياتي لهطولك الجميل

[نجم الإبداع]

ارحب ياسعد

وصح لسانك على المصافحه الطيبه

لاهنت

تقبل مروري

وودي

[داعي الشوق]

الله الله يا سعد

صح لساااااااانك ملايييييييين يالشاعر

ابداع متناثر و جزاله و معنى

لله درررررررك

و صح لسانك يا مبدع

و لاهنت

***********

[كظيم]

سعد السحيمي

صح لسانك وفكرك

قصيده جزلـه وكايفــه

ابدعت لله درك

تقبل مروري المتواضع لاهنت

ودي وتقديري

[عبدالرحمن الغيثي]

صح لسانك ياسعد وطاب فالك


عسى الله يحقق امانيك ويكتب لك السعادة

[الطامي]

يااجمـل بشـر يازهـر ياعطـر ياتيـن
ياغـيـر عــن ذوولا و ذولا وذولاك
فيـك المزايـا واجـده .. بـس ثنتيـن
اشوفهـا اجمـل و اطـيـب مـزايـاك
،،،،،،،،،،،،،،،،،،،،،،،،،،،،،، ،،،،،،
السحيمي
صح السانك ملايين
رائعة جدا
لاهنت اخي