أعد واحسب الليالي والايام.،.،.،.،.،.،.،.

[عبدالعزيز العمار]

السلام عليكم ..

للتواصل مع قلوبكم إليكم هذه المشاعر ...

وتفضلو بقبول تقديري وشكري مقدما َ

أعد..واحسب لليالي والايام=واصبر على وقتٍ من العمر محسوب
وادعي عظيـم الشان من كل ما هام=وجهي على ميلات الأيام مجذوب
يفرج لقلب اللي شكى مر ّ الاسقام=(أسألك يالمعبود ياخير مطلوب)
وجْدي على هم ٍ طواني من اعوام=هم ٍعلى صدري كما الحرف مكتوب
أسمع كلام الهمز واللمز وانضام=أهل الردى لاجابو القول مقلوب
نقــّالة ٍ للهرج للناس نمام=ماهو بكفْو ٍ للرجاجيل مندوب
أضحك وانا في خاطري حزن وحطام=وامشي طريق ٍ فيه من قلبي دروب
درب ٍ خذاني في متاهات الأحلام=ودرب ٍ غدابي في دجى الليل منكوب
ودرب ٍ مضى بالعمر عام ٍ بعد عام=واصبحت أنا ويّاه صاحب ومصحوب
عزي لقلب ٍ يقضي الليل ما نام=كنه سجين ٍ بين الاضلاع مرعوب
ما همني لا ضاقت الحال مادام=ربي كفيل الحال من كل مكروب
هو عالم ٍ مابالحنايا وعلاّم=سبحانه اللي يدرك أبصار وقلوب
يا طير ياللي في سما نجد حوّام=يافرحتي في شوفتك كل ماتنوب
أوصيك دار ٍ للقرايب والاعمام=بلّغ سلامـي كل غالي ومحبوب
واحفظ وصاتي من حسود ٍ ولوّام=يفرح إلى صار الردى فيك منصوب
واختم جوابي من مكاتيب الاقلام=في مامضى من صفحة العمر مكتوب
وصلات ربي عد دورات الأيام=على النبي اللي رسم للهدى دروب

عبدالعزيز بن سعد بن عمار

[الأموره]

بن عمـآر ..~

هطول جميل ..~

صح لسـآنك ملايين ..~

سلمت و سلم فكرك ..~

ألف شكر لك ..~

دمت برعاية الخالق ..~

[مبروك بن ماضي]

جميلة أيها الشاعر و جزله
الحقيقة أنني أسعد بالقراءة لك
ارتويت هنا من إبداعك
شاعرنا المبدع / عبدالعزيز بن عمار
سجل اعجابي القديم بشعرك وشخصك الكريم
أدام الله عليك هذا الألق
أجمل التحايا لك واكثر ..
أخوك / بن ماضي

[عذب القوافي]

صح لسانك اخوي / عبدالعزيز

نص وافي وصوت عذب الله يعطيك العافية

بالفعل أستمعت بهذه الرائعة

تقديري ,,,,,,

[داعي الشوق]

صح لسانك يا عبدالعزيز

و الله يصلح الحال وانا خوك

معاني هيضتني يا بن عمار

لله درررك

وصح لسانك مدد بلا عدد

دمت بخير

[محمد عبدالله البدراني]

عبدالعزيز بن عمار

سلمه الله


صح السانك

وعلا شانك


لاهنت يابو سعود

وبيض الله وجهك


تحيتي وتقديري

[منيع]

ابيات رائعة
بارك الله فيك
سعدت بسماعها
تحياتي وتقديري

[حمود السكراني]

صدقت يابن عمار وصح لسااااااااااانك على هالرائعة

ما همني لا ضاقت الحال مادام
ربي كفيل الحال من كل مكروب
هو عالم ٍ مابالحنايا وعلاّم
سبحانه اللي يدرك أبصار وقلوب

تقبل مروري المتواضع

عبد العزيز بن عماار

صح الله السااانك ملاايين

قصيده جزله من شااعر جزل

ابدعت الله يبارك بك

لا هنت


موج القصيد

[عبدالله الشويمان]

تسلم تسلم وصح السانك

دائما رائع وعذب وجزل

لا هنت اخوي عبدالعزيز .نصوصك دائما جزله يا الجزل