منتديات الفطاحله - أعد واحسب الليالي والايام.،.،.،.،.،.،.،.

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - أعد واحسب الليالي والايام.،.،.،.،.،.،.،. (http://ftahilah.com/showthread.php?t=25899)

أعد واحسب الليالي والايام.،.،.،.،.،.،.،.

[align=center][rams]http://up.fatahilah.com/up//uploads/082cb54752.mp3[/rams][/align]

[size=5][color=#00008B][B][align=center]السلام عليكم ..

للتواصل مع قلوبكم إليكم هذه المشاعر ...

وتفضلو بقبول تقديري وشكري مقدما َ[/align][/B][/color][/size]

[poem=font="Traditional Arabic,6,white,bold,normal" bkcolor="transparent" bkimage="backgrounds/21.gif" border="inset,10,crimson" type=2 line=0 align=center use=sp num="0,black"]
أعد..واحسب لليالي والايام=واصبر على وقتٍ من العمر محسوب
وادعي عظيـم الشان من كل ما هام=وجهي على ميلات الأيام مجذوب
يفرج لقلب اللي شكى مر ّ الاسقام=(أسألك يالمعبود ياخير مطلوب)
وجْدي على هم ٍ طواني من اعوام=هم ٍعلى صدري كما الحرف مكتوب
أسمع كلام الهمز واللمز وانضام=أهل الردى لاجابو القول مقلوب
نقــّالة ٍ للهرج للناس نمام=ماهو بكفْو ٍ للرجاجيل مندوب
أضحك وانا في خاطري حزن وحطام=وامشي طريق ٍ فيه من قلبي دروب
درب ٍ خذاني في متاهات الأحلام=ودرب ٍ غدابي في دجى الليل منكوب
ودرب ٍ مضى بالعمر عام ٍ بعد عام=واصبحت أنا ويّاه صاحب ومصحوب
عزي لقلب ٍ يقضي الليل ما نام=كنه سجين ٍ بين الاضلاع مرعوب
ما همني لا ضاقت الحال مادام=ربي كفيل الحال من كل مكروب
هو عالم ٍ مابالحنايا وعلاّم=سبحانه اللي يدرك أبصار وقلوب
يا طير ياللي في سما نجد حوّام=يافرحتي في شوفتك كل ماتنوب
أوصيك دار ٍ للقرايب والاعمام=بلّغ سلامـي كل غالي ومحبوب
واحفظ وصاتي من حسود ٍ ولوّام=يفرح إلى صار الردى فيك منصوب
واختم جوابي من مكاتيب الاقلام=في مامضى من صفحة العمر مكتوب
وصلات ربي عد دورات الأيام=على النبي اللي رسم للهدى دروب[/poem]
[size=3][color=#FF0000][align=center][B]عبدالعزيز بن سعد بن عمار[/B][/align][/color][/size]