بيض الله وجه من جاني

[الطامي]

بيض الله وجه من جاني فداه الكوبه = اعتزى لي ثم تعني لي ولا خلاني
وبيض الله وجه من يرسل علي مندوبه = بالنيابه عنه وظروفه ماهي تخفاني
وبيض الله وجه من جوني كماالمركوبه = ريتهم قبل الوعد سيدٍ على البيباني
جعل يفداهم ردي الساس معه عيوبه = مايرد بهاتفه ولا حضر من شاني
في نهار يفرق الصادق من الأكذوبه = ماعلى المقفي حسوفه تشهد العرباني
مايعرف ان الوعد عهدٍ على محسوبه = واخلف بوعده بهرجٍ سامعه باذاني
والله اني دام راسي رافعته عصوبه = خازنٍ حق الردي لاراح صوبي عاني
والزمان يدور والايام ترمي طوبه = لانسى الظالم ترى المظلوم له دياني
يارفيقي لايهمك والزمان عجوبه = عادة الدنيا تقلب كل يوم وثاني
كل قرمٍ رايته فوق الجبل منصوبه = وقفته مع طيب علمه مارث الجداني
واحمد الله ماخسرنا ونارنا مشبوبه = وبيِن اللي صاملٍ معنا من القوماني
كل شهمٍ يبغي العليا وهي مطلوبه = ونيتي العليا مديمٍ وادحر الشيطاني

[سناعيس]

كفو يابو محمد
وصح لسانك وبيض الله وجهك
جزله من جزل
لاهنت

تحياتي

[نجم الإبداع]

كفووووووووو ووجهك ابيض

وصح لسانك يابو محمد

مصافحه وافيه

لاهنت

تقبل مروري

وتقديري

[الطامي]

النيزك
صح بدنك
وشكرا لمرورك وماعليك زود
شكرا لك

[الطامي]

فلاح

صح بدنك
وشكرا لمرورك وماعليك زود
شكرا لك

[عمر ال شيبي]

ايه والله بيض الله وجوه اللي نشدتهم وما قصرو معك
وبيض الله وجهك على القصيده الطيبه
وصح لسانك

[منيع]

ابيات اكثر من رائعة ومعبرة
وكفو ياالطامي
ربي يرعاكم
تحياتي لكم

[داعي الشوق]

صح لساااااااااااانك مليووووون يا بو محمد

ابداع جزل من شاعر جزل

وفيت وكفيت ولاهنت

و صح لسانك

************

[عبدالعزيز العمار]

الطامي

صح لسانك يالقرم ولاهنت

جزل وعلمك وافي وماتجيب الا الجزاله معك

تحياتي وتفديري

[زهرة اللوتس]

سلمت وصح لسانك
جزل ومبدع
لاهنت
تحية طيبه