العام لي مع بعض الاصحاب اسباب

منيع · 31-10-2006, 07:10 PM

هذه ابيات من الارشيف لعام 1402هـ امل ان تحوز على رضاكم والله ولي التوفيق
----------

العام لي مع بعض الاصحاب اسباب=ويهمني عذرالرفيق وغلاته
واليوم لاناشد ولامبدي اعتاب=والود والتقدير ينعى رفاته
كب الرفيق اللي ملول وكذاب=ماوالله ارضى عنه حتى وفاته
خلاص قلبي شام ويضا بعد طاب=ماله ورى بايع ضميره وذاته
من لاصفا لك في الشدايد والانشاب=خله لخو مره يكمل سباته
دنيا توريك العجايب والاذناب=ولافيه شي الا وترمي عباته
يفهم لها من ذاق لوعات الاحباب=والاالمغفل باقي في عماته
مااقولها شامت ولاني بسباب=لاكن حياة اليوم تبقي التفاته
ومن لايكون الذيب تاكله الاذياب=ومن لايكبر مادخل في صلاته
وسمع الزمن مايوحي الكل نعاب=ومال الفتى ياكود يرسم خطاته
ترى حبيب الروح للروح جذاب=قد قالها منه حميده صفاته
شفيعنا في يوم ماينفع انساب=الهادي اللي مانبدل وصاته

عبدالله المرشدي · 31-10-2006, 07:31 PM

عمر العبدالله

اللهم صلي على محمد

وصح لسانك

وعلى شانك

وسلم بنانك

لاهنت

أم ريما · 31-10-2006, 07:45 PM

صح لساااااااانك

قصيده جميله الله يعطيك العافيه

تحياتي لك

ناصر القزلان · 31-10-2006, 07:50 PM

عمر العبدالله ..
وحديث الروح للروح ..
اساس شعري متين ..
صح لسانك مع كل حرف ..
تحياتي ,,,

ضاامية الود · 31-10-2006, 08:51 PM

عمر العبدالله

صح لسانك

وعلى شانك

لاهنت

تقديري واحترامي

نجم الإبداع · 31-10-2006, 09:26 PM

عمر العبدالله

صح لسانك وبنانك

نص جزل ووافي

لاهنت

وكل عام وانت بخير

صادق الود

الطائر المهاجر · 31-10-2006, 09:53 PM

صح لسانك وبيض الله وجهك
الجزالة والقوة في ملحمة من شاعر كبير

لاهان راسك يالغالي
مع أطيب تحياتي

عزوة ابوها · 31-10-2006, 10:21 PM

اللهم صلي وسلم على نبينا محمد ..

عمر العبدالله ..

رااائعه يالشيخ رااائعه

صح السانك ولاهنت

تحيتي لك / مشــاعـــر ( عزوة ابوها )

يزيد النمي · 01-11-2006, 03:52 AM

الهادي اللي ما نبدل وصاته ....

الله الله
صح لسانك ياعمر ويسلم بنانك

مهدي الحبابي · 01-11-2006, 05:28 AM

أخوي عمر العبدالله

صح لسانك وسلم فكرك

رايعه ووافيه من وافي

لك فائق احترامي وتقديري

الذين يشاهدون محتوى الموضوع الآن : 1 ( الأعضاء 0 والزوار 1)