رد: ][ قررت أنسى جرحك اليوم وآتوب ][

[عبدالله الدخيل]

هذه ملاحظاتي

احيان انا انسى مع البعد محبـوب
وهذاك محبوب ٍ نسانـي وتنكّـر
وكي يستقيم الوزن
احيان انا انسى مع عنا البعد محبـوب
وهذاك محبوب ٍ نسان وتنكّـر

من تبوك الورد سافرت مشبـوب
وكي يستقيم الوزن
مقفي تبوك الورد والشوق مشبوب

رويان عُوده ماهوب حيل دبـدوب
الشطر سليم ولكن ليقرأ صحيح
رويان عوده ماهو بْحيل دبدوب

يمكـن مـع الأيـام ليّـه يتذكّـر
وكي يستقيم الوزن
يمكن مع الأيّام ليّ يْتذكّر

[عبدالعزيز العمار]

اسمح لي ابدي رأيي يابودخيل..

(أحيان انا انسا من عنا البعد محبوب) أعتقد كلمة (من) أفضل من (مع)...

(رويان عوده ماهو بالحيل دبدوب) هكذا أفضل حتى يستقيم الوزن ولايصير به ثقل..

(يمكن مع الأيام لي بيتذكر) هكذا أفضل للقراءه وليستقيم الوزن ولايصير به ثقل ..

تحياتي وتقديري

[الطائر المهاجر]

قررت انسى جرحك اليوم واتـوب(قررت انا انسى جرحك اليوم واتوب)
احيان انا انسى مع البعد محبـوب (احيان ابي انسى مع البعد محبوب)
وانسى زمان ٍ عاجز ٍ لـ/ يتذكّـر (وانسى الزمان اللي عجز لا يتذكر)
وهذاك محبوب ٍ نسانـي وتنكّـر (دامه نسى حبي وقام يتنكر)
بعض الوفا ماهو مع الناس مطلوب
راحل بعيدٍ عند الأغـراب وكّـر(يمكن مع الاغراب تلقاه وكر)
من تبوك الورد سافرت مشبـوب (من ديرتي سافرت والجوف مشوب)
وقلب المعنى لي بالأقفـال صكّـر(سكر)
مشيت انا بالشام وحسيت بالشوب(مشيت يمّ الشام ابحث عن الشوب)
وجلست بجنينـة خضـارٍ أفكّـر(وجلست بجنينه خضار اتفكر)
رويان عُوده ماهوب حيل دبـدوب( رويان عوده ماهو بْحيل دبدوب)
ينقال له ريـم ٍوصعـب ٍ أحكّـر( ينقال له ريم صعيب يتحكر)
يمكـن مـع الأيـام ليّـه يتذكّـر ( يمكن مع الايام لي يتذكر)

ارجو من اللجنه مراجعة الإقتراحات من الجميع
واختيار الأفضل منها ،

[عبدالله الدخيل]

ابو سعد بالعكس اشكرك على مداخلتك وهذا ما يجب علينا فعله

ارشح هذه الملاحظات

وهذاك محبوب ٍ نسانـي وتنكّـر
وكي يستقيم الوزن
( وهذاك محبوب ٍ نسان وتنكّـر )
(دامه نسى حبي وقام يتنكر)

من تبوك الورد سافرت مشبـوب
وكي يستقيم الوزن
(مقفي تبوك الورد والشوق مشبوب)
(من ديرتي سافرت والجوف مشبوب)

رويان عُوده ماهوب حيل دبـدوب
الشطر سليم ولكن ليقرأ صحيح
رويان عوده ماهو بْحيل دبدوب

وانسى زمان ٍ عاجز ٍ لـ/ يتذكّـر
الشطر سليم ولكن ليقرأ صحيح
وانسى زمانٍ عاجزٍ لا يْتذكّر

يمكـن مـع الأيـام ليّـه يتذكّـر
وكي يستقيم الوزن
(يمكن مع الأيّام ليّ يْتذكّر )

مع تحفظي عن تكرار القافيه في (يتذكر) والمعنى لأن الوزن هو ما يهمنا والمعنى يرجع للشاعر .

[الطائر المهاجر]

قاعدة تكرار القافيه ان لاتتم قبل 7 ابيات اذا كانت ضرورية ولايمكن وجود البديل
احيان انا انسى مع البعد محبـوب
وهذاك محبوب ٍ نسانـي وتنكّـر
لابد من ربط الشطرين ، فالشطر الثاني ينبغي ان يفسر الشطر الأول ، لذلك كان اقتراحي بالتعديل

[عبدالله الدخيل]

فعلا لم الاحظ ان تكرار القافيه في المشد والقفله
لذلك لا باس في ذلك

وربط الشطرين في بعضهما اعتقد يرجع للشاعر الأهم أن يكون البيت موزون في نظري لاننا نبني النقد على الوزن والمعنى يرجع للشاعر ما عدا المعنى المخل .
لاننا لو بننظر من هذه الناحيه سوف يظهر الكثير من الملاحظات لذلك ارى ان نتغاضى عنها وندعها للشاعر نفسه .

[عبدالله الدخيل]

اراسل الشاعر او راسلتوه !
وش وضعكم القصيده طولت ؟

[الطائر المهاجر]

هل اتفقتوا على الأشطر اللي فيها خلل
والبديل لها؟

[عبدالعزيز العمار]

طيب الان لازم نتفق على تعديل موحد نمشي عليه عشان نراسل الشاعر واخباره بها ..

بالنسبه للشطر هذا ( يمكن مع الايام لي بيتذكر ) انا أرى أن يكتب هكذا حتى تسهل قرائته ..

في الأخير يجب على أعضاء اللجنه اختيار ماهو مناسب من تعديل والإتفاق على رأي موحد حتى يتم مراسلة الشاعر بوسطه احد أعضاء اللجنه..

تحياتي للجميع

[عبدالله الدخيل]

مرحبابكم

طيب يا سعد حطه خيار ضمن الخيارات المتاحه للشاعر بهذا الشكل
انا هذه الاشطر اللي اشوف فيها خلل

وهذاك محبوب ٍ نسانـي وتنكّـر
وكي يستقيم الوزن
( وهذاك محبوب ٍ نسان وتنكّـر )
(دامه نسى حبي وقام يتنكر)

من تبوك الورد سافرت مشبـوب
وكي يستقيم الوزن
(مقفي تبوك الورد والشوق مشبوب)
(من ديرتي سافرت والجوف مشبوب)

رويان عُوده ماهوب حيل دبـدوب
الشطر سليم ولكن ليقرأ صحيح
رويان عوده ماهو بْحيل دبدوب

وانسى زمان ٍ عاجز ٍ لـ/ يتذكّـر
الشطر سليم ولكن ليقرأ صحيح
وانسى زمانٍ عاجزٍ لا يْتذكّر

يمكـن مـع الأيـام ليّـه يتذكّـر
وكي يستقيم الوزن
(يمكن مع الأيّام ليّ يْتذكّر )
( يمكن مع الايام لي بيتذكر )