فلاح+سعود+الطائر

[الطائر المهاجر]

جرت مغرب السبت 12 شعبان 1431 24 يوليو 2010

الطائر=
اظنه خير لي وانته تعرف السر دون اعلان= ولو عانيت من مثلي فلا تظهر لسريه
انا ادري داخلك مثلي حمم تقذف من البركان= ولكن مالنا حيله سوى شعرٍ ورديّه
فلاح=
اشوفك صرت مستسلم وتارك سلة الرمان = وبعض الناس لاشفته نشدني مثل من زيه
الطائر=
انا ماعاد لي نبيان يافالح ولد زهران=تركت الحمل والمحمل بوقتٍ واضحٍ غيه
فلاح=
على هونك على هونك تركد واكسر النيبان =وخل الناس تمشي في هواها وادمح السيه
الطائر=
نعم طاير واهاجر عن زمان صار للغربان=وصار الصقر يشوى به على الحانٍ خليجيه
وتراني تايبٍ مالي ببعض النوق والقعدان=ولا لي في زمان يلسعك لسعات كالحيه
فلاح=
على الطائر طحنا مير ماللطائر استكنان= مع الريح الشمالي والجنوبي مايبا الفيه
سعود=
ترا الطاير يحسب انه يطير وصار له جنحان = ما غير السطح يرقى له يبا يقفز على النيه
الطائر=
خويك دائماً جيبك وبعض احيان للشيطان= ونا ماني خوي اللي اسير عيون كرجيه
فلاح=
انا لاشفت عثمان التميمي هلت القيفان =على راس العويد ياسعود اليوم ناريه
انا مالي خوي غير الزمان وعندك البرهان =وكل الناس دوك اخلاقهم صارت تجاريه
الطائر=
يقولون العرب لامن غزيت وقايدك عثمان=ترى لابد ما تفلح وتأسر كم هنديه
فلاح=
اشوفك ترسل الحكمه وكني من هل الصمان=وصوب تجي جنوب وصوب تلفحني شماليه
سعود=
نشوف اللي يناظرنا ولاني مثلكم عميان = و رميت الشاره وطاحت وهي ماهيب مرميه
يقولون العرب لامن خاويت اهل البقر والضان = يصيبك غث و اهبالٍ ولك روحه و لك جيه
فلاح=
علامك مختلف قلبك ومانته ظابط النيشان=توجه سهم واعيون العرب من خلف صبيه
انا مالي ومال الي تكبر والذي حنقان= ومن به علتن يحتاج له وصفات طبيه
سعود=
نشوف البعض متعالي ويفتح للعرب بيبان = عليه الشمس لو دارت تكدر باله الفيه
ترا الاخوان لو طال الزمن يبقون دوم اخوان = ولا يرضون باسبابٍ تجي من ناس نازيه
فلاح=
انا ماجيت عقب العصر اناظر ناقة البدوان =ولا لي خبر باهل الطبل ساعات اختياريه
بقيت ولا شقيت وشوف مثلك يعدل الميزان=ولوّ اني برميك يالمثنى شفت ذبيه
سعود=
الا يا مرحبا بك يا فلاح الشاعر الفنان = مقامك عندنا عالي ولك بالقلب ماريه
فلاح النجم وابداعه جمال الشعر والالحان =معاني البيت لا جابه حشا ماهيب عاديه
فلاح=
اشوف سعود شايل بندقه ويراقب الحدان=وانا لاشفت زوله راح فكري للعتيبيه
سلام الله عليكم يالذي نازل في الميدان =سلام الود والا الود صاير فيه حبيه

[الطامي]

هههههههههههههه
او نيبان وناقة البدوان
صح الاسنتكم جميع
رائعة جدا
لاهنتم

[داعي الشوق]

صح لسااانك يا بو عبدالله

و لاهنت على النقل الجميل

و صح لساان الشاعر فلاح

[نفحات حساسة]

صح السانكم.,

ولاهنتواا جميع

تحيتي..

[زهرة اللوتس]

صحت السنتكم
ابدعتم وامتعتم
تحية طيبه

[عبدالله مذكر العقيلي]

صحت السنتكم


تحيتي

[سناعيس]

ياسلام عليكم
شعراء فطاحله


تحياتي

[محمد بن عمار]

صحت السنتكم هههههههه مانتم قاوين فلاح ميسمه حامي ، ههههههه كرشكم ابو المناشير لاهنتوا

[حوريه]

صح السنتكم
محاورة جميله وممتعه
تحيتي لكم

[اللويحق]

وفقك الله
على ما خطت اناملك
تحياتي