وقلبي إللي عليه هموم مجتمعه

[عيد مشعل]

أسعد الله اوقاتكم بكل خير ومحبه

لعلها تشفع عن غيابي

واقلبي إللي عليه هموم مجتمعه=مثل إجتماع الدول في حرب صدامي
تاكل وتشرب وقوللها مهي شبعه=دايم تساما معي وبفكري السامي
كني مثل من فقد أصحابه وربعه=وألا يتيمٍ شكى من ظلم الأرحامي
وألا الذي جاريٍ له نكبه وخدعه= مظلوم واليوم محكوماً بالأعدامي
لي بالشقا والمأسي قصةٍ بشعه=صورت منها وكتبت بحبري الدامي
الليل موحش ويوحش خاطري طبعه=والصبح تصبح همومي مالها أرقامي
شف الفرح في حياتي جف لي نبعه=لواهب الحزن جتني بعد الأنسامي
أوسم السعاده تقفى وطافلي زرعه=وأذواد الأفراح هلكاتاً بي حيامي
ياهيه يلي تقول الفزعه الفزعه=الفزعه إنقاذي من أحزان وألامي
معذور لامن بكيت وهلت الدمعه=ومعذور أبيح كنين القلب وأسقامي
هموم وغموم من الجمعه ليا الجمعه=تدوم فيني وغير الله مادامي

وسلامتكم

[الطائر المهاجر]

صح لسانك
وابعد الله عنك الهموم والأحزان
جزله من راس جزل
تم التعديل فيها
لاهنت
تحياتي

[فهد الغنام]

الف صح لسانك ياعيد قصيده وقافيه ..

بس يا ليت القصايد ولا أعني هذه القصيده فقط تدقق من حيث الأملاء والكتابة والأخطاء المطبعية
لأن ما كل من ..يطلّع على القصائد شعراء ..

تحياتي وصح لسانك وكلك يالغالي ..

محبك .. فهد الغنام الشمري

[الطائر المهاجر]

هذا بعد التصحيح يافهد

[الطامي]

صح السانك ملايين
رائعة جدا
لاهنت

[منيع]

ابيات رائعه
كل الشكر لكم
تحياتي

[حي الضمير]

صح لسانك على هذه الابيات الجميله والراقيه.

[داعي الشوق]

صح لسااانك يا عيد

و الحمد لله على السلامه

و الله يصلح الحال

ولاهنت

[الـزلـزال]

عيد مشعل

بوح رائع وجميل ومميز

من شاعر متميز ورائع في بوحه

ابدعت وأمتعت شاعرنا رعاك الله

ابعد الله عنك الأحزان وأدام لنا نبض حرفك

صح لسانك ملايين ملايين

ولك فائق تحياتي وتقديري

[زهرة اللوتس]

صح لسانك وفكرك
لاهنت
جزلة من جزل
تحية طيبه