الذيب ووجه الفضيلة / صوتية

[ماجد الزيد]

ارق الطويلة وارفع عـواك ياذيـب=خل العرب تهتاج لعواك ليلة
مزّع سواد الليل باقسى المخاليـب=يمكن يجيب الصّبح وجه الفضيلـة
إن عشت تلقاني بعـال المراقيـب=ون متّ انا يا ذيب . من بتعوي له
ما جاوبك بعدي شنيع المضاريـب=اللـي علـى يمنـاه اركـى قبيلـه
اتخيله القمرا ويختالها الشِيب=و سود الليالي تحت نابه قتيله
عزيز نفس ٍ ما يدوّر مكاسيب=عواه حرّن والغذاء بقوّ حيله
ولاّ الغنم تعلف بظلّ المشاعيب=والذيب بديار الغنـم . عزتـي لـه
دار ٍ تساوي بين عصْم الشواريـب=وبين الهلايـم ذيـك .دار الفشيلـة
ياذيب كم رجْل ٍ كسى راسه الشّيب=ماحط له مربع براس الطّويله
ورجل ٍ يشوف سهيل فيه المطاليب=تلقى الثّريا نازله في شليله
يشوم عن قاع الرّخوم الجلابيب=ما شالوا الي كتوف قلبه تشيله
لا عرّفوا حقّن ولا عيّبـوا عيـب=والطّيب صاير عند احدهم وسيلـة
وحنّا جِبلْنا طيب والتربيـة طيـب=وفرعون ما حشّم هل الطيب نيلـه
طاغوت عصره بالغباء والأكاذيب=ورّد مصر للنّار من قوّ ميله
ولا أنت ما يدخل على قلبك الرّيب=و خيرات مصر بعين يوشع قليلة
ما شفت من يقنب معك بالمكاتيب؟=يا قوّة الله لا عوى بالجزيلة
همّه يسوق الناس يم عالم الغيب=والخلق تروى من العدل / سلسبيله
صحيح شاف الجور وقد ذاق تعذيب=بس الصّبر زاده وجدّه دليله
يشهق على شمّ الشّواهق بترتيب=وفيه الجلد سبعة , خيول ٍ اصيلة
وحده/ ولا رفقة عقول ٍ مجاريب=خالي/ ولا زحمة نفوس ٍ ذليلة
موته/ ولا سطوة يدين الأرانيب=سمّه يسوس الرّوس روس ٍ عميله
راسه / مع الجوزاء ورجله على النّيب=و عزّة كوى كبود الدلابح بجيله
يا ذيب هذا الوقت وقت الألاعيب =مكر الحصاني سيطر بكل حيله
تنزل على اللحية وتنزل لاشانيب=متقصّفات ٍ خوف موس الهبيله
الوقت هذا / لا يودي ولا يجيب=منّه على كبود الذيابه / مليله
الحق غادي والمبادي / مناكيب=وموت الفتى فدوة / لعين الجليلة
(ويا ذيب انا بوصيك لا تذبح الذيب)= لو مات منّك وين / تلقى بديله

[نفحات حساسة]

موتـه/ ولا سطـوة يديـن الأرانيـب

سمّه يسوس الرّوس روس ٍ عميلـه

راسه / مع الجوزاء ورجله على النّيب

و عزّة كوى كبـود الدلابـح بجيلـه

يا ذيب هذا الوقـت وقـت الألاعيـب

مكر الحصانـي سيطـر بكـل حيلـه

الله ااااااااااااااااااااااالله


صح السانك..ماجد..

ولاهنت ياكبير والكبير الله

سلمت وسلم صوتك يامبدع..

أبيات رائعه تقشعر منها الأبداااان..

وشرف لي اكون اول من يعلق على ابداعك..

سلمت ودمت لنا

تحيتي لك..

[ماجد الزيد]

الأخت الفاضلة نفحات حساسة

صح الله بدنك
واشكرك على مرورك الراقي يا فاضلة
احترامي

[الـزلـزال]

ماجد الزيد

نص رائع ومميز وجزل

من شاعر متميز ورائع في كل مايقدمة

ابدعت وأمتعت وسررت بمعانقة حروفك

دمت من تميز الى مثله ودام لنا نبض حرفك

صح لسانك ملايين ملايين

ولك فائق تحياتي وتقديري

[عبير الورد]

الله الله
صح لساااااااااااااااااانك
مليااااااااااااااراااااااااااا ت سلمت وسلم
منطوقك الجزل ربي يعطيك العافية

[داعي الشوق]

هلا يا بو حمد

يالله حيه و حي ما جاب

وينك يا رجل ؟

أشغلتنا عليك يالغالي ،

وصح لساانك مليار

الابداع و الجمال معك يتجدد دائما

شاعر مطرب يا بو حمد

و تسجيل رائع جدا

صح لسانك مع تحيتي لك

و اشواقي

ولاهنت

*************

[الطائر المهاجر]

صح لسانك وفكرك
ولا هان راسك
جزلة من جزل وشاعر متجدد الإبداع
تحياتي

[عبدالرحمن الصباح]

قصيده رائعه ومميزه وجزله من شاعر كبير صح السانك اخوي

[عبدالناصرالعالي]

ابداااع ابدااااع


صح لسااانك

[منيع]

ابداع وتميز وشموخ
شكرا لكم
تحياتي