ماكنت اظن الورد يقسى على الطين

[احمد الجريفاني]

عقب اندمال الجرح جيتي تزورين= زورة ندم والا حنين لعذابي
جيتي عقب ما ضاع من عمري سنين= ايام كنتي ما تمرين بابي
توقفي يابنت لا تستعجلين= يكفيني انه ضاع دونك شبابي
يا ما فديتك يا سود(ن) داخل العين= واهديت لك روح البيوت العذابي
يا ما مسحت دموع من فوق خدين= تخاف هجراني وتخشى غيابي
واعطيت لك عهد(ن) رجح بالموازين= ولا نقضت العهد رغم اغترابي
كنتي امل روحي عبير البساتين= حلم ليا ضاقت دروبي سرى بي
كنتي عروس العمر نور المزايين=اخاف اكدر خاطرك في عتابي
اخشى عليك من القدر والحسودين= واقبل عليك بلهفتي والتهابي
رحتي شريتي من رصيده ملايين= لون الذهب خلى رموشك حرابي
ليته درى عن غدرك اغتر بالزين=طبع الحمامه غير طبع الغرابي
ما كنت اظن الورد يقسى على الطين= ولا ينكر الطل الرقيق السحابي
وما كنت اظن الحور تمشي بقلبين= ولا لذيذ المي يصبح سرابي
ولا يجيني يوم بقفاه تقفين= كنك حسدتيني بليلة مصابي
انا غني النفس وانتي تعرفين =قمة فخاري شيمتي وانتسابي
يللي غدرتي بي بليلة ثلاثين=شوفي على تعدادها الراس شابي
جيتي عقب ما عافك اللي تودين=هو طاب منك وخاطري منك طابي

[حمود السكراني]

احمد الجريفاني سلم بوحك يالغلا

قصيدة رائعة صح لسااااانك

[الطائر المهاجر]

كم يسعدني تأمل هذا الإبداع
صح لسانك مدد بلا عدد
ولاهان راسك
تحياتي وتقديري

[منيع]

ياسلام عليك
ابداع وتميز
بارك الله فيكم
تحياتي وتقديري

[عبدالله راشد الثويني]

الغالي / أحمـد الجريفااانــي
صح لسانك وعلا شانك شاعر متمكن أمتعتنا بهذه الرائعه
كل الشكر وعساك ع القووه
تقبـّـل وُدي

[سناعيس]

الله الله يالجريفاني
صح لسانك ولله درك
جزل يالغالي


لاهنت


تحياتي

[عدنان كريزم]

صح لسانك يالغالي ولا هنت ع الجزاله

[الطامي]

الجريفاني
صح السانك ملايين
جزلة وهادفه
ومثلك يغني ههههه زياره عقب غيبه
يازينها وياشينها
شكرا لك

[عيدالماجد]

صح لسانك وعلا شانك تستحق هذه القصيده ان تبقى في الذاكره اجدت وابدعت تقبل تحياتي

[نافع بن محمد البويت]

امتعتنا بهذا البوح الرائع بجزالته لاهنت