سلم وقياده

[نجم الإبداع]

ياوجودي وجد من فارق حبيبه من جروح البعد بالموال غنى=او وجود الي في الغربه تعنى في ديار الغرب يتذكر بلاده
لاصديق ولا قريب ولارفاقه والعواطف تشلعه منا ومنا= يحترق قلبه ولا حيٍ درى به ماينام الليل دايم في سهاده
شاردٍ ذهنه يناظر في حياته لامواسي له ولا له قلب حنى=كل ماحوله ظلام وليل حالك لاصدى لاصوت يسري في فؤاده
ياعسل ياشهد دوعاني يداوي ياغصين الخيزران اليا تثنى=ياذهب ياعقد ماس وعقد لؤلؤ ياشبيه الورد ياسكر زياده
ياملوع قلب محبوبك ترفق وارحم الي فيك دايم ياتمنى=ماهوى غيرك ولاهمه بدالك صار بك هيمان مفتقدن رشاده
ياغزالٍ شاقني وابدى غرامه واحسبه يومن صدفني ياتجنى=راقني يوم ان نظرته وامتحني وانتهى كيفي وكيفه من عناده
من يوصل لي لمحبوبي رساله حبرها من دم قلبي ماتسنى=بوح من روحي لروحه مستفيضه راقيه عنوانها شرح الركاده
ليه مابين وساقاني وداده ليه يتغلى ابو الكف المحنى =لو دعاني كنت لبيته وجيته رغم عن كل البشر جاهل وساده
له خفوقي صب مايقوى بعاده يوم يبطي كن بي واهج مقنى=من ضروفه صرت به حيران دايم والحرس حوله لهم سلم وقياده
ليت خلي مايغيب ولا يهاجر وان هجر فالقلب من عقبه تعنى=بلغوه اني على وصله وقربه طول عمري والوفاء لي دوم عاده

[نفحات حساسة]

صح لسانك فلاح
ولالالاهنت
تحياتى لك..

[عبدالله مذكر العقيلي]

ماشاء الله عليك

مبدع يافلاح

سلمت ودمت

وصح لسانك وفكره

الله لايهينك


تحيتي

[عدنان كريزم]

ما شاء الله

طرق شعري متمكن لا يتقنه إلا القله ... ومنهم انت



لا هنت

[مبروك بن ماضي]

شاعرنا القدير/ فلاح بن منشار

صح لسانك وعلا شانك

قصيده عانقت السحاب بروعتها

وطرقها وجمال عباراتها

دمت بهذا الحضور وهذه الشاعريه.

تقبل فائق التقدير والاحترام

[عيد مشعل]

صح لسانك

جزله

تحياتي لك

[مجدي صالح المبارك]

الشاعر القدبر ( فلاح بن منشار ) صح لساتك على هذه القصيدة المميزة في طرقها وجمالها , لك مني فائق التقدير ودمت بكل خير .

[ترانيم المطر]

ليت خلي مايغيب ولا يهاجر وان هجر فالقلب من عقبـه تعنـى
بلغوه اني على وصله وقربه طول عمري والوفاء لي دوم عـاده

قافيه وبحر لا يتقنه الا المميزين

لله درك

لله درك

بوح راقي منقطع النضير

لقد إستمتعت بقراءة الجمال

دره فاتنه

بل نادره

سلمت وسلم بوحك الراقي

لقد حلقت سلم الإبداع وحلقنا معك

حتى جاوزت بنا الآفق

لا جديد سوى التميز

دمت ودام تميزك

تقبل من التحيه أغلاها ودمت بود

[حي الضمير]

صح لسانك وعلا شانك شاعرنا الكبير فلاح
قصيده رائعه وابدعت
ولا عدمنااااك
أجزل التحايا والاحترام يامميز

[نجم الإبداع]

المشاركة الأصلية كتبت بواسطة نفحات حساسة

صح لسانك فلاح
ولالالاهنت
تحياتى لك..

صح بدنك اخت نفحات

اسعدني مرورك الكريم

لاهنتي