كنها تخت من زرياب غنّاها

[نجم الإبداع]

من صدى صوت طيري ضاع بتهوفن=كنها تخت من زرياب غناها
الحروف ارسلتها يم سمعي فن = يوم بعدي من اللوعات عناها
من ثنايا كما اللؤلؤ ليا انصفن=والوجن ورد والكفين حناها
والشفايف عسل يوم انْهْن التفن=ويل قلبي ليا منه تمناها
المشاعر سبتني يوم هن عفن = عاليات الثمر ماحدن تجناها
لايع ارموشها لامنّهن رفن = تذبح اهل الهوى والرب هناها
موق عيني من دموع الجوى جفن=نارتلهب وطول البعد قناها
حبها حل في قلبي ولي كفن =فاقبروني بديرت من تبناها

[داعي الشوق]

صح لساآآنك يالشاعر فلاح

قصيدة جميلة

و المعاني أجمل

معزوفة بيتهوفن يا فلاح

صح لسانك

مع التحية لك

[عذب القوافي]

الجزل / فلاح بن منشار

صح لسانك

نص وافي

من وافي

تقديري ,,,,,,,,

[رفيعة الشان]

فاقبروني بديرة من تبناها
الله الله
نص رااائع وقافيه مميزة
تسلم يمناااك
وصح الله لسانك مليون مليوون



ولاااااهنت

[الطامي]

فلاحبن منشار
صح صحص صح الله السانك وفكرك
ابيات بقافيتها كلها عجيبه
لاهنت اخي
وشكرال ك

[سالم منصر الجعيدي]

أنت ياللي رجوله مابعد حفن=تدعس الكايده والغير ماأثناها
لو تبيها تجيها مابعد قفن=بس هي وافيه من طيب مجناها
في حشاها من الابداع ومدفن=أو هي إبداع من لقصى ليا ادناها
شبت الضو وأنوار العرب طفن=والحظيظ الذي ياخوك يقناها
شامت أقرا العيون النجل وش خفن=جاتك بباقه وذابت بيمناها

أنت لاغبت تسهر ناس ماغفن=لأنك الشعر والكلمه ومعناها

[منصور العبدالله]

موق عيني من دموع الجوى جفـن
نارتلهـب وطـول البعـد قنـاهـا

حبها حل فـي قلبـي ولـي كفـن
فاقبرونـي بديـرت مـن تبنـاهـا



الله يافلااااح


سينفونيه رائعه

من فلاح القرم

صح لساااااااانك

[عبدالله راشد الثويني]

أستاذي الغالي / فلاح بن منشار
صح لسانك مليون ولا يكفون نـص عالي الجوده
من شاعر لطالما إعتدنا على الإبداع منه
قافيه ومضمون لا يعلى عليه
تسلم يمناك ومازلنا طامعين بكل ماتخطه أناملك
تقبل وُدي

[نجم الإبداع]

المشاركة الأصلية كتبت بواسطة داعي الشوق

صح لساآآنك يالشاعر فلاح

قصيدة جميلة

و المعاني أجمل

معزوفة بيتهوفن يا فلاح

صح لسانك

مع التحية لك

تسلم يابو سعد

صح بدنك شاعرنا

ويكفي القصيده وراعيها شرف مرورك


لاعدمتك

[نجم الإبداع]

المشاركة الأصلية كتبت بواسطة عذب القوافي

الجزل / فلاح بن منشار

صح لسانك

نص وافي

من وافي

تقديري ,,,,,,,,

ارحب يابو ابراهيم

صح بدنك


وجزيل الشكر لمرورك الكريم

ومانثره قلمك هو الابداع


لاعدمتك