من الارشيف

[ناصر عبيد الهواوي]

ماعاد مني يجيكم شي ياهل الوفاء=مادام هذي طرايقكم كفاني كفى
قصيدكم مع سعاد ونسخة ٍمع وفاء=حتى الوراعين تنشدها على إخوانها
الفعل هذا يزعلني ولا اقول جاز=سارت مع اهل المدينة والحفر والحجاز
وانا عزيز ٍبنفسي يالربوع العزاز=وشلون تنشر مع العالم ببلدانها
امس العصر ما دريت الا ينادي سمير=يقول شف يالمطوع وش يقول المدير
كلام قاله عنك والله مشكل كتير=اول صديق انت كيف يجن جنجانها
وبالليل عبد السميع يصيح يابيه بيه=شوف القرانين فيها عنك مكتوب ٍايه
دانتا بقى ملطشة ساكت كده ليه ليه=العفو ياسطة عرب ما تظبط السانها
حتى نضال اتصل يقول مكتوب شو=دكتور تكرم عيونك كل هذا حشو
لكان ــ حنا توقفنا وذولا مشوا=بارود ثارت سهو مكسور نيشانها
وسر الختم قال منك الزول دا داير ايش=داير يوزع كلامه عنك بالسوق ليش
يازول خلك بحالك كان داير تعيش=خلك بشانك وخل الناس في شانها
وشوبير قال النبأ منقول بالبي بي سي=قلت اشهد إنك كذوب وعاقب ٍوتخسي
لوهي نقائض جرير او شاعر النرجسي=يوم العرب تازن الكلمة بميزانها
يوم العرب كل منطقهم كلام ٍفصيح=تبني المثنى وتبني الجمع مبناًصحيح
ويوجد مؤنث مجاز وبه مؤنث صريح=وكلامهم ما اختلط مع رطن عجمانها
وصلاة ربي على رسوله المجتبى=من يقدم الرسل يوم الحشر معه اللواء
اعداد ماغرد القمري وهب الهواء=واعداد ما جالت إخيوله بفرسانها

[الطامي]

الهواوي
الله عليها هالرائعه
كلك على كلك عسل ولأصل
صح السانك وبنانك
قراتها مرات ولم املها
معاني طيبه وقافية فذه
شكرا لك ولاهنت اخي

[ابومياس]

الهواوي الله يعينك على كل مانشر

نص جميل المعنى

وماخفي عند شاعرنا

صح لسانك وبيض الله وجهك

دمت بخير

[عذب القوافي]

صح لسانك أخي ناصر نص يستحق القراءة مرارا ً

تقديري ,,,,,,,,,,,,,

[رفيعة الشان]

الله
فعلاً للأخ الهواوي لون مختلف
قصيدة متميزة بموضوعها وبحرهاا
فصح الله لساانك مليوون

ولاااهنت

[منصور العبدالله]

صح لسااانك يا ناصر

ونا اقرا تمنيت انك تعم وتكمل على لهجات كل العرب

وماودى تقيف عند الزول السودانى

رائعه وعسل مثل ماقالو اخوانى

بس ماهى غريبه على ناصر الهواوى

[ام العمده]

الهواوي

الله الله

صح لسانك ملايين

ابدعت

هطول رائع

استمتعت بقراءتها

دمت بخير

[الصريح العتيبي]

الاخ العزيز الاستاذ الشاعر الكبير/ناصر ابن عبيد الهواوي

اوردت في قصيدتك اسماء سمير وعبد السميع والزول ونضال وسعاد وفاء

ولااعتراض على ذلك لكن احذر منهم ومن طبايعهم

والمثل يقول بعد الكبر تجي العبر

احذر مادام انك سالم اليا هالحين

صح لساانك واعتلا شانك

ولاهنت على هذه الشامخه

دمت بخير حال

[منيع]

ابيات رائعة
بارك الله فيكم
تحياتي لكم

الهوااااوي

صح الساانك مليون ولا يسدون

قصيده جزله من شاعر عرفنا عن الابداع

لله درررررررررررررك

لا هنت


موج القصيد