غــدر الــذيب

[محمد بن عمار]

السلام عليكم ...
كيبوردية على عجل
بسبب شخص لااستحى من الله
ولا من الناس ولا من نفسه ...
وصحيح .عفـّوا تعف نساءكم ...!

غــدر الــذيب

يابنت غـدر الذيـب لا حـت مواريـهبالـك مـن انيابـه تحطـك عراشـي

تـرى الضـواري صيـدهـا ماتخلـيـهوتاكل بعض لاصـار مابـه مواشـي

وربيـع قلـبـك لاتـدوسـه مواطـيـهوانتي شباب وتوّ عـودك هشاشـي

يهيف زرع ٍ فـي ضميـرك زرعتيـهوتيبس غصونه لين تصبح نشاشـي

يعطيـك بـالأوهـام قـصـر ٍ معلـيّـهوتلقين دينه وصل ضعف المعاشي

يابنـت قلبـك كـان لـه شـف رديـهمادامت مزون السحب بالمناشـي

ماينـفـع المحـتـاج نـفـس ٍ تمـنـيـهوما ينقذ الغرقـان كثـر الطفاشـي

السيل يجـرف كـل شـيء ٍ يوافيـهلوهـو بـدأ بـأول نـزولـه رشـاشـي

وحذراك من بعض البشر لا لقيتيـهلايآخـذك منـه الحـيـاء بإنكمـاشـي

تـرى بعضهـم لا لقـى مـن يحاكيـهقام ا يتـردد مثـل شغـل الدباشـي

ما هوب الاول من عداد المسافيـهكم واحـد ٍ مثلـه بهالـدرب ماشـي

لا وآحسايـف قولـة ٍ الفـحـل فـيـهوهــو خلـيـط ٍ للنـعـج والكبـاشـي

لاهـو بكفـو ٍ للـرجـا جـيـل تنخـيـهمثلـه وشكلـه احـذريـه وتحـاشـي

ودرب الهوى لا يخدعك ان وطيتيهدربه خفات ٍ هش . كلـه خشاشـي

وكسر القزازة مايفيـد الجبـر فيـهومـا ينترقّـع مثـل شـق القماشـي

محمد بن عمار

[عدنان كريزم]

هلا والله ابو عمار


نص ثقيل جدا من ناحية موضوعه


جزله يالغلا


لا هنت

[الطائر المهاجر]

وكسر القزازة مايفيد الجبـر فيـه
وما ينترقّع مثـل شـق القماشـي

الله الله .... احسنت ..احسنت
نعم ....كسر القزازة ما ينجبر
وعلى كل فناة ان تكون حذره
من الحصاني إن ارادت السلامه
صح لسانك مليار
وبيض الله وجهك
ولاهان راسك
تحياتي القلبيه

[زهرة اللوتس]

ترى الضواري صيدهـا ماتخليـه
وتاكل بعض لاصار مابه مواشـي

وربيع قلبـك لاتدوسـه مواطيـه
وانتي شباب وتوّ عودك هشاشـي

يهيف زرع ٍ في ضميرك زرعتيـه
وتيبس غصونه لين تصبح نشاشي


عز الله انك صادق
باسقة تنطق بالحكمة
من شاعر مبدع
ماشاءلله تبارك الرحمن
سلمت وسلم فكرك
جزلة من شاعر جزل
ولك مني
اطيب تحية

زهرة

[الأموره]

شآعر المشـآعر ...~

قصيده رائعه ..~

بهآ درر ..~

تبارك الرحمن ..~

صح لسانك ملايين ...~

سلمت و سلم فكرك ..~

ألف شكر لك ..~

دمت برعاية الخالق ..~

[ام العمده]

شاعر المشاااعر

صح لسانك واعتلا شانك

لاهان راسك

رائعه من روائعك

كتبت فأبدعت

دمت متألق

تحياتي وتقديري

شاعر المشااعر

قلت واجزلت

قصيده راااائعه قرأتهاا مراارا

قصيده تهم كل فتااة واعيه

بيض الله وجهك

وجزاك الله خير

وصح صح صح الساانك مليووون

لا هنت

موج القصيد

[الطامي]

بن عمار
صح السانك وبنانك
هادفة وطيبه
لاهنت اخي

[ناصر عبيد الهواوي]

ابن عمار الله يحفظك ويكتب لك الثواب
عن معلقة وافية من جميع الوجوه
اكبر فيك هالغيرة على اخواتك
وهذ من شيم العرب في الجاهلية
واكده الاسلام تسلم والله ياشاعر المشاعر

[سناعيس]

الله الله
صح لسانك يابن عمار
اجتماعية رائعه
كعادتك جزل وحكيم
لاهنت
تحياتي