الصداقة

[طلال البدور الشهراني]

بسم الله الرحمن رب السمـاوات=راع الفضل لاعلى عليه اعتمادي
نطلبك يالمعبود درب السهـالات=في دهرنا الحاضر ويوم المنـادي
من بعدهـا يافاهميـن العبـارات=كل الطيور الها مـراح وهـدادي
فاحدٍ تشوفه معتلـي بالطويـلات=واحدٍ تشوفه في نطاق الجـرادي
هاذي هي الصحبه وهمّ الصداقات=حيث ان بعضها ماوصل للمرادي
لاكنّ حـاول تلتـزم بالمهمـات=واختر صديقٍ عارفٍ بالمبـادي
قرمٍ صميدع ضاريٍ بالكرامـات=الطيب فطره فيه قبـل المهـادي
لامن حصل فالوقت لفه وميـلات=واحترت فالموقف ومال الشـدادي
جاك امتعني لك عريب السلالات=ياقف ويصهل مثل صهل الجوادي
لامن فزع يفزع لك بطيب نيـات=ماهو يمنّك بعد رمـي الزنـادي
واحذر نوات الشر واهل المطمات=قد تحسب انه يجلى عنك السوادي
واثره يزيد البغض طول السنوات=للجار والصاحب لعيـنٍ معـادي
من كُثر ماينقد في كل المجـالات=يبغي يزيلك عن عيون العبـادي
بعّ رفقته واقبل جزيـل التحيـات=بعّ رفقته واحذر تعيـد الطـرادي
والدهر لازم تعترض به عسيرات=لوكان به حلوه و ذقـت البـرادي
واختامها صلوا عديد الصـلاوات=على النبي طاها حبيـب البـلادي

[عدنان كريزم]

واحذر نوات الشر واهل المطمات
قد تحسب انه يجلى عنك السوادي
واثره يزيد البغض طول السنوات
للجار والصاحب لعيـنٍ معـادي




شاعرية جميله


وجزله


ولا هنت يالغالي

[داعي الشوق]

صح لسانك يالشاعر طلال

معاني قيّمة

ونصائح ثمينة

صح لسانك مع التحية لك

،،،،،،،،،

[حي الضمير]

صح لسانك ياطلال قصيده جزلة من راس جزل
تقبل التقدير والاحترام الدائم

[عذب القوافي]

صحيت كلك أخي / طلال

وافية من وافي

لله درك يالغالي

مودتي,,,,,,,

[الـزلـزال]

طلال البدور

والدهر لازم تعترض به عسيرات=لوكان به حلوه و ذقـت البـرادي

بوح راقي ومتقن من شاعر جزل

شاهدنا فيه تحذيرات ونصح جميل

أمتزج مع الجزاله وحسن التصوير

وأنتج لنا قصيده رائعة الجمال

صح لسانك ملايين ملايين

تقبل فائق تحياتي

[مبروك بن ماضي]

الأخ العزيز الشاعر / طلال البدور
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

[الطائر المهاجر]

جزل ومبدع
لاهان راسك
تحيتي واحترامي

[الطامي]

طلال البدور
صح السانك ملايين اخي
وافية من وافي لافض فوك
شكرا لك

[منيع]

ابيات رائعة
دمت مبدعا
تحياتي