انا رجل ستير الحال لاثروه ولاسلطان

[فواز الغسلان]

انا ماقلت لك طيبـي مثـل ممـدوح ابـن شعـلانسليـل اللـي تشيـل الثـقـل لا قــادت زماميـلـه

ولاني فـي دروب الطيـب واجـواده مثـل راكـانولانــي واصل(ن)بالطـيـب والنـخـوه مواصيـلـه

ولا كـل العـرب تقـدر تفاخـر فـارس العجـمـانمدامه شـاخ بسباع(ن)سـروج المجـد مـع خيلـه

ولانـي بالقهـاوي فـوق زيــد وراعــي السبـعـانولا عثمـان ريــف الـلـي زمـانـه جادع(ن)حيـلـه

ولاني مثل ابن هادي سليل المجـد فـي قحطـانولا عـزم العطـاوي يـوم زاد الخصـم فـي ميلـه

ولانـي مثـل ثقـل رويـل لا سـاروا كمـا الجيـلانهـل العطفـه ربيـع اللـي زبنهـم عقـب تجفيـلـه

ولاني مثل من ساق الذبيحـه لاسحـم السرحـانولا حـطـاب راع الـجـوف لا قـلــت محاصـيـلـه

ولاني فـي كـرم حاتـم وصبـر جديـع بـن قبـلاناو اللي صـاح للضيفـان عقـب الثلـث مـن ليلـه

ولانـي طيـب ابـن جلعـود ريـف الجايـع البـردانولا وقفـة خلـف لاجــاه رجل(ن)يشتـكـي ويـلـه

ولانـي بالبنـادق حـول كاسـب نـقـوة الشلـقـانولا سطـوة عـقـاب الخـيـل لا ثــارت رجاجيـلـه

ولاني فـي صخـى تركـي وفزعـة ربعـه العتبـانولاني مثل ابن ناحـل مـزون الوسـم مـع سيلـه

ولاني في ثبـات مطيـر لا سـاروا مـع الدوشـانمثـل جطلـي وابـن لامـي الـيـا دارت محاحيـلـه

ولانـي فـي نقـى المنديـل لا بانـت لـي الغـزلانومعهن جادل(ن) تسحـر خفوقـي فـي مجاديلـه

ولانـي مثـل قـاف عبيـد والعونـي وابـن هــدلانوشعر اللي بحرف القـاف ياصـف لـك معاميلـه

ولا النجـدي ولا سعـدون والقرقـاح مـع عـدوانولانـي بـنـدر ابــن ســرور لا ضـاقـت مداخيـلـه

ولا مثـل القريفـه يـوم عـاب البـخـل بالقيـفـانوقال الـرزق رزق اللـي يجينـا الخيـر مـن كيلـه

انـا رجل(ن)ستيـر الحـال لا ثــروه ولا سلـطـانوعلمـي ناقص(ن)بالنـاس لـو حـاولـت تكميـلـه

ولا لـي فـي بنـوك الغـرب لا شفـره ولا عنـوانولا صيفـت فــي بـاريـس مــع بــارق هماليـلـه

اعيـش براتبـي يوميـن وابـقـى عقبـهـا طـفـرانواداري كلمتـي بالـنـاس عــن هـرجـة مهابيـلـه

ولكنـي رفضـت المـال والثـروه وانـا الكسـبـانمدامـه مـن كفـوف اللـي نـوى للنفـس تذليـلـه

اذا قلـت الخبـر بالنـاس جبـت لهرجتـي بـرهـانولا اسولف مـدام النـاس ماتشفـق وتصغـي لـه

واذا شفت الغلط مني رجعت وقلت انـا غلطـانولا نـي ضايق(ن)يانـاس مـن مسـحـه وتعديـلـه

واقـول القـول باسنـاده بـلا زود(ن) ولا نقصـانوغلـق القـاف مانبـلـش عـلـى فهـمـه وتحليـلـه

وعند الحكم لاهل الطيب حكمي يضبط الميـزانوراع الصـدق مانسكـت علـى مــن راد تجهيـلـه

ورجل(ن)عاش بالحيلات يسكن حفرته خسـرانولا يمشـي كـلام الــزور مهـمـا رمــت تجميـلـه

واذا شفت العرب خاضوا بعرض فلان ثـم فـلاناعـاف اللـي بـعـرض الـنـاس سـلـواه وتعاليـلـه

هـوان الشعـر عنـد اللـي يتابـع شاشتـه طربـانتحـاكـي واحد(ن)طـربـان مــع نغـمـة مواويـلـه

انا كيـف ارفـع المثبـور مـع رتبـة رفـاع الشـانواحط اهل الطرب والرقـص مـع قـاري تراتيلـه

وكيف اجمع رجال الطيـب واللـي تفتـح البيبـانمـع الـلـي يشتـكـي بـابـه عـنـاه وكـثـر تقفيـلـه

انا لو نمت ليل الشبط في وسـط الخـلا جيعـانوعشـت العمـر بالخليـان مــع ضـايـع مخاليـلـه

اخيـر مـن المنـام اللـي يذيقـك حفـرة الحقـرانوعـز النفـس راس الربـح عــن ذلــه وتفشيـلـه

واذا كان الزعل كله سبب مدحي صخى الويـلانمدحـت اللـي تشيـل الثقـل ماترتـاع مـن شيلـه

ويشهد لـي جميـع اللـي تهـاب الكـذب والبهتـانبمـن حـازوا جديـد المجـد كـلـه مــع مساميـلـه

جملهـم فـي نهـار الكـون فيـه القيـد للشجعـانولا يغويـك خـرط الـلـي خذتـكـم فــي تهاويـلـه

شيوخ(ن)تنجب الفرسان مثل جديع مع مشعـانومثـل محمـد ابـن سميـر راع المجـد فـي جيلـه

وفيهم ساجر اللي صار مدعاة(ن)علـى الذيـدانولا تسمـع لمـن يجـمـع خبـولـه ثــم يفـتـي لــه

وفيهم مثل ابن عيده عطـوف الجـوف باليتمـانمن اللي تكـرم الجيـران بالحشمـه وتوصـي لـه

وفيهم مدخل المطلوب فـي بيتـه مثـل عمـرانولــولا شيـمـة الـويـلان مايسـلـم مــن الغـيـلـه

ومن يقدر علـى جحـدان شيخ(ن)بـان بالفدعـانشيوخ(ن)تدعـي الضيفـان بالظلمـاء وتومـي لـه

اخاف الظلم حيث الظلم ظلماء ياهـل العرفـانولا يظلـم هـل المعـروف رجل(ن)يرتجـي عيلـه

وترىالاقوال دون افعال ماتروي ظمى العطشانونـور الشمـس مايخفيـه رجـل(ن)حـط منديـلـه

ضـنـى الـويـلان ماتحـتـاج للفـزعـات يـاكـوبـانوبالـفـرقـان ماتـعـتـاز تـوراتــه مـــع انـجـيـلـه

عطيتك فلم فيـه العلـم عقـب الحلـم يانعسـانوهـوش الزلـم وقـت السلـم ماتخفـى مهازيلـه

حروف(ن)ثابته كالشمس في تاريخ ابن غسـلانومن يزعل مهـو مجبـور يسمـع لـه ويوحـي لـه

[ابومياس]

نص جزل من شاعر جزل

يتمتع باصالة المعنى

وجمال الاسلوب

وروعة الحروف

صح لسانك وبيض الله وجهك

دمت بخير

[الخنساء]

انا رجل(ن)ستير الحال لا ثروه ولا سلطان
وعلمي ناقص(ن)بالناس لو حاولت تكميله
ولا لي في بنوك الغرب لا شفره ولا عنوان
ولا صيفت في باريس مع بارق هماليله
اعيش براتبي يومين وابقى عقبها طفران
واداري كلمتي بالناس عن هرجة مهابيله
ولكني رفضت المال والثروه وانا الكسبان
مدامه من كفوف اللي نوى للنفس تذليله
اذا قلت الخبر بالناس جبت لهرجتي برهان
ولا اسولف مدام الناس ماتشفق وتصغي له
واذا شفت الغلط مني رجعت وقلت انا غلطان
ولا ني ضايق(ن)ياناس من مسحه وتعديله
واقول القول باسناده بلا زود(ن) ولا نقصان
وغلق القاف مانبلش على فهمه وتحليله
وعند الحكم لاهل الطيب حكمي يضبط الميزان
وراع الصدق مانسكت على من راد تجهيله
ورجل(ن)عاش بالحيلات يسكن حفرته خسران
ولا يمشي كلام الزور مهما رمت تجميله
واذا شفت العرب خاضوا بعرض فلان ثم فلان
اعاف اللي بعرض الناس سلواه وتعاليله
هوان الشعر عند اللي يتابع شاشته طربان


صح لسانك اخى الشاعر فواز

لاهنت والنعم فيك والانسان دائما باخلاقه

سلمت ودمت بخير

[زهرة اللوتس]

وترىالاقوال دون افعال ماتروي ظمى العطشان
ونور الشمس مايخفيه رجل(ن)حط منديله
ضنى الويلان ماتحتاج للفزعات ياكوبان
وبالفرقان ماتعتاز توراته مع انجيله
عطيتك فلم فيه العلم عقب الحلم يانعسان
وهوش الزلم وقت السلم ماتخفى مهازيله
حروف(ن)ثابته كالشمس في تاريخ ابن غسلان
ومن يزعل مهو مجبور يسمع له ويوحي له


نص جزل من شاعر متمكن
تسلم اخي الشاعر فواز
ويسلم فكرك
نثرت فابدعت
تقبل اخي
تحياتي
واحترامي

[الطامي]

الغسلان
صح الله السانك اخي
والنعم بك وبمن ذكرت
قصيدة طافت بنا الجزيره العربيه وذكرتنا بمن رحل من امجادها الخيار
ولا قصور بالموجودين منهم
لافض فوك
وشكرا لك

[عذب القوافي]

نص يريد تكرارالمروربالفعل أخي وليست يعلم الله مجاملة

لي عودة تليق بهذه العاليه

تقديري أخي ,,,,, فواز

[عيد بن سعدون]

صح لسانك

ونعم بك وبمن مدحت

وكل عاده قصيده مفعمه بالابداع

اتمنالك التوفيق

اخوك
عيد بن سعدون

[يوسف بن صالح]

ورجل(ن)عاش بالحيلات يسكن حفرته خسران
ولا يمشي كلام الزور مهما رمت تجميله
واذا شفت العرب خاضوا بعرض فلان ثم فلان
اعاف اللي بعرض الناس سلواه وتعاليله

الله الله

ما هذا الابداع يا مبدع


صح الله لسانك


روعة والشاهد الله



لاعدمناك ياطويل العمر

اخوي فواز الغسلان

[عبدالله راشد الثويني]

نص شامخ بشموخ كاتبه
وشموخ الاسماء المذكوره من خلال أبياته
الشاعر الراوي فواز الغسلان
خبرتك الطويله من مجال الروايه جعلتك تمتلك قاموس ثري
في معرفه العرب وأهم الشخصيات التي لا بد من ذكرها
صح لسانك وعلا شانك ولا عدمناك يا الغالي
وُدي وإحترامي لشخصك الكريم

[عبدالعزيز ابراهيم المنصور]

كَلِمَات رَائِعة ..يا أبن غَسَلان

ونَّص قِمَة فِي الجَمَال

وقِمَة الجَزالةْ والرَوعَةْ

لاَفَضّ فُوك

دُمْتَ بِهَذا الجَمَال

دُمْتَ بِخَير