راعي الدين

[ماجد المهدي]

مساء الخير يالفطاحلة

قصيدة طفران

اضعاها بين ايديكم من باب التنفيس عن النفس

@
@

البارحه من راعي الدين منحاش = طفران مدري كيف اعوّد قروشه
ودي اقسطها وودّه لها كاش = وأنا معا جمع لْقروشي بهوشه
ومصيبتي طالب بلا اعمال وامعاش = أعزب وقلبي مخضراتٍ خفوشه
وأفرح إلى منّه تجلى أبو بلاش = وحدّي قريشاتٍ تغطي المعوشه
ثلثن على الموتر وثلثن على ماش = وثلثن لجوالي وذيك البشوشه
ذيك التي من شفتها شفت الإنعاش = تكسر عيون البخْل ماله تنوشه
مزيونةٍ بعيونها سحر جيّاش = يا لعنبوها من عيونٍ نهوشه
صادت قليبي مثل صيدات الأبواش = مركوزة النهدين تروي العطوشه
يا ويل حالي صابني خوف واخراش = صلبه ولاهي بالعصاة الهشوشه
وخصرها قوسين في وسطهم داش = محبوك ابداعه بليا عشوشه
وكلامها معسول وأبيض من الشاش = ناعم رقيق وما جلت فيه دوشه
تقول ماجد أعشقك عشق بي طاش = تنثر كياني بالغزل وا تحوشه
أنت الوحيد بداخلي ساكن وعاش = متملكٍ قلبي وحتى عروشه
وأنا على ما اتقول انصاب برعاش = اخاف طاري المال هبت طروشه
تتمسكن واضعف بلا اسئل وانقاش = القاني املبي ونفسي وحوشه
واليوم ودي منّها اغيب وأنحاش = حتى اعوّد لا مديني قروشه

تحياتي

ماجد المهدي

[محمد عبدالله البدراني]

العزيز الغالي ماجد المهدي سلمه الله


مشيت مع الابيات هذي وانا مبسوط من اسلوبها الرائع

البارحه من راعي الدين منحـاش
طفران مدري كيف اعوّد قروشـه
ودي اقسطهـا وودّه لهـا كـاش
وأنا معا جمـع لْقروشـي بهوشـه
ومصيبتي طالب بلا اعمال وامعاش
أعزب وقلبي مخضـراتٍ خفوشـه
وأفرح إلى منّه تجلى أبـو بـلاش
وحدّي قريشاتٍ تغطـي المعوشـه
ثلثن على الموتر وثلثن على مـاش
وثلثن لجوالـي وذيـك البشوشـه


وهنا تبادر الى ذهني انك ستعني الوالده ( ذيك البشوشه )

فكانت الدهشه الاولي :
ثلثن على الموتر وثلثن على مـاش
وثلثن لجوالـي وذيـك البشوشـه
ذيك التي من شفتها شفت الإنعاش
تكسر عيون البخْل مالـه تنوشـه



اها اذا هو المهدي بمفجئاته اوكي مقبوله وهنا :

صادت قليبي مثل صيدات الأبواش


روووووعه ياماجد والله يجازيك تصوير جميل !!!


وبما انك ماجد المهدي صاحبنا الغائب فلا املك الا ان اقول وفقك الله

ولاهنت ياماجد


تحياتي
مع اسمى ايات الشكر فائق الاحترام واطيب المنى رعاك الاله

[طلال سويعد]

الله في كل المجالات رائع

نص جميل

صح لسانك

كل الود

[ماجد المهدي]

المشاركة الأصلية كتبت بواسطة محمد عبدالله البدراني

العزيز الغالي ماجد المهدي سلمه الله


مشيت مع الابيات هذي وانا مبسوط من اسلوبها الرائع

البارحه من راعي الدين منحـاش
طفران مدري كيف اعوّد قروشـه
ودي اقسطهـا وودّه لهـا كـاش
وأنا معا جمـع لْقروشـي بهوشـه
ومصيبتي طالب بلا اعمال وامعاش
أعزب وقلبي مخضـراتٍ خفوشـه
وأفرح إلى منّه تجلى أبـو بـلاش
وحدّي قريشاتٍ تغطـي المعوشـه
ثلثن على الموتر وثلثن على مـاش
وثلثن لجوالـي وذيـك البشوشـه


وهنا تبادر الى ذهني انك ستعني الوالده ( ذيك البشوشه )

فكانت الدهشه الاولي :
ثلثن على الموتر وثلثن على مـاش
وثلثن لجوالـي وذيـك البشوشـه
ذيك التي من شفتها شفت الإنعاش
تكسر عيون البخْل مالـه تنوشـه



اها اذا هو المهدي بمفجئاته اوكي مقبوله وهنا :

صادت قليبي مثل صيدات الأبواش


روووووعه ياماجد والله يجازيك تصوير جميل !!!


وبما انك ماجد المهدي صاحبنا الغائب فلا املك الا ان اقول وفقك الله

ولاهنت ياماجد


تحياتي
مع اسمى ايات الشكر فائق الاحترام واطيب المنى رعاك الاله

اهلا بابو عبدالله البدراني

مرورك شرف لي يالغالي

ولا هنت على الكلام الطيب

تحياتي القلبيه

ماجد المهدي

[ابو زياد]

اخوي ماجد
صح لسانك مدد
والله ييسر لك جميع امورك

[ابومياس]

ماجد المهدي


صح لسانك وبيض الله وجهك

ويسر لك امرك

نص جميل المعاني

اخترت مفردات مناسبة له

دمت بخير

[عبدالله الشويمان]

صح السانك يا اخ ماجد

والله يعين المديونين ويوفي عنهم انه على ذلك قدير..


دمت بخير وصحه وسلامه

[منيع]

ابيات طريفة
شكرا ياماجد
تحياتي لكم

[الخنساء]

صح لسانك اخى الشاعر ماجد

لاهان راسك قصيدة رائعه

سلمت ودمت بخير

[صعبة المنال]

صح لسانك وفكرك


صعووب